ធ្ងន់ក! Dani Alves ប្រឈមជាប់ពន្ធនាគារពីបទរំលោ.ភផ្លូវភេ.ទនៅប្រទេសអេស្ប៉ាញ
អេស្ប៉ាញ ៖ តុលាការប្រទេសអេស្ប៉ាញបានប្រកាសថា កីឡាករបាល់ទាត់ប្រេស៊ីល Dani Alves នឹង
អេស្ប៉ាញ ៖ តុលាការប្រទេសអេស្ប៉ាញបានប្រកាសថា កីឡាករបាល់ទាត់ប្រេស៊ីល Dani Alves នឹងប្រឈមមុខការកាត់ទោសលើការចោទប្រកាន់ពីបទរំលោភផ្លូវភេទ ដែលកើតឡើងនៅក្លិបកម្សាន្តរាត្រីមួយកន្លែងក្នុងទីក្រុងបាសេឡូណា កាលពីខែធ្នូ ឆ្នាំ ២០២២ កន្លងទៅ។
យោងតាមទីភ្នាក់ងារសារព័ត៌មានរ៉យទ័រ (Reuters) រាយការណ៍ថា Dani Alves អតីតខ្សែការពារឆ្នើមក្រុមអ្នកមានបុណ្យ Barcelona បានឃុំនៅទីក្រុងបាសេឡូណា ចាប់តាំងពីការចាប់ខ្លួន កាលពីថ្ងៃទី២០ ខែមករា កន្លងទៅ។ តុលាការមិនទាន់កំណត់ថ្ងៃកាត់ទោសខ្សែការពារប្រេស៊ីលវ័យ៤០ឆ្នាំរូបនេះនៅឡើយទេ ប៉ុន្តែប្រសិនបើ Alves ត្រូវបានរកឃើញថាមានពិរុទ្ធពិតប្រាកដមែន រូបគេអាចប្រឈមនឹងការជាប់ពន្ធនាគារយ៉ាងតិច៤ឆ្នាំ ឬធ្ងន់ធ្ងរដល់១៥ឆ្នាំ។
នៅក្នុងដីកា ផ្នែកទី២១ នៃតុលាការទីក្រុងបាសេឡូណា បានបញ្ជាក់ពីការកាត់ទោសរបស់ Dani Alves ដោយបានសន្និដ្ឋានថា សេចក្តីថ្លែងការណ៍របស់ជនរងគ្រោះ និងសាក្សី ក៏ដូចជាការបញ្ជាក់របស់អ្នកជំនាញផ្តល់ភស្តុតាងគ្រប់គ្រាន់ដើម្បីចោទប្រកាន់ជនជាប់ចោទពីបទរំលោ.ភផ្លូវភេ.ទ។
តុលាការទីក្រុងបាសេឡូណាអះអាងថា «យើងមានភ័ស្តុតាងគ្រប់គ្រាន់ ដើម្បីបើកការកាត់ក្តីដោយពិចារណាលើសេចក្តីថ្លែងការណ៍ ដែលផ្តល់ឱ្យតុលាការ និងភស្តុតាងដែលបានបង្ហាញនៅក្នុងដំណាក់កាលស៊ើបអង្កេត។ ទោះយ៉ាងណា កាលបរិច្ឆេទសម្រាប់សវនាការមិនទាន់ត្រូវបានកំណត់នៅឡើយ»។
Dani Alves គឺជាកីឡាករបាល់ទាត់ម្នាក់ ដែលជោគជ័យខ្លាំងនៅក្នុងអាជីពរបស់ខ្លួន ដោយបានឈ្នះពានរង្វាន់ជាច្រើននៅប្រេស៊ីល អេស្ប៉ាញ អ៊ីតាលី និងបារាំង ដោយនៅក្នុងនោះរួមទាំងការឈ្នះពានរង្វាន់ UEFA Champions League ៣ដងជាមួយ Barcelona និង Copa America ជាមួយសាំបាប្រេស៊ីលនៅក្នុងឆ្នាំ ២០០៧ និង ២០១៩ ។ ស្ថិតនៅអាយុ៣៩ឆ្នាំ Alves បានក្លាយជាកីឡាករចាស់ជាងគេរបស់ក្រុមសាំបាប្រេស៊ីលដែលបង្ហាញវត្តមាននៅព្រឹត្តិការណ៍ FIFA World Cup 2022 នៅប្រទេសកាតា។
UNAM គឺក្លិបចុងក្រោយដែល Alves បានប្រកបអាជីព ហើយបន្ទាប់ពីការចាប់ខ្លួនកីឡាកររូបនេះ ក្លិបនៅលីគកំពូលម៉ិកស៊ិក (Liga MX) មួយនេះ បានសម្រេចផ្តាច់កុងត្រារបស់ Alves ចោលតែម្តង៕
ចែករំលែកព័តមាននេះ