បុរសជនជាតិចិនម្នាក់ ត្រូវបានគេប្រទះឃើញកាលពីវេលាម៉ោង៦ព្រឹក ថ្ងៃទី២២ ខែវិច្ឆិកា ឆ្នាំ២០២៣ ត្រង់ចំណុចភូមិគគីរ ឃុំបិទត្រាង ស្រុកព្រៃនប់ ខេត្តព្រះសីហនុ នៅក្នុងប្រឡាយតាមចិញ្ចើមផ្លូវមួយកន្លែង ដែលគេជីកថ្មីៗ ដោយដៃ
ខេត្តព្រះសីហនុ ៖ បុរសជនជាតិចិនម្នាក់ ត្រូវបានគេប្រទះឃើញកាលពីវេលាម៉ោង៦ព្រឹក ថ្ងៃទី២២ ខែវិច្ឆិកា ឆ្នាំ២០២៣ ត្រង់ចំណុចភូមិគគីរ ឃុំបិទត្រាង ស្រុកព្រៃនប់ ខេត្តព្រះសីហនុ នៅក្នុងប្រឡាយតាមចិញ្ចើមផ្លូវមួយកន្លែង ដែលគេជីកថ្មីៗ ដោយដៃជាប់ខ្នោះទៅក្រោយ ក្នុងស្ថានភាពទ្រមខ្លួន តែនៅមានជីវិ.តនៅឡើយ ។
យោងតាមប្រភពពីសមត្ថកិច្ចមូលដ្ឋានបានឲ្យដឹងជាបឋមថា កាលពីយប់ថ្ងៃទី២១ ខែវិច្ឆិកា ឆ្នាំ២០២៣នេះ មានចិន២ក្រុម បានឈ្លោះប្រកែកគ្នាយ៉ាងខ្លាំង ស្ថិតក្នុងសង្កាត់លេខ៤ ក្រុងព្រះសីហនុ ។ លុះព្រឹកឡើងមានការចាប់ចងជនជាតិចិនម្នាក់ យកទៅបោះចោលនៅប្រឡាយមួយកន្លែង ស្ថិតក្នុងឃុំបិតត្រាំង ស្រុកព្រៃនប់តែម្ដង។
ហើយជុំវិញករណីខាងលើនេះផងដែរ គេនៅមិនទាន់ដឹងអំពីមូលហេតុពិតប្រាកដដែលឈានដល់ការវា.យខ្នោះ រួចយកទៅទម្លាក់ចោលនោះនៅឡើយទេ ។
ដោយឡែក បើយោងតាមប្រភពពីសាក្សីនៅក្បែរកន្លែងកើតហេតុ បានឲ្យដឹងក្រៅផ្លូវការថា នៅវេលាម៉ោងប្រមាណ១១និង៣០នាទីយប់ ថ្ងៃទី២១ ខែវិច្ឆិកា ឆ្នាំ២០២៣ នៅក្បែរអង្គការម្លប់តាប៉ាង ស្ថិតក្នុងភូមិ៤ សង្កាត់លេខ៤ ខេត្តព្រះសីហនុ មានហេតុការណ៍មួយកើតឡើង ដោយមានរថយន្តមួយគ្រឿងម៉ាកឡង់គ្រីស្ស័រ ពណ៌ខ្មៅ ពុំចាំផ្លាកលេខ មានគ្នាប្រមាណ៤ទៅ៥នាក់ បានបើកមកបុ.កជញ្ជាំងផ្ទះមួយកន្លែងនៅជាប់ចិញ្ចើមផ្លូវ បន្ទាប់មកក៏ឃើញរុញមនុស្សចូលទៅក្នុងរថយន្ត រួចក៏បើកចេញទៅបាត់តែម្ដង ។
ប្រភពដដែលបន្តថា លុះរហូតមកដល់ព្រឹក ទើបឃើញមានការផ្សព្វផ្សាយតាមបណ្ដាញសង្គមថា មានគេប្រទះឃើញបុរសជនជាតិចិនម្នាក់ ត្រូវគេវា.យខ្នោះដៃទៅក្រោយ រួចយកទៅទម្លាក់ចោលនៅក្នុងប្រឡាយជីកថ្មីមួយកន្លែង នៅក្បែរផ្ទះឯកឧត្តមអភិបាលខេត្តតែម្ដង។
ជុំវិញករណីខាងលើនេះដែរ គេពុំទាន់ទទួលបានរបាយការណ៍ ក៏ដូចជាការបំភ្លឺជាក់លាក់ណាមួយពីសមត្ថកិច្ចនៅឡើយទេ ព្រោះសមត្ថកិច្ចបានអះអាងថា ករណីនេះកំពុងតែធ្វើការស្រាវជ្រាវ និងស៊ើបអង្កេត ដើម្បីឈានទៅចាប់ខ្លួនជនសង្ស័យយកមកអនុវត្តទៅតាមនីតិវិធីនៃច្បាប់។
បច្ចុប្បន្ន ជនរងគ្រោះ ត្រូវបានសមត្ថកិច្ចនាំមកសង្គ្រោះនៅមន្ទីរពេទ្យបង្អែកចំការចេក ដោយមានការការពារយ៉ាងហ្មត់ចត់ពីសមត្ថកិច្ចមូលដ្ឋាន និងមន្ត្រីជំនាញពាក់ព័ន្ធ ព្រោះមានតែជនរូបនេះទេ ទើបអាចទម្លាយឱ្យដឹងថា តើហេតុការណ៍នេះវាកើតឡើងដោយសារមូលហេតុអ្វី? ដើម្បីឈានទៅចាប់ខ្លួនជនដៃដល់ ដែលគេជឿជាក់ថា គ្មានអ្នកណាក្រៅពីចិនគ្នាឯងឡើយ ៕
ចែករំលែកព័តមាននេះ