គ្រាប់ផ្លៃប័រ ត្រូវបានគេយល់ថា មានប្រសិទ្ធភាពក្នុងការព្យាបាលជំងឺឈឺជង្គង់ និងសន្លាក់។ នេះបើតាមអ្នកដែលធ្លាប់បានប្រើប្រាស់ផ្លែប័រ លាយជាមួយអាល់កុល ដើម្បីបំបាត់ការឈឺចាប់ជង្គង់។
លោក ហាក់ ជាកីឡាករម្នាក់ បាននិយាយថា គាត់បានសាកល្បងយកផ្លែប័រ ទៅចិតអោយហ្មត់ ហើយត្រាំជាមួយអាល់កុល។ បន្ទាប់មក យកវាមកប្រើលាបលើក្បាលជង្គង់របស់គាត់ដែលឈឺ។ គាត់និយាយថា បន្ទាប់ពីការលាបវានៅលើជង្គង់បានមួយខែ គាត់បានបាត់ឈឺជង្គង់នោះ។ ជង្គង់របស់លោកហាក់ឈឺ ដោយសារគាត់លេងកីឡាច្រើន។
លោក ហាក់ ជាកីឡាករកម្ពុជាមួយរូប បានអះអាងទៀតថា មិត្តរបស់គាត់បានប្រើវាដែរហើយ គាត់ក៏បាត់ការឈឺចាប់តាមសន្លាក់របស់គាត់។
ការសិក្សាស្រាវជ្រាវផ្នែកវេជ្ជសាស្ត្រ ក៏បានរកឃើញថា គ្រាប់ផ្លែប័រ មានសារធាតុប្រឆាំងនឹងការរលាក ហើយដូច្នេះ វាអាចបំបាត់ការឈឺចាប់ ដែលបណ្តាលមកពីការរលាកដូចជា សន្លាក់ជាដើម។
យោងតាម Business Insider គ្រាប់ផ្លែប័រ មានសារធាតុប្រឆាំងនឹងការរលាក ដូច្នេះវាអាចជួយបន្ថយការឈឺចាប់សន្លាក់។
នេះជារូបមន្តបំបាត់ការឈឺចាប់ ដែលមិនអស់លុយឡើយ។ ដូច្នេះ បើសិនជាអ្នកឈឺក្បាលជង្គង់ ឬ ឈឺសន្លាក់ អ្នកអាចសាកល្បងការចិតផ្លែប័រ យកទៅត្រាំជាមួយអាល់កុល។ បន្ទាប់មក អាចយកវាមកលាបលើក្បាលជង្គង់ដែលឈឺនោះ។ ក្នុងរយ:ពេលមួយខែ អ្នកនឹងអាចដឹងលទ្ឋផលហើយ។
ប៉ុន្តែទោះបីជាយ៉ាងណាក្តី អ្នកប្រើប្រាស់គួរមានការប្រយ័ត្នផងដែរ បើសិនជាពេល ប្រើទៅវាអាចមានប្រតិកម្មលើស្បែក៕
ចែករំលែកព័តមាននេះ