មន្ត្រីអាជ្ញាធរជាតិអប្សរា សហការជាមួយអភិបាលរងក្រុង និងមន្ត្រីពាក់ព័ន្ធកំពុងតែពន្លឿនការជួសជុល អតីតផ្លូវកូម៉ៃ ក្រោយពេលត្រូវទឹកហូរច្រោះ បណ្តាលឱ្យបា.ក់ដីប្រវែងជាង៣ម៉ែត្រ លើវិថីព្រះនរោត្ដមសីហមុនី ឬហៅថាផ្លូវកូម៉ៃ
ខេត្តសៀមរាប ៖ កាលពីថ្ងៃទី១៧ ខែវិច្ឆិកា ឆ្នាំ២០២៣នេះ មន្ត្រីអាជ្ញាធរជាតិអប្សរា សហការជាមួយអភិបាលរងក្រុង និងមន្ត្រីពាក់ព័ន្ធកំពុងតែពន្លឿនការជួសជុល អតីតផ្លូវកូម៉ៃ ក្រោយពេលត្រូវទឹកហូរច្រោះ បណ្តាលឱ្យបា.ក់ដីប្រវែងជាង៣ម៉ែត្រ លើវិថីព្រះនរោត្ដមសីហមុនី ឬហៅថាផ្លូវកូម៉ៃ កាលពីល្ងាចថ្ងៃទី១៦ ខែវិច្ឆិកា ឆ្នាំ២០២៣កន្លងទៅ នៅចំណុចខាងត្បូងកសិណ្ធុអង្គរ ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប។
ពាក់ព័ន្ធករណីខាងលើនេះដែរ មន្ត្រីជំនាញនៃអាជ្ញាធរជាតិអប្សរា, អភិបាលរងក្រុងសៀមរាប និងសមត្ថកិច្ចពាក់ព័ន្ធ បាននិងកំពុងសហការពន្លឿនការជួសជុលផ្លូវតាំងពីយប់ថ្ងៃទី១៦ ខែវិច្ឆិកាមកម្ល៉េះ ដើម្បីទប់ទឹក ចៀសវាងការខូចខាតក្នុងការប្រមូលផលស្រូវរបស់ប្រជាកសិករដែលនៅជាប់ផ្លូវនោះ។
បើតាមការឱ្យដឹងពីលោក ឡៃ ប៉ូទី អនុប្រធាននាយកដ្ឋានទឹក ព្រៃឈើ នៃអាជ្ញាធរជាតិអប្សរា កាលបីថ្ងៃទី១៧ ខែវិច្ឆិកានេះ បង្ហាញឱ្យដឹងថា «ផ្លូវមួយខ្សែនេះ មានអាយុកាលយូរឆ្នាំមកហើយ គឺចាប់តាំងពីសម័យបារាំង ដែលលោក កូម៉ៃ ជនជាតិបារាំង ជាអ្នកសាងសង់។ ហើយផ្លូវនេះដែរ គឺស្ថិតនៅក្នុងកន្លែងរក្សាទឹក ដែលយើងហៅថា បារាយណ៍»។
តាមការបញ្ជាក់របស់លោក ឡៃ ប៉ូទី បង្ហាញឱ្យដឹងទៀតថា «អាជ្ញាធរជាតិអប្សរា បានគម្រោងធ្វើការសាងសង់នៅលើកំណាត់ផ្លូវនេះហើយ ប៉ុន្តែដោយសារអាយុកាល និងចរាចរណ៍ ដែលមិនអាចឱ្យកំណាត់ផ្លូវនេះទ្រទ្រង់ រហូតដល់ការអនុវត្តគម្រោងបាន»។
គួររំលឹកថា ៖ ទឹកហូរច្រោះផ្ដា.ច់វិថីព្រះនរោត្ដមសីហមុនី(អតីតផ្លូវកូម៉ៃ)ក្នុងតំបន់អង្គរ ៕
ចែករំលែកព័តមាននេះ