រដ្ឋាភិបាលអ៊ីស្រាអែលអនុម័តកិច្ចព្រមព្រៀងដោះលែងចំណាប់ខ្មាំង
សង្គ្រាមអ៊ីស្រាអែលនិងហាម៉ាស់ ៖ ការចរចាកំពុងតែទទួលបានផ្លែផ្កាហើយ រវាងអ៊ីស្រាអែលនិងក្រុម
សង្គ្រាមអ៊ីស្រាអែលនិងហាម៉ាស់ ៖ ការចរចាកំពុងតែទទួលបានផ្លែផ្កាហើយ រវាងអ៊ីស្រាអែលនិងក្រុមហាម៉ាស់ប៉ាឡេស្ទីន។ ក្នុងសេចក្ដីប្រកាសមួយរដ្ឋាភិបាលអ៊ីស្រាអែលនិយាយថា បានអនុម័តមាគ៌ាធំៗដំណាក់កាលទីមួយនៃកិច្ចព្រមព្រៀង ដែលចែងថា មនុស្សដែលចាប់ពង្រត់យ៉ាងតិច៥០នាក់ ក្នុងនោះមានកុមារនិងនារី នឹងត្រូវដោះលែង អំឡុងពេល៤ថ្ងៃ ជាថ្នូរនឹងការដោះលែងអ្នកទោសប៉ាឡេស្ទីន១៥០នាក់ ដោយក្នុងអំឡុងពេលនោះនឹងមិនមានការប្រយុទ្ធគ្នា។
កាលពីយប់ថ្ងៃទី២១វិច្ឆិកានាយករដ្ឋមន្ត្រីអីុស្រាអែល លោកបេនចាមីននេតាន់យ៉ាហ៊ូអះអាងនៅមុខរដ្ឋាភិបាលលោកថា ការចុះហត្ថលេខាលើកិច្ចព្រព្រៀងមួយ ជាមួយក្រុមហាម៉ាស់ស្ដីពីចំណាប់ខ្មាំងដែលឃុំទុកនៅជ្រោយហ្គាហ្សា ចាប់តាំងពីថ្ងៃទី៧តុលាមក នឹងជាសេចក្ដីសម្រេចល្អ្ងមួយដែលត្រូវធ្វើ។
ក្នុងកិច្ចប្រជុំដែលត្រូវឈានដល់ការ សម្រេចចិត្តមួយ លោកនេតាន់យ៉ាហ៊ូថ្លែងថា ប្រធានាធិបតីអាមេរិកលោកចូបៃដិន បានរួមចំណែកកែលម្អក្របខណ្ឌដែលលោកអ្នកបានស្នើ ដើម្បីដោះស្រាយបញ្ហាចំណាប់ខ្មាំងកំុឲ្យបង់តម្លៃច្រើន។ ក្បាលម៉ាសីុនសន្តិសុខទាំងមូលគាំទ្រទាំងស្រុងការសម្រេចនេះ។
បណ្ដាគ្រួសារចំណាប់ខ្មាំងទាមទារថា ចំណាប់ខ្មាំងទាំងអស់ត្រូវតែដោះលែង តែគណ បក្សស្ដាំនិយមជ្រុលSIONISME RELIGIEUX ជាសមាជិកក្នុងរដ្ឋាភិបាលចម្រុះ បានសម្ដែងការប្រឆាំង ចំពោះកិច្ចព្រមព្រៀងនោះដោយយល់ថា ជាកិច្ចព្រមព្រៀងអាក្រក់ សម្រាប់សន្តិសុខអីុស្រាអែល ចំណាប់ខ្មាំងនិងកងទាហានយើង។
កិច្ចព្រមព្រៀងជាមួយក្រុមហាម៉ាស់ ផ្ដោតលើការដោះដូរគ្នាជាដំណាក់ៗ គឺចំណាប់ខ្មាំងយ៉ាងតិច១០នាក់ដោះដូរគ្នាជាមួយអ្នកទោសប៉ាឡេស្ទីន៣០នាក់ក្នុងមួយថ្ងៃ។ កិច្ចព្រមព្រៀងក៏មានការបញ្ចូលស្បៀង ជំនួយវេជ្ជសាស្ត្រនិងប្រេងឥន្ធនៈ ហើយជាពិសេសបទឈប់បាញ់គ្នាមនុស្សធម៌រយៈពេល៥ថ្ងៃ ដែលនឹងអាចបន្តទៀតនៅជ្រោយហ្គាហ្សា។ នេះបើតាមការប្រាប់AFP របស់ប្រភព២ជិតដិតនឹងសំណុំរឿងនោះ៕
ចែករំលែកព័តមាននេះ