- ភ្នំពេញ
អាកាសយានដ្ឋានអន្តរជាតិសៀមរាប-អង្គរថ្មី ដែលនឹងបើកសម្ពោធ ដោយសម្តេចធិបតី នៅថ្ងៃទី១៦ ខែវិច្ឆិកា ឆ្នាំ២០២៣ កំពុងបង្ហាញពិភពលោកអំពីរបៀបដែលគំនិតផ្តួចផ្តើម ខ្សែក្រវាត់ និងផ្លូវរបស់ចិនកំពុងវិវដ្ដ និង
អាកាសយានដ្ឋានអន្តរជាតិសៀមរាប-អង្គរថ្មី ដែលនឹងបើកសម្ពោធ ដោយសម្តេចធិបតី នៅថ្ងៃទី១៦ ខែវិច្ឆិកា ឆ្នាំ២០២៣ កំពុងបង្ហាញពិភពលោកអំពីរបៀបដែលគំនិតផ្តួចផ្តើម ខ្សែក្រវាត់ និងផ្លូវរបស់ចិនកំពុងវិវដ្ដ និង
អាកាសយានដ្ឋានអន្តរជាតិសៀមរាប-អង្គរថ្មី ដែលនឹងបើកសម្ពោធ ដោយសម្តេចធិបតី នៅថ្ងៃទី១៦ ខែវិច្ឆិកា ឆ្នាំ២០២៣ កំពុងបង្ហាញពិភពលោកអំពីរបៀបដែលគំនិតផ្តួចផ្តើម ខ្សែក្រវាត់ និងផ្លូវរបស់ចិនកំពុងវិវដ្ដ និងគំរូគោលនយោបាយសេដ្ឋកិច្ចមួយ ដែលវានៅតែអាចនាំប្រទេសកំពុងអភិវឌ្ឍន៍ទទួលបានមូលនិធិ ដើម្បីយកទៅអភិវឌ្ឍន៍ជាតិ ។
វេទិកាខ្សែក្រវាត់ និងផ្លូវដែលបានរៀបចំកាលពីខែមុន នៅទីក្រុងប៉េកាំង បានបង្កឱ្យមានការអត្ថាធិប្បាយយ៉ាងច្រើនអំពីភាពជោគជ័យ ភាពបរាជ័យ និងអនាគតរបស់គំនិតផ្តួចផ្តើម ដែលបានដាក់ចេញដោយលោក ស៊ី ជីនភីង កាលពីជាង១០ឆ្នាំមុន នូវផលចំណេញផ្នែកសេដ្ឋកិច្ច និងនយោបាយពីកម្មវិធីនេះ និងអ្វីដែលបស្ចឹមប្រទេសមើលស្រាល ហើយក៏ឆ្លុះបញ្ចាំងពីស្ថានភាព និងចរិតលក្ខណៈខុសគ្នារវាងជំនួយចិន និងបស្ចឹមប្រទេស។
មកដល់ពេលនេះ ប្រទេសចិន និងសម្ព័ន្ធមិត្តដោយរួមទាំងកម្ពុជា និយាយដូចគ្នាអំពីផលប្រយោជន៍ដែលមិននឹកស្មានថា គំនិតផ្តួចផ្តើមនេះ បានផ្តល់អត្ថប្រយោជន៍ជាច្រើនដល់ប្រទេសកំពុងអភិវឌ្ឍន៍ ប៉ុន្តែក្រុមអ្នកដែលរិះគន់ ជាពិសេសពួកបច្ចឹមប្រទេសជាច្រើន បានអះអាងថា គំនិតផ្តួចផ្តើមដោយលោកស៊ី បានបង្កនូវបន្ទុកបំណុលកាន់តែធ្ងន់ធ្ងរដល់ប្រទេសដែលចូលរួម ក៏ដូចជាអាចជះឥទ្ធិពលអវិជ្ជមានលើអភិបាលកិច្ច សូចនាករបរិស្ថាន និងសង្គមរបស់ប្រទេសទាំងនោះ ហើយថែមទាំងបានប្រឆាំងទៅនឹងសណ្តាប់ធ្នាប់ពិភពលោកទៀតផងដែរ។
ការសាងសង់អាកាសយានដ្ឋានថ្មីដ៏គួរឱ្យទាក់ទាញ និងទាន់សម័យ ដែលចំណាយថវិកាប្រមាណ ១.១០០ ពាន់លានដុល្លារ និងត្រូវបានបង្កើតឡើងដោយសម្ព័ន្ធក្រុមហ៊ុន គ្រប់គ្រងដោយរដ្ឋមកពីខេត្តយូណាន របស់ប្រទេសចិន ត្រូវបានផ្តល់ហិរញ្ញប្បទាន ដោយស្ថាប័នហិរញ្ញវត្ថុចិន។
អ្នកអភិវឌ្ឍន៍នឹងដំណើរការអាកាសយានដ្ឋាននេះ ក្រោមកិច្ចព្រមព្រៀងតាមរបៀបមួយដែលគេហៅថា សាងសង់-ប្រតិបត្តិការ-ផ្ទេរប្រាក់ (BOT) រយៈពេល៥៥ឆ្នាំ ដែលនេះគឺជាយន្តការគន្លឹះមួយ ដែលបង្ហាញសាម៉ីប្រទេសនឹងអាចទទួលភាពជាម្ចាស់ពេញទំហឹងវិញ បន្ទាប់ពីរយៈពេលនេះបានបញ្ចប់ ។
អាកាសយានដ្ឋានថ្មី ដែលមានចម្ងាយប្រហែល៥០គីឡូម៉ែត្រពីខេត្តសៀមរាប គឺនៅឆ្ងាយពីប្រាសាទអង្គរវត្តដ៏ល្បីជាងអាកាសយានដ្ឋានចាស់ដែលមានចម្ងាយមិនឆ្ងាយពីសម្បត្តិបេតិកភណ្ឌពិភពលោក និងទីក្រុងសៀមរាម ដែលបានបិទកាលពីខែមុន។ ការផ្លាស់ប្តូរនេះ នឹងរួមចំណែកដល់ការអភិរក្សរមណីយដ្ឋានអង្គរ ក៏ដូចជាសម្រួលដល់ការចុះចតប្រកបដោយសុវត្ថិភាព ហើយអាចធានាដល់យន្តហោះពាណិជ្ជកម្មធុនធំបំផុត របស់ពិភពលោកចុះចតបានជាមួយនឹងឧបករណ៍នានាដែលទំនើប ។
អាកាសយានដ្ឋានថ្មីនេះ នឹងអាចផ្ទុកអ្នកដំណើរបាន៧លាននាក់ក្នុងមួយឆ្នាំ បានបង្កើនសមត្ថភាពទទួលអ្នកដំណើរបន្ថែម២លាននាក់លើសសមត្ថភាពនៅអាកាសយានដ្ឋានចាស់។ ខណៈពេលដែលសមត្ថភាពទទួលភ្ញៀវកាន់តែច្រើនអាចមានសារៈសំខាន់នាពេលអនាគត សម្រាប់សេដ្ឋកិច្ចដែលពឹងផ្អែកលើវិស័យទេសចរណ៍របស់កម្ពុជា។ ទោះបីជាពេលនេះ ភ្ញៀវទេសចរបរទេស មកលេងសៀមរាបនៅតិចតួចក៏ដោយចុះ ប៉ុន្តែអាកាសយានដ្ឋានថ្មីនេះ អាចនឹងឱ្យកម្ពុជា អូសបន្លាយចិនឱ្យផ្តល់ និងគាំទ្រសម្រាប់គម្រោងមួយចំនួនទៀត គឺហេដ្ឋារចនាសម្ព័ន្ធតភ្ជាប់ពីអាកាសយានដ្ឋាន មកទីក្រុងសៀមរាប ដែលមានតាំងពីរថភ្លើងធុនស្រាល ហើយក៏ដូចជាផ្លូវថ្នល់ដែលមានគុណភាព ដែលវាមិនត្រឹមតែមានប្រយោជន៍សម្រាប់អ្នកដំណើរប៉ុណ្ណោះទេ ពលរដ្ឋកម្ពុជាក៏នឹងទទួលផលនេះផងដែរ ។
ក្រៅពីនោះ ក៏មានសេចក្តីរាយការណ៍ថា រាជរដ្ឋាភិបាលកម្ពុជា ក៏មានទំនួលខុសត្រូវខាងផ្លូវច្បាប់ផងដែរ ដល់ក្រុមហ៊ុនបុត្រសម្ព័ន្ធរបស់បារាំង ដែលជាអ្នកទទួលសិទ្ធិវិនិយោគនៅអាកាសយានដ្ឋានចាស់ ។ តាមដែលព័ត៌មានបានទទួល ក្រុមហ៊ុនសម្បទានព្រលានយន្តហោះចាស់ ដែលមានសិទ្ធិគ្រប់គ្រង និងធ្វើអាជីវកម្មអាកាសយាន្តដ្ឋានចាស់ គឺក្រុមហ៊ុន Vinci គឺត្រូវបានរាជរដ្ឋាភិបាលផ្តល់សំណងតាមច្បាប់ជាថ្នូរនឹងកិច្ចព្រមព្រៀងសម្បទានដល់ឆ្នាំ២០៤០ ។
ជុំវិញការចំណាយដ៏ក្រាស់ក្រែលលើការសាងសង់អាកាសយានដ្ឋាននេះ មានអ្នករិះគន់ថា កម្ពុជាកំពុងយកទៅអន្ទាក់បំណុលចិន ក្រោមគំនិតផ្តួចផ្តើមខ្សែក្រវាត់ និងផ្លូវ ប៉ុន្តែយើងត្រូវយល់ថា តើកម្ពុជាជាប់បំណុលវ័ណ្ឌ.កយ៉ាងម៉េច? ពីព្រោះអ្នកដែលសាងសង់ គឺក្រុមហ៊ុនចិន ហើយអ្នកដែលខ្ចី និងទទួលលុយ គឺជាក្រុមហ៊ុនចិននោះទេ។ ដូច្នេះគួរបញ្ឈប់ការរិះគន់បែបនេះ ខណៈដែលពេលនេះ អ្នកបង្កើតគោលនយោបាយកម្ពុជា កំពុងតែយកចិត្តទុកដាក់ចំពោះប្រទេសចិន ដោយសារសារៈសំខាន់ដ៏ធំធេងរបស់ខ្លួន ក្នុងនាមជាដៃគូរពាណិជ្ជកម្ម និងវិនិយោគ និងអ្នកផ្តល់ប្រាក់កម្ចី ។
សូមកុំបន្ទោសកម្ពុជាលើគោលនយោបាយបែបនេះ ពីព្រោះអ្វីដែលកម្ពុជាកំពុងតែធ្វើ គឺនៅក្នុងគោលបំណងតែមួយគត់ ដើម្បីជំរុញសមត្ថភាពរបស់ខ្លួន ដើម្បីទទួលបានឱកាសផលប្រយោជន៍សេដ្ឋកិច្ចកាន់តែខ្ពស់ប៉ុណ្ណោះ។ ដូចដែលរាជរដ្ឋាភិបាលបានប្រកាសយ៉ាងច្បាស់ហើយថា កម្ពុជាអាចធ្វើការជាមួយគ្រប់ដៃគូរ ប៉ុន្តែនៅក្នុងករណីគេមិនមក តើអោយកម្ពុជាមិនធ្វើការជាមួយនឹងអ្នកដែលមកឬ? ។ បញ្ហាប្រជាធិបតេយ្យ និងសិទ្ធិមនុស្ស វាអាចគ្រាន់តែថាមវន្តបន្ថែមនូវរសជាតិនិន្នា ការនយោបាយបស្ចឹមប្រទេសប្រើប្រាស់មកលើកម្ពុជាប៉ុណ្ណោះ ។
សរុបមកវិញ សមិទ្ធផលនៅអាកាសយានដ្ឋានថ្មីនេះ ជាសក្ខីភាពស្រាប់ ដែលបង្ហាញពីរបៀបដែលទីក្រុងប៉េកាំងធ្វើ និងតម្រូវការដែលប្រទេសកំពុងអភិវឌ្ឍន៍ចង់បាន ហើយក៏ជាកញ្ជាក់ បង្ហាញផ្លូវថា តើប្រទេសកំពុងអភិវឌ្ឍន៍គួរដើរផ្លូវណា? ។ មកដល់ពេលនេះ កម្ពុជានៅតែចាប់អារម្មណ៍នឹងគម្រោងក្រោមគំនិតផ្តួចផ្តើមនេះបន្ថែមទៀត ដូចដែលត្រូវបានបញ្ជាក់យ៉ាងច្បាស់ក្នុងដំណើរទស្សនកិច្ចរបស់សម្តេចធិបតី នៅទីក្រុងប៉េកាំងនាពេលថ្មីៗនេះ។ ដរាបណាប្រទេសចិន និងដៃគូរប្រទេសកំពុងអភិវឌ្ឍន៍របស់ខ្លួនអាចរៀបចំឱ្យមានអត្ថប្រយោជន៍ទៅវិញទៅមក គំនិតផ្តួចផ្តើមខ្សែក្រវាត់ និងផ្លូវ ប្រាកដជានឹងបន្តដំណើរការទៅមុខបន្ថែមទៀត។
អត្ថបទដោយ ៖ ហេង ចេស្តារ
ចែករំលែកព័តមាននេះ