ជម្រុះ World Cup ៖ ម៉ាឡេស៊ី-វៀតណាមយកបាន៣ពិន្ទុពីប្រកួតបើកឆាកក្នុងពូល
អន្តរជាតិ ៖ ក្រុមបាល់ទាត់ជម្រើសជាតិម៉ាឡេស៊ី និងវៀតណាម គឺជាក្រុមអាស៊ាន ដែលយកបាន៣
អន្តរជាតិ ៖ ក្រុមបាល់ទាត់ជម្រើសជាតិម៉ាឡេស៊ី និងវៀតណាម គឺជាក្រុមអាស៊ាន ដែលយកបាន៣
អន្តរជាតិ ៖ ក្រុមបាល់ទាត់ជម្រើសជាតិម៉ាឡេស៊ី និងវៀតណាម គឺជាក្រុមអាស៊ាន ដែលយកបាន៣ពិន្ទុពីជំនួបបើកឆាកវគ្គជម្រុះក្នុងពូល នៃការប្រកួតវគ្គជម្រុះជុំទី២ ពានរង្វាន់ FIFA World Cup 2026 ប្រចាំទ្វីបអាស៊ី កាលពីថ្ងៃទី១៦ ខែវិច្ឆិកា ឆ្នាំ២០២៣ កន្លងទៅ ខណៈដែលថៃ សិង្ហបុរី ឥណ្ឌូនេស៊ី ហ្វីលីពីន និងមីយ៉ាន់ម៉ា សុទ្ធតែរងបរាជ័យ។
ម៉ាឡេស៊ី ដែលស្ថិតនៅក្នុងពូល D បានយកឈ្នះលើក្រុមភ្ញៀវកៀហ្ស៊ីស៊ីស្ថានទាំងលំបាកដោយលទ្ធផល ៤-៣ ដើម្បីឈរនៅចំណាត់ថ្នាក់លេខ២ ខណៈដែលម្ចាស់ផ្ទះអូម៉ង់បានលត់ក្រុមភ្ញៀវតៃប៉ិដោយលទ្ធផល ៣-០។
ងាកទៅកាន់ពូល F ឯណោះវិញ វៀតណាមបានបំបាក់មុខម្ចាស់ផ្ទះហ្វីលីពីននៅក្នុងលទ្ធផល ២-០ និងបានឈរនៅចំណាត់ថ្នាក់លេខ២ បន្ទាប់ពីអ៊ីរ៉ាក់លត់ក្រុមភ្ញៀវឥណ្ឌូនេស៊ីដោយលទ្ធផល ៥-១។
ដោយឡែកនៅក្នុងពូល C កូរ៉េខាងត្បូងយកបាន៣ពិន្ទុដោយងាយ បន្ទាប់ពីបំបាក់ក្រុមភ្ញៀវសិង្ហបុរីដោយលទ្ធផល ៥-០ ខណៈដែលចិនក៏បានយកឈ្នះលើម្ចាស់ផ្ទះថៃផងដែរ នៅក្នុងលទ្ធផល ២-១។ នៅក្នុងពូល B ឯណោះវិញ ជប៉ុន ជើងខ្លាំងនៅអាស៊ីបានបំបាក់ក្រុមភ្ញៀវមីយ៉ាន់ម៉ា ដោយលទ្ធផល ៥-០ ដើម្បីឡើងកាន់កាប់កំពូលតារាង ស្របពេលម្ចាស់ផ្ទះស៊ីរីយកឈ្នះកូរ៉េខាងជើងនៅការប្រកួតដ៏តានតឹង ដែលបញ្ចប់ទៅជាមួយលទ្ធផល ១-០។
គួរបញ្ជាក់ថា ការប្រកួតបន្ទាប់ ពូលទាំង ៩ នឹងលេងនៅក្នុងថ្ងៃដំណាលគ្នា ពោលគឺនៅថ្ងៃទី២១ ខែវិច្ឆិកា ឆ្នាំ២០២៣ ខាងមុខនេះ៕ (រូបភាព ៖ AFC)
ចែករំលែកព័តមាននេះ