ស្ត្រីម្នាក់ជិះម៉ូតូលឿន និងស្រែកថា«ចោរៗ» រួចក៏ដួ.លប្រាវសន្ល.ប់ឈឹង
- ភ្នំពេញ
រាជធានីភ្នំពេញ ៖ ស្ត្រីម្នាក់ត្រូវបានចោរ១ក្រុមមានគ្នាច្រើននាក់ធ្វើសកម្មភាពឆ.ក់កាបូបបាន
រាជធានីភ្នំពេញ ៖ ស្ត្រីម្នាក់ត្រូវបានចោរ១ក្រុមមានគ្នាច្រើននាក់ធ្វើសកម្មភាពឆ.ក់កាបូបបានសម្រេច ក្នុងខណៈដែលគាត់ជិះម៉ូតូ១គ្រឿងម្នាក់ឯងចេញពីទិញម្ហូបនៅផ្សារទួលពង្រ ពេលនោះគាត់ក៏បានជិះម៉ូតូដេញតាមបណ្ដើរ និងស្រែកថា«ចោរៗ»បណ្ដើរ ។ លុះទៅដល់ត្រង់ចំណុចភ្លើងស្តុបដោយសារតែគាត់ជិះលឿនផងវាក់នឹងរថយន្តនៅខាងមុខទៀត ហើយជាន់ហ្វ្រាំងបន្ថយល្បឿនប្រថុចញ៉ុចផង ក៏បណ្ដាលឲ្យដួលបោកទៅលើថ្នល់ទាំងកម្រោលរងរបួសសន្លប់ស្ដូកស្ដឹង ហើយក្រុមចោរបានយកកាបូបគេចខ្លួនបាត់ដោយសុវត្ថិភាពតែម្ដង។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង១០និង៥០នាទីព្រឹកថ្ងៃទី២២ ខែវិច្ឆិកា ឆ្នាំ២០២៣ នៅត្រង់ចំណុចភ្លើងស្តុបផ្លូវ៣០ម៉ែត្រ កែងផ្លូវ៥០ម៉ែត្រ ស្ថិតនៅក្នុងភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា ស្ត្រីរងគ្រោះរូបនោះនៅមិនទាន់ត្រូវបានស្គាល់អត្តសញ្ញាណនៅឡើយទេ គាត់រងរបួសធ្ងន់ធ្ងរណាស់ដោយដួលផ្កាប់មុខ បណ្ដាលឲ្យបែកមុខនិងសន្លប់ឈឹង ហើយសំណាងដែរដែលនៅខណៈនោះពុំមានរថយន្តធុនធំឆ្លងកាត់ដែលអាចកិ.ន បណ្ដាលឲ្យគាត់ស្លា.ប់បាន។
ប្រភពដដែលបានប្រាប់ឲ្យដឹងបន្តទៀតថា នៅមុនពេលកើតហេតុ ស្ត្រីរងគ្រោះរូបនោះបានជិះម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ភ្នំពេញ 1GW-5022 ចេញពីទិញម្ហូបនៅផ្សារទួលពង្រដោយធ្វើដំណើរតែម្នាក់ឯងក្នុងទិសដៅពីជើងទៅត្បូង។ ពេលនោះស្រាប់តែមានជនសង្ស័យ១ក្រុមមានគ្នា៦នាក់ ជិះម៉ូតូម៉ាកហុងដាឌ្រីម ធុនសេ១២៥ ចំនួន៤គ្រឿង ក្នុងនោះមានពណ៌ខ្មៅ៣គ្រឿង និងពណ៌ក្រហម១គ្រឿង ដេញតាមធ្វើសកម្មភាពឆ.ក់យកកាបូបដែលគាត់ស្ពាយជាប់ខ្លួនបានសម្រេច រួចក្រុមចោរបាននាំគ្នាជិះម៉ូតូគេចខ្លួន។ ខណៈនោះពុំបានបណ្ដាលឲ្យស្ត្រីរងគ្រោះដួលនោះទេ ហើយគាត់ក៏បានជិះម៉ូតូដេញតាមបណ្ដើរ និងស្រែកថា«ចោរៗ»បណ្ដើរ លុះទៅដល់ត្រង់ចំណុចភ្លើងស្តុបដោយសារតែគាត់ជិះលឿនក៏វាក់នឹងរថយន្តនៅខាងមុខ ហើយជាន់ហ្វ្រាំងបន្ថយល្បឿនប្រថុចញ៉ុចពេក ក៏បណ្ដាលឲ្យដួលបោកទៅលើថ្នល់ទាំងកម្រោលរងរបួសសន្លប់ស្ដូកស្ដឹង ហើយក្រុមចោរបានយកកាបូបគេចខ្លួនបាត់ដោយសុវត្ថិភាពតែម្ដង។
ក្រោយកើតហេតុ រថយន្តសង្គ្រោះរបស់មន្ទីរពេទ្យបង្អែកពោធិ៍ចិនតុង បានមកដឹកស្ត្រីរងគ្រោះបញ្ជូនទៅសង្គ្រោះនៅមន្ទីរពេទ្យព្រះកុសុមៈដើម្បីសង្គ្រោះបន្ទាន់ ។ បន្ទាប់មកនគរបាលប៉ុស្តិ៍ចោមចៅទី១បានយកម៉ូតូរបស់ស្ត្រីរងគ្រោះទៅរក្សាទុកនៅប៉ុស្តិ៍ ព្រមទាំងធ្វើការស្រាវជ្រាវដើម្បីវែកមុខក្រុមចោរឆក់ខាងលើឈានទៅការចាប់ខ្លួននៅពេលក្រោយ ៕
ចែករំលែកព័តមាននេះ