ភ្នំពេញ៖ គណៈកម្មាធិការជាតិរៀបចំបុណ្យជាតិ-អន្តរជាតិ បានប្រកាសថា ក្នុងព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ រយៈពេល ៣ថ្ងៃ ចាប់ពីថ្ងៃទី២៦-២៨ ខែវិច្ឆិកា ឆ្នាំ២០២៣ គណៈកម្មាធិការរៀបចំបុណ្យជាតិ-អន្តរជាតិ នឹងចាត់តាំងអុជកាំជ្រួច នៅមុខព្រះបរមរាជវាំង ៣យប់ ចាប់ពីម៉ោង ៧យប់តទៅ។ ក្នុងចំណោម​ ៣យប់នេះ នៅយប់ថ្ងៃទី២ ត្រូវនឹងថ្ងៃទី២៧ ខែវិច្ឆិកា ឆ្នាំ២០២៣ នឹងមានពិធីអុជកាំជ្រួចយូរជាងគេ គឺចាប់ពីម៉ោង ៧យប់ រហូតដល់ម៉ោង ១២កណ្តាលអាធ្រាត្រ​។