- ភ្នំពេញ
យុវវ័យទាល់តែចេះផឹកបានស្ទា.វ ! នេះគឺជាខ្លឹមសារដែលពេញនិយមនៅក្នុងចំណោម ស្រទាប់យុវវ័យមួយចំនួន ដែលយកការជួបជុំគ្នា ជប់លៀងជាត្រីមុខនៅរៀងរាល់ចុងសប្តាហ៍ ជាពិសេសនៅពេលដែលពួកគេបើកប្រាក់ខែ
យុវវ័យទាល់តែចេះផឹកបានស្ទា.វ ! នេះគឺជាខ្លឹមសារដែលពេញនិយមនៅក្នុងចំណោម ស្រទាប់យុវវ័យមួយចំនួន ដែលយកការជួបជុំគ្នា ជប់លៀងជាត្រីមុខនៅរៀងរាល់ចុងសប្តាហ៍ ជាពិសេសនៅពេលដែលពួកគេបើកប្រាក់ខែ
យុវវ័យទាល់តែចេះផឹកបានស្ទា.វ ! នេះគឺជាខ្លឹមសារដែលពេញនិយមនៅក្នុងចំណោម ស្រទាប់យុវវ័យមួយចំនួន ដែលយកការជួបជុំគ្នា ជប់លៀងជាត្រីមុខនៅរៀងរាល់ចុងសប្តាហ៍ ជាពិសេសនៅពេលដែលពួកគេបើកប្រាក់ខែ ។
ពាក្យមួយឃ្លារនេះ តែងតែឮសូរក្រុមយុវជន និងយុវនារី តែងតែនិយាយ និងហ៊ោកញ្ជ្រៀវ ច្រៀងរាំសប្បាយ ចាក់ឧបករណ៍បំពងសម្លេង ដោយមិនខ្វល់ពីអារម្មណ៍អ្នករស់នៅជុំវិញខ្លួន ដោយគិតតែម្យ៉ាង គឺកម្មវិធីរបស់ពួកគេសប្បាយរីករាយ ចង់នរណាមានអារម្មណ៍យ៉ាងម៉េចក៏យ៉ាងម៉េចទៅ ។
ដោយសារតែពាក្យនោះហើយ ទើបមកដល់ពេលនេះ មនុស្សមួយចំនួនចម្រើនវ័យមិនទាន់ទេ គឺដឹងតែចេះសេពគ្រឿងស្រវឹង ហើយស្របពេលដែលការផលិតផលគ្រឿងស្រវឹងត្រូវបានឃោសនាផ្សព្វផ្សាយយ៉ាងទូលំទូលាយថែមទៀត វាកាន់តែធ្វើអោយគ្រឿងស្រវឹងកាន់តែមានឥទ្ធិពលនៅក្នុងសង្គមកម្ពុជា។
តាមពិតទៅ គ្រឿងស្រវឹងត្រូវបានមជ្ឈដ្ឋានបញ្ញវ័ន្តមួយចំនួន មិនលើកទឹកចិត្តអោយប្រើប្រាស់ច្រើននោះទេ ហើយបានចាត់ទុកថា ជាប្រភពនៃបញ្ហាសង្គមមួយចំនួន ប្រសិនបើអ្នកដែលទទួលទានខ្វះការគ្រប់គ្រងខ្លួនឯង ។
គ្រឿងស្រវឹង វាគឺជាភេសជ្ជៈដែលមានបង្កប់នូវសារធាតុដែលរំញោចអារម្មណ៍ ធ្វើអោយអ្នកទទួលទានមានភាពក្លៀវក្លាខុសពីធម្មតា ដូច្នេះហើយវាត្រូវបានគេចាត់ទុកថា ជាប្រភពនៃបញ្ហាសង្គមផ្សេងៗ រាប់តាំងពីអំពើហិ.ង្សានៅក្នុងគ្រួសារ និងនៅក្នុងសង្គម គ្រោះថ្នាក់ចរាចរណ៍ ការជំរុញ និងលើកទឹកចិត្តឈានទៅរកការប្រើប្រាស់គ្រឿ.ងញៀ.ន ហើយរហូតដល់អាចប្រព្រឹត្តិអំពើអនាចារ និងសកម្មភាពខុសច្បាប់សង្គម និងប្រទេសជាច្រើនករណីថែមទៀត ។
ក្រៅពីបញ្ហាខាងលើ អ្នកដែលប្រើប្រាស់គ្រឿងស្រវឹងក៏នៅប្រឈមមុខនឹងបញ្ហាសុខភាពជាច្រើនប្រភេទទៀត ដោយរាប់តាំងពីជំងឺថ្លើម ពោះវៀន ក្រពះ តម្រង់នោម ជាដើម ដែលពពួកជំងឺទាំងនេះ គឺសុទ្ធសឹងតែអាចបណ្តាលឲ្យស្លា.ប់បានផងដែរ ។
សូមកុំនាំគ្នាទទួលទានគ្រឿងស្រវឹងច្រើនពេក វាប៉ះពាល់ដល់សុខភាព ហើយប្រសិនបើយើងកាត់បន្ថយបាន សង្គមយើងក៏ទំនងជាអាចនឹងកាត់បន្ថយបញ្ហាសង្គមបានច្រើនករណីដែរ ហើយម្យ៉ាងទៀតវាក៏អាចទប់ស្កាត់មិនអោយសង្គមយើងវាមានស្រាបៀច្រើនពេកនៅក្នុង ប្រទេស។
តាមពិតស្រារបៀរ និងគ្រឿងស្រវឹង ដែលមាននៅលើទីផ្សារនៅក្នុងប្រទេស រាប់ទាំងផលិតនៅក្នុងស្រុក និងនាំចូល ទំនងជាចូលខ្ទង់រយហើយ ដោយរោងចក្រមួយអាចកែច្នៃ ផលិត ស្រាបៀរជាច្រើនប្រភេទ ហើយកម្ពុជាក៏សំបូររោងចក្រផលិតស្រាបៀរផងដែរ ។
តាមស្ថិតិដែលគេសន្និដ្ឋានតាមឥរិយាបទនៃការទទួលទានគ្រឿងស្រវឹងនៅកម្ពុជា បានឲ្យដឹងថា នៅក្នុងមួយឆ្នាំអ្នកទទួលទានស្រាបៀរ និងគ្រឿងស្រវឹងផ្តល់ប្រាក់ចំណូល ដល់អ្នកផលិត អ្នកលក់ អ្នកចែកចាយ ប្រមាណជាមិនក្រោម ៧០០លានដុល្លារឡើយ ។ នៅក្នុងករណីដែលយើងនៅតែបន្តផឹក ហើយថែមទាំងប្រើប្រាស់ពាក្យមួយឃ្លាខាងលើ ជាកម្លាំងជម្រុញបន្ថែមទៀតនោះ កំណើននៃការប្រើប្រាស់គ្រឿងស្រវឹងនៅកម្ពុជា អាចឡើងលើសពីការព្យាករណ៍ដែលកត់ត្រាកំណើនត្រឹមជាង ៦ភាគរយ ខណៈដែលពលរដ្ឋកម្ពុជា នៅក្នុងមួយឆ្នាំ គឺអះអាងថា អាចទទួលទានស្រាបៀរ ប្រហែលជា ២៤,២៩លីត្រ នៅក្នុងមួយឆ្នាំ ។
សូមរិះគិតឡើងវិញ ហើយត្រូវដឹងថា កាលណាយើងផឹកកាន់តែច្រើន លុយរបស់យើងដឹងតែហូរចេញទៅអ្នកលក់ អ្នកផលិត អ្នកចែកចាយ អ្នកនាំចូលកាន់តែច្រើន ខណៈសុខភាពយើងកាន់តែទ្រុឌទ្រោម ហើយហោប៉ៅរបស់យើងកាន់តែស្វិត។ ដូច្នេះ ប្រសិនបើអាចកាត់បន្ថយបាន សូមព្យាយាមកាត់បន្ថយ ។
សរុបមកវិញ ប្រសិនបើឈប់បានគួរតែឈប់ទៅ ការប្រើប្រាស់ពាក្យពេចន៍ដែលមានចរិតលើកទឹកចិត្ត និងជំរុញអោយមនុស្ស ជាពិសេសគឺស្រទាប់យុវវ័យអោយមកធ្លាក់នៅក្នុងអន្លង់នៃការប្រើប្រាស់គ្រឿងស្រវឹង ។ សង្គមមិនគួរគាំទ្រ ឬលើកទឹកចិត្តអោយប្រើប្រាស់គ្រឿងស្រវឹងឡើយ ដោយសារតែវាគ្រោះថ្នាក់ទាំងសុខភាពសង្គម និង មនុស្សជាតិ។
អត្ថបទដោយ ៖ ហេង ចេស្តារ
ចែករំលែកព័តមាននេះ