ភ្នំពេញ៖ តាមការគ្រោងទុក នៅម៉ោង ៨ព្រឹក ថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០២៣ រដ្ឋសភា នឹងបន្តសម័យប្រជុំ លើកទី១ នីតិកាលទី៧ ក្រោមអធិបតីភាពដ៏ខ្ពង់ខ្ពស់​របស់​សម្ដេចមហារដ្ឋសភា​ធិការធិបតី ឃួន សុដារី ប្រធានរដ្ឋសភា។ ក្នុងចំណោមរបៀបវារៈ ចំនួន ៤ ដែលរដ្ឋសភា នឹងត្រូវប្រជុំពិភាក្សា និងអនុម័ត​នាព្រឹកថ្ងៃស្អែកនេះ ក៏មានការពិភាក្សា និងអនុម័ត​លើសេចក្តីព្រាងច្បាប់ ស្តីពី ការគ្រប់គ្រងហិរញ្ញវត្ថុសម្រាប់ការគ្រប់គ្រង ឆ្នាំ២០២៤ ឬច្បាប់​ថវិកាជាតិ ឆ្នាំ២០២៤ ផងដែរ​។