រកឃើញសារធាតុគីមី លើបង្គាស្រស់ជាង២តោន ដឹកតាមរថយន្តទួរីស០១គ្រឿង
ខេត្តកណ្ដាល ៖ ថ្ងៃទី១៦ ខែវិច្ឆិកា ឆ្នាំ២០២៣ មន្ត្រីជំនាញ ក.ប.ប. សាខាខេត្តកណ្ដាល ដោយសហការជាមួយនគរបាលសេដ្ឋកិច្ច បានស្ទាក់រថយន្តដឹកគ្រឿងសមុទ្រមួយគ្រឿង…
ខេត្តកណ្ដាល ៖ ថ្ងៃទី១៦ ខែវិច្ឆិកា ឆ្នាំ២០២៣ មន្ត្រីជំនាញ ក.ប.ប. សាខាខេត្តកណ្ដាល ដោយសហការជាមួយនគរបាលសេដ្ឋកិច្ច បានស្ទាក់រថយន្តដឹកគ្រឿងសមុទ្រមួយគ្រឿង…
ខេត្តកណ្ដាល ៖ ថ្ងៃទី១៦ ខែវិច្ឆិកា ឆ្នាំ២០២៣ មន្ត្រីជំនាញ ក.ប.ប. សាខាខេត្តកណ្ដាល ដោយសហការជាមួយនគរបាលសេដ្ឋកិច្ច បានស្ទាក់រថយន្តដឹកគ្រឿងសមុទ្រមួយគ្រឿង ជារថយន្តម៉ាកទួរីស ផ្ទុកនូវបង្គាស្រស់ ចំនួន ១២៤កេស ដែលស្មើនឹង ២,១៣០គីឡូក្រាម ដើម្បីស្វែងរកសារធាតុគីមីហាមឃាត់ ។
ជាលទ្ធផល មន្ត្រីជំនាញ បានរកឃើញសាធារតុគីមី Formolin និងមានចាក់ចាហួយ (CMC) ដែលសារធាតុទាំង២នេះ ធ្វើឱ្យប៉ះពាល់សុខភាពអ្នកប្រើប្រាស់ធ្ថន់ធ្ងរ និងខុសនឹងច្បាប់ ដែលមានចែងជាធរមាន ។
ចំពោះបង្គា ទាំងអស់ ត្រូវបានមន្ត្រីជំនាញ ដកហូតយកកម្ទេចចោលភ្លាមៗ និងពិន័យទៅតាមនីតិវិធីយ៉ាងធ្ងន់ធ្ងរផងដែរ ។
អគ្គនាយកដ្ឋាន ក.ប.ប. សូមលើកទឹកចិត្តបងប្អូនប្រជាពលរដ្ឋ ចូលរួមសហការផ្ដល់ដំណឹងមកអគ្គនាយកដ្ឋាន នៅពេលណា ដែលឃើញ និងដឹងថា មានករណីចរាចរលក់ទំនិញ ម្ហូបអាហារ ដែលពុំមានអនុលោមភាព និងមានហានិភ័យខ្ពស់ ទៅលើសុខភាពបងប្អូនប្រជាពលរដ្ឋ ៕
ចែករំលែកព័តមាននេះ