ក្លិប Man City ប្រកាសប្រាក់ចំណូលបំបែកកំណត់ត្រា Man United នៅ EPL
អង់គ្លេស ៖ ក្លិបបាល់ទាត់ Manchester City បានប្រកាសអំពីប្រាក់ចំណូលចំនួន ៧១២.៨លានផោន
អង់គ្លេស ៖ ក្លិបបាល់ទាត់ Manchester City បានប្រកាសអំពីប្រាក់ចំណូលចំនួន ៧១២.៨លានផោន
អង់គ្លេស ៖ ក្លិបបាល់ទាត់ Manchester City បានប្រកាសអំពីប្រាក់ចំណូលចំនួន ៧១២.៨លានផោន ស្មើនឹង ៨៨៤.៣លានដុល្លារអាមេរិក សម្រាប់ឆ្នាំ ២០២២-២៣ ហើយជាមួយចំនួននេះ បានបំបែកកំណត់ត្រាក្លិបរកប្រាក់ចំណូលបានច្រើនបំផុតនៅក្របខណ្ឌលីគកំពូលអង់គ្លេស Premier League (EPL) របស់ក្លិប Manchester United ។
យោងតាមប្រភពពីសារព័ត៌មាន BBC ដែលចេញផ្សាយកាលពីថ្ងៃទី១៥ ខែវិច្ឆិកា ឆ្នាំ២០២៣ កន្លងទៅ បានឱ្យដឹងថា តួលេខនេះ បានកើនលើសពីកំណត់ត្រា ៦៤៨.៤លានផោន ដែលស្មើនឹង ៨០៤.៤លានដុល្លារ ដែលត្រូវបានប្រកាសកាលពីខែមុនដោយក្លិប Manchester United។
ប្រាក់ចំណូលមហាសាលនេះ កើតឡើងមកពីការរួមចំណែកដ៏ធំធេងពីរដូវកាលមុន ដែលពួកគេបានក្លាយជាក្លិបអង់គ្លេសទី២ បន្ទាប់ពី Manchester United កាលពីឆ្នាំ ១៩៩៩ ដើម្បីឈ្នះពានរង្វាន់៣ក្នុង១រដូវកាល English Premier League, FA Cup និង UEFA Champions League ។ ទោះយ៉ាងណា តួលេខនេះ នៅតែតិចជាងប្រាក់ចំណូលកំណត់ត្រាពិភពលោករបស់ក្លិប Barcelona ដែលរកបានរហូតដល់ ៩៩០លានអឺរ៉ូ ស្មើនឹង ១.០៧ពាន់លានដុល្លារ កាលពីឆ្នាំ២០១៩។
របាយការណ៍ហិរញ្ញវត្ថុរបស់ក្លិប Man City បានបង្ហាញពីការកើនឡើងប្រាក់ចំណូលសំខាន់ៗ នៃផ្នែកទាំងអស់ ដោយប្រាក់ចំណូលបានពីការផ្សាយកើនឡើង ២០.២% នៅក្នុងតម្លៃ ២៩៩.៤លានផោន ស្មើនឹង ៣៧១.៣លានដុល្លារ ហើយក្លិបក៏បានអះអាងថា ប្រាក់ចំណូលនេះជាចម្បងបានមកពីភាពជោគជ័យនៅក្នុងពានរង្វាន់ Champions League និង FA Cup ។ បន្ថែមលើសពីនេះ ក្លិបរហស្សនាម «មេឃខៀវ» ក៏ទទួលបានប្រាក់ចំណេញចំនួន ១២១.៧លានផោន ស្មើនឹង ១៥១លានដុល្លារពីទីផ្សារដោះដូរកីឡាករ អំឡុងឆ្នាំ ២០២២-២៣ ផងដែរ៕
ចែករំលែកព័តមាននេះ