ចេញបទបញ្ជាផ្អាកការធ្វើដំណើរតាមផ្លូវសមុទ្រ
- ព្រះសីហនុ
ខេត្តព្រះសីហនុ ៖ នៅព្រឹកថ្ងៃទី១៧ ខែ វិច្ឆិកា ឆ្នាំ ២០២៣នេះ ឯកឧត្តមគួច ចំរើន អភិបាលនៃគណៈអភិបាលខេត្តព្រះសីហនុ…
ខេត្តព្រះសីហនុ ៖ នៅព្រឹកថ្ងៃទី១៧ ខែ វិច្ឆិកា ឆ្នាំ ២០២៣នេះ ឯកឧត្តមគួច ចំរើន អភិបាលនៃគណៈអភិបាលខេត្តព្រះសីហនុ បានដាក់បទបញ្ជាជូនមក ឯកឧត្តម លោកជំទាវ លោកឧត្តមសេនីយ៍,អស់លោក,លោកស្រីទាំងអស់ ជាថ្នាក់ដឹកនាំខេត្តនិងកងកម្លាំងប្រដាប់អាវុធពិសេសអ្នកដែលមានភារកិច្ចពាក់ព័ន្ធនៅក្នុងភារកិច្ចផ្លូវទឹក,ផ្លូវសមុទ្រ សូមយកចិត្តទុកដាក់ខ្ពស់ដោយផ្អែកទៅលើបញ្ហាអាកាសធាតុមិនអំណោយផល ខ្យល់ខ្លាំង រលកធំៗអាចនិងបង្ករឲ្យមានហារនិភ័យដូច្នេះទេក្នុងនាមរដ្ឋបាលខេត្តស្នើរសុំឲ្យមានការផ្អាកដល់ការធ្វើដំណើរជាបណ្តោះអាសន្ន ទាំងទេសចរណ៍,ទាំងដឹកជញ្ជូន,ទាំងប្រជានេសាទ។
ដូច្នេះ សុំបងប្អូនជាអ្នកមានសមត្ថកិច្ចបានធ្វើការផ្សព្វផ្សាយឲ្យបានទូលំទូលាយទៅដល់សហគមន៍ប្រជានេសាទ, សហគមន៍ទេសចរណ៍,សហគមន៍ដឹកជញ្ជូនផ្លូវទឹកឲ្យផ្អាកការធ្វើដំណើរតាមផ្លូវទឹកទៅកាន់តាមបណ្តារកោះឲ្យផ្អាកជាបណ្តោះអាសន្នសិននៅក្នុងសណ្ឋានភាពដែលមានហារនិភ័យនេះរង់ចាំដល់សណ្ឋានភាពអាកាសធាតុបានល្អប្រសើរឡើងវិញទើបអនុញ្ញតិឲ្យដំណើរការធ្វើសកម្មភាពជាប្រក្រតីឡើងវិញ។
សូមឯកឧត្តម,លោកជំទាវ អស់លោក,លោកស្រីអនុវត្តភារកិច្ចឲ្យមានប្រសិទ្ធភាពនិងផ្សព្វផ្សាយឲ្យបានទូរលំទូរលាយទៅដល់អ្នកដែលមានការពាក់ព័ន្ធពិសេសអ្នកទេសចរណ៍និងបងប្អូនប្រជានេសាទ។
ចែករំលែកព័តមាននេះ