កើតមកក្រ មិនមែនជាកំហុសនោះទេ តែបើរស់នៅក្រ ទើបជារឿងដែលគួរតែពិចារណា។ យ៉ាងណាមិញ គ្មាននរណាម្នាក់ប្រាថ្នាកើតមកមានពិការភាពឡើយ ដូច្នេះជីវិ.តពិតជាសំខាន់ណាស់សម្រាប់មនុស្សម្នាក់ៗ ទោះបីជាខ្លួនកើតមកពិការភាពពីកំណើត ឬពិការភាពដោយសារមូលហេតុអ្វីក៏ដោយ ពោលគឺដរាបណានៅមានជីវិ.ត
ខេត្តកណ្ដាល ៖ កើតមកក្រ មិនមែនជាកំហុសនោះទេ តែបើរស់នៅក្រ ទើបជារឿងដែលគួរតែពិចារណា។ យ៉ាងណាមិញ គ្មាននរណាម្នាក់ប្រាថ្នាកើតមកមានពិការភាពឡើយ ដូច្នេះជីវិ.តពិតជាសំខាន់ណាស់សម្រាប់មនុស្សម្នាក់ៗ ទោះបីជាខ្លួនកើតមកពិការភាពពីកំណើត ឬពិការភាពដោយសារមូលហេតុអ្វីក៏ដោយ ពោលគឺដរាបណានៅមានជីវិ.តរស់នៅលើផែនដីនេះ ឱ្យតែមានការតស៊ូពុះពារ នោះជីវិ.តនឹងល្អប្រសើរឡើង។
ជាក់ស្តែង កាលពីពេលថ្មីៗកន្លងទៅនេះ មានបុរសម្នាក់ដែលជាអ្នកលក់មឹកអាំង កំពុងតែធ្វើឱ្យមហាជនអ្នកប្រើប្រាស់បណ្តាញសង្គមមានការកោតសរសើរយ៉ាងខ្លាំង ចំពោះទឹកចិត្តតស៊ូក្នុងឆាកជីវិ.ត ដោយរូបលោកមិនបានយកភាពពិការមកធ្វើជាលេសក្នុងការចុះចាញ់នឹងឆាកជីវិ.តឡើយ។
វីដេអូអំពីបុរសមានពិការភាពដៃទាំងទ្វេ ដែលយើងបានឃើញនៅក្នុងបណ្តាញសង្គមយក្ស TiK Tok កំពុងតែផ្ទុះកក្រើកយ៉ាងខ្លាំង។ លោកពិការដៃទាំងទ្វេមែនពិត តែចិត្តគំនិតខួរក្បាល មិនពិការទៅតាមរូបរាងកាយរបស់លោកនោះទេ ពោលគឺបុរសរូបនេះ ថែមទាំងមានមុខរបបលក់មឹកអាំងទៀតផង ដោយអ្នកដែលធ្លាប់ជិះកាត់មាត់ទន្លេនាទីក្រុងតាខ្មៅ បងប្អូនមហាជនអាចនឹងបានស្គាល់ហើយ ព្រោះថា លោកតែងតែលក់នៅពេលល្ងាចតាមដងផ្លូវនោះ។
ប្រាកដណាស់ ជីវិ.តគឺបែបនេះ ដូច្នេះអ្នកដែលធ្លាប់គិតខ្លី អាចទស្សនាវីដេអូនេះបាន ព្រោះបុរសអ្នកលក់មឹកអាំងរូបនេះ ធ្លាប់រងពាក្យមាក់ងា.យជាច្រើនក្នុងជីវិ.តចំពោះភាពពិការរបស់លោក ប៉ុន្តែលោកពុំដែលបោះបង់ចោលខ្លួនឯងនោះឡើយ ដោយលោកមានតែការតស៊ូ ដើម្បីមានជីវិ.តមួយដែលមានភាពប្រសើរដូចគេឯងដែរ។ ដូច្នេះបងប្អូនដែលមានពិការភាព ឬធ្លាប់គិតថា ជីវិ.តមួយនេះពិបាក អាចស្តាប់ពីជីវិ.តបុរសម្នាក់នេះបាន ក្រែងមានចិត្តគំនិតតស៊ូឡើងវិញ ទោះត្រូវចាប់ផ្តើមពីចំណុចសូន្យក៏ដោយ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក មឿន ចាន់ណា ដែលជាអ្នកលក់មឹកអាំងនាមាត់ទន្លេក្រុងតាខ្មៅ បានប្រាប់ឱ្យដឹងថា «លោកបានប្រកបអាជីពជាអ្នកលក់មឹកនេះអស់រយៈពេល៣ឆ្នាំមកហើយ។ ជារៀងរាល់ថ្ងៃ លោកលក់បានច្រើនគួរសម ដោយក្នុងមួយថ្ងៃ លក់បានចន្លោះចាប់ពី២០គីឡូ ទៅ៤០គីឡូក្រាម»។
ហើយសម្រាប់ការលក់មឹកអាំងនេះ លោកបានប្រាប់បន្តថា «សម្រាប់ថ្ងៃចុងសប្តាហ៍ លក់បានរៀងច្រើនទៅ និងថ្ងៃធម្មតា បានសមល្មមទៅ ពោលគឺបានតិកតក់ៗគ្រាន់ទំនុកបម្រុងជីវិ.ត ដោយត្រូវបង់ធនាគារ ទឹកដោះគោកូន និងចំណីចំណុកប្រចាំថ្ងៃផងដែរនោះ»។
លោក មឿន ចាន់ណា ដែលមានអាយុ២៩ឆ្នាំ ជាជនមានពិការភាពរូបនេះ បានបន្តថា «លោកលក់ជារៀងរាល់ថ្ងៃនាពេលម៉ោង៥ល្ងាច រហូតដល់ម៉ោង១០យប់ ហើយសម្រាប់ការលក់មឹកអាំងនេះ ក៏ជួបផលលំបាកច្រើនចំពោះលោកផ្ទាល់ដែរ ដោយលោកត្រូវលើករបស់ធ្ងន់ៗដាក់លើម៉ូតូរ៉ឺម៉ុករបស់លោក ដើម្បីមកលក់នៅមាត់ទន្លេតាខ្មៅ ក៏ដូចជាការដឹកអោយភ្ញៀវជាដើម។ ហើយចំពោះផលលំបាកមួយទៀតដែលត្អូញត្អែរដែរនោះ គឺពេលរដូវភ្លៀងធ្លាក់ អាចនឹងលក់ពុំសូវដាច់ដូចថ្ងៃធម្មតានោះឡើយ»។
ចំពោះភាពពិការវិញ លោកបានប្រាប់ឱ្យដឹងដែរថា «លោកពិការដោយសារឆ.ក់ខ្សែភ្លើងនៅពេលបំពេញការងារជាជាងផ្សារដែក ដូច្នេះចំពោះការបា.ត់ប.ង់ដៃទាំងទ្វេនេះ លោកពិតជាសោកស្តាយជាខ្លាំង។ ប៉ុន្តែក្រោយមក លោកក៏ធ្វើចិត្តបានចំពោះរឿងមួយនេះ ហើយសម្រាប់ភាពពិការនេះទៀតសោត កាលពីកន្លងទៅ លោកក៏ធ្លាប់ត្រូវគេម៉ាកងា.យផងដែរ ដូច្នេះអ្វីដែលលោកអាចធ្វើទៅបាននោះ គឺមានតែការតស៊ូនៅលើផ្លូវជីវិ.តមួយនេះ ទោះបីជាវាគ្រលុករលាក់បន្តិចមែន តែក៏អាចឱ្យលោករស់នៅដូចគេឯងផងដែរ»។
លោក មឿន ចាន់ណា បានបន្តថា «ទោះបីយើងបា.ត់ប.ង់អ្វីមួយនៃផ្នែករាងកាយក្តី តែយើងនៅមានខួរក្បាលសម្រាប់គិត ដូច្នេះភាពជោគជ័យនៅមានសម្រាប់យើង»។ ដូច្នេះជាចុងក្រោយ លោកសូមផ្តាំផ្ញើចំពោះបងប្អូនដែលកំពុងបំពេញការងារជាជាងសំណង់ក្តី ជាងផ្សារដែកក្តី គួរមានការប្រុងប្រយ័ត្នឱ្យបានខ្ពស់ក្នុងពេលបំពេញការងារ៕ ដោយ ៖ លីហួ គីមឆាយ
@moeunchanna07 មកវិញហើយបងៗ ម៉ូយៗ ចង់ញាំអាចមករកបាន នៅមាត់ទន្លេក្រុងតាខ្មៅ 011434827. , 0973383181 #ជីវិតជនពិការ #ជីវិតជាការតស៊ូ #ជីវិតត្រូវតែតស៊ូ #ជីវិត #មឹកអាំងជនពិការ #មឹកអាំង
♬ សំឡេងដើម – Channa FC – Channa FC
@moeunchanna07 ដឹកមឹកអាំងជូនភ្ញៀវ #ជីវិតត្រូវតែតស៊ូ #មឹកអាំងជនពិការ #ជនពិការកម្ពុជា #ជីវិតជនពិការ #មឹកអាំង #ជិះម៉ូតូ #មឹក
♬ original sound – Channa NG – Channa FC
@moeunchanna07 ត្រៀមមឹកលក់ភ្ជុំ 200kg #ជីវិតត្រូវតែតស៊ូ #ជីវិតអ្នកក្រ #ជីវិតជនពិការ #មឹកអាំងជនពិការ #ជនពិការកម្ពុជា #មឹកអាំង #food #grilled #មឹក
♬ original sound – Channa NG – Channa FC
@moeunchanna07 សាកជិះម៉ូតូឲ្យបងប្អូនមើល #ជនពិការកម្ពុជា #ជិះម៉ូតូ #មឹកអាំងជនពិការ
♬ original sound – Channa NG – Channa FC
@moeunchanna07 ទិញឥវ៉ាន់ទុកអោយហើយ ខ្លាចភ្ជុំអត់មានអីលក់ #ជីវិតត្រូវតែតស៊ូ #ជីវិតអ្នកក្រ #ជីវិតជនពិការ #មឹកអាំងជនពិការ #ជិះម៉ូតូ #ជនពិការកម្ពុជា #មឹកអាំង
♬ original sound – Channa NG – Channa FC
@moeunchanna07 Please God bless me 🙏🙏🙏😭 #godblessme #godblees #godbleesme #godblessme❤️🙏🌈 #foryou #disabledpeople
♬ Amazing Grace – God Bless America
@moeunchanna07 ហូបមីឆាជាមួយខ្ញុំបងប្អូន #ជីវិតជនពិការ #មឹកអាំងជនពិការ #ជនពិការកម្ពុជា
♬ original sound – Channa NG – Channa FC
ចែករំលែកព័តមាននេះ