រាជធានីភ្នំពេញ ៖ ការឡើងទម្ងន់មិនគ្រប់ ការលូតលាស់មិនបានល្អ គឺជាបញ្ហាទូទៅសម្រាប់កុមារជាច្រើន ។ ជាធម្មតាឪពុកម្តាយ ឬគ្រូពេទ្យអាចមើលឃើញថា កុមារមិនលូតលាស់ល្អ ឬការឡើងទម្ងន់របស់ពួកគេទាបខុសពីកំណើនធម្មតា ។ នៅពេលដែលកុមារមិនឡើងទម្ងន់ ឬកាន់តែថយចុះទម្ងន់ គ្រូពេទ្យអាចចាត់ទុកកុមារថា «ខ្វះអាហារូបត្ថម្ភ» ឬ «មិនលូតលាស់» ។

កូនស្រកទម្ងន់ ពេលណាគួរព្រួយបារម្ភ ?យោងតាមអ្នកជំនាញខាងក្រពះពោះវៀនកុមារ វាសំខាន់ក្នុងការប្រៀបធៀបទម្ងន់របស់កុមារទៅនឹងកម្ពស់ ដើម្បីធានាថា ពួកគេកំពុងឡើងទម្ងន់បានយ៉ាងល្អ បើប្រៀបធៀបទៅនឹងកម្ពស់ ។ពេលខ្លះ ក្មេងដែលទើបចេះដើរតេះតះនឹងស្រកទម្ងន់នៅពេលដែលពួកគេកាន់តែសកម្ម ។ ទម្ងន់របស់ពួកគេអាចធ្លាក់ចុះទាក់ទងទៅនឹងកម្ពស់របស់ពួកគេ ប៉ុន្តែកុមារនៅតែអាចបន្តរីកចម្រើនក្នុងអត្រាធម្មតាសម្រាប់អាយុរបស់ពួកគេ ។ ប្រសិនបើពួកគេស្រកគីឡូយ៉ាង​ខ្លាំង ឪពុកម្តាយ​គួរ​តែ​នាំពួកគេ​ទៅ​ជួប​វេជ្ជបណ្ឌិត និង​ធ្វើការ​វាស់វែង​ឡើង​វិញ ​ដើម្បី​កំណត់​ថា ​តើ​ការ​ធ្លាក់​ចុះ​នោះ​ជារឿងធម្មតា ឬបែបណានោះ ។

ហេតុផលដែលកុមារអាចមិនលូតលាស់បានល្អ ។ មានហេតុផលជាច្រើនដែលកុមារអាចមិនឡើងទម្ងន់ដែលពួកគេត្រូវការ ដើម្បីរក្សាការលូតលាស់ប្រកបដោយសុខភាពល្អ ។ ទាំងនេះ​រួម​បញ្ចូល​ទាំង ៖

១. ទទួលកាឡូរីមិនបានគ្រប់គ្រាន់ ៖ កុមារមិនលូតលាស់ទេ បើពួកគេមិនបានប្រើប្រាស់កាឡូរីគ្រប់គ្រាន់ ។ នេះអាចកើតឡើងចំពោះកុមារដែលរើសចំណី និងមិនសូវចង់ញ៉ាំអាហារ ។

២. បញ្ហាមាត់ ឬសរសៃប្រសាទ ៖ កុមារក៏អាចញ៉ាំមិនបានល្អដែរ ប្រសិនបើពួកគេមានប្រតិកម្មក្នុងមាត់ ឬបញ្ហាសរសៃប្រសាទ ។ បញ្ហាបែបនេះអាចប៉ះពាល់ដល់សមត្ថភាពលេបរបស់ពួកគេ ហើយអាចបណ្តាលមកពីជំងឺដូចជា ពិការខួរក្បាល ឬក្រអូមមាត់ឆែប ។

៣. ក្អួត ៖ ពេលខ្លះ កុមារមិនអាចរុញទឹកដោះគោ ឬអាហារចុះក្រោមបានទេ ដោយសារក្អួតច្រើនពេក ។ នេះអាចបណ្តាលមកពីការចាល់អាស៊ីតធ្ងន់ធ្ងរ ឬបញ្ហាសរសៃប្រសាទមួយចំនួន ។

៤. បញ្ហាលំពែង ៖ ក្មេង​ដែល​មិន​អាច​រំលាយ​អាហារ​បាន​ត្រឹមត្រូវ​ដោយ​សារ​លំពែង​របស់​ពួក

គេ​មាន​សមត្ថភាព​ខ្សោយ​ក៏​អាច​មិន​ឡើង​ទម្ងន់​បាន​ល្អ​ដែរ ។ ក្នុង​ស្ថានភាព​នេះ កុមារ​អាច​មាន​លាមក​ដុំរឹងធំៗ ពពុះ មាន​ក្លិន​ស្អុយ និងសម្បូរជាតិ​ខ្លាញ់ ។

៥. ជំងឺក្រពះពោះវៀន ៖ ជំងឺដែលប៉ះពាល់ដល់ស្រទាប់ពោះវៀនក៏អាចបណ្តាលឱ្យកុមារឡើងទម្ងន់មិនល្អផងដែរ ។

៦. បញ្ហាក្រពេញទីរ៉ូអ៊ីត និងមេតាបូលីស ៖ ក្នុងស្ថានភាពខ្លះ កុមារអាចដុតកាឡូរីច្រើនពេក ប្រសិនបើពួកគេមានក្រពេញទីរ៉ូអ៊ីតសកម្មពេក ។

៧. លក្ខខណ្ឌបេះដូង ៖ កុមារដែលមានជំងឺបេះដូងដែលនាំឱ្យមានជំងឺខ្សោយបេះដូងអាចញ៉ាំមិនបានល្អ ប្រសិនបើពួកគេធ្វើការពិបាកដកដង្ហើម ។

៨. ការលូតលាស់ដែលរងផលប៉ះពាល់ដោយតម្រងនោម ៖ កម្រណាស់ ជំងឺខ្សោយតម្រងនោម ឬជំងឺតម្រងនោមផ្សេងទៀតនឹងប៉ះពាល់ដល់ការឡើងទម្ងន់ (ក៏ដូចជាកម្ពស់) ។

៩. ជំងឺហ្សែន ៖ លើសពីនេះ កុមារខ្លះអាចមានជំងឺហ្សែនជាច្រើនប្រភេទ ដែលអាចប៉ះពាល់ដល់ការឡើងទម្ងន់ ដែលទាមទារឱ្យមានការវាយតម្លៃពីអ្នកឯកទេស ៕

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ សាលារៀនបន្តទទួលចុះឈ្មោះចូលរៀនរៀងរាល់ថ្ងៃ ។

សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕