រាជធានីភ្នំពេញ ៖ ជនសង្ស័យ០២នាក់ ត្រូវបានកម្លាំង នៃអធិការដ្ឋាននគរបាលខណ្ឌប្ញស្សីកែវ ឃាត់ខ្លួនកាលពីវេលាម៉ោង២២និង៣០នាទីថ្ងៃទី១៥ ខែវិច្ឆិកា ឆ្នាំ២០២៣ នៅចំណុចភូមិផ្សារតូច សង្កាត់ទួលសង្កែទី១ ខណ្ឌប្ញស្សីកែវ ខណៈកម្លាំងកំពុងល្បាតក្នុងមូលដ្ឋាន ។
ជនសង្ស័យទាំង០២នាក់ ពាក់ព័ន្ធករណីលួចម៉ូតូប្រព្រឹត្តល្មើសនៅចំណុចផ្ទះគ្មានលេខ ផ្លូវលំ ភូមិព្រែកតាទេព ឃុំព្រែកលឿង ស្រុកពញាឮ ខេត្តកណ្ដាល ។
ជនសង្ស័យចំនួន០២នាក់ រួមមាន ៖
១. ឈ្មោះ យុន ចាន់ថុល ភេទប្រុស មុខរបរកម្មករសំណង់ មានទីលំនៅផ្ទះគ្មានលេខ ភូមិព្រែកក្របៅ ឃុំព្រែកក្របៅ ស្រុកខ្សាច់កណ្ដាល ខេត្តកណ្ដាល (មានសារធាតុញៀន) ។
២. ឈ្មោះ សា វត្តី ភេទប្រុស មុខរបរកម្មករសំណង់ មានទីលំនៅផ្ទះគ្មានលេខ ភូមិព្រែកលួង ឃុំព្រែកលួង ស្រុកខ្សាច់កណ្ដាល ខេត្តកណ្ដាល (មានសារធាតុញៀន) ។
សម្ភារដកហូត ៖ ទូរសព្ទម៉ាកអិនចុចពិល ពណ៌ខ្មៅ, ម៉ូតូម៉ាកហុងដាសេ១២៥ ពណ៌ក្រហម គ្មានស្លាកលេខ ។
បច្ចុប្បន្នជនសង្ស័យទាំង០២នាក់ រួមទាំងវត្ថុតាងខាងលើ កម្លាំងនៃអធិការដ្ឋាននគរបាលខណ្ឌប្ញស្សីកែវ បានធ្វើការប្រគល់ជូនកម្លាំង នៃអធិការដ្ឋាននគរបាលស្រុកពញាឮ នៃខេត្តកណ្តាល ដើម្បីចាត់ការបន្ត តាមនីតិវិធី ៕
ចែករំលែកព័តមាននេះ