ADផ្ទាំងផ្សព្វផ្សាយពាណិជ្ជកម្ម

Picture

ពេល​កូន​ចូល​រៀន​ចំណុច​សំខាន់​ទាំង ៣ នេះ​ដែល​ឪពុក​ម្តាយ​គួរ​ដឹង !

7 ខែ មុន
  • ភ្នំពេញ

រាជធានី​ភ្នំពេញ ៖ ការ​ចូល​រៀន​នៅ​សាលា​វិញ​អាច​នាំ​មក​នូវ​រឿង​ថ្មី​ជា​ច្រើន កាបូបស្ពាយ​ថ្មី មុខ​វិជ្ជា​ថ្មី​ដែល​ត្រូវ​រៀន និង​មេរោគ​ថ្មី​ផង​ដែរ ។ ជំងឺ​ញឹកញាប់ គឺជា​ផ្នែក​ធម្មតា​នៃ​កុមារភាព តាម​ពិត​ទៅ​វា​ជា​រឿង​ធម្មតា​ទេ…

រាជធានី​ភ្នំពេញ ៖ ការ​ចូល​រៀន​នៅ​សាលា​វិញ​អាច​នាំ​មក​នូវ​រឿង​ថ្មី​ជា​ច្រើន កាបូបស្ពាយ​ថ្មី មុខ​វិជ្ជា​ថ្មី​ដែល​ត្រូវ​រៀន និង​មេរោគ​ថ្មី​ផង​ដែរ ។ ជំងឺ​ញឹកញាប់ គឺជា​ផ្នែក​ធម្មតា​នៃ​កុមារភាព តាម​ពិត​ទៅ​វា​ជា​រឿង​ធម្មតា​ទេ ដែល​កូន​របស់​អ្នក​កើតរោគ​ផ្តាសាយ មេរោគ​ផ្លូវដង្ហើម ឬ​ក្រពះ​ពី ៦ ទៅ ៨ ដង​ក្នុង​មួយ​ឆ្នាំ ។ ដូច្នេះ​តើ​អ្នក​អាច​ត្រៀមខ្លួន​ដោយ​របៀប​ណា​សម្រាប់​ជំងឺ​ដែល​ជៀស​មិន​រួច​ទាំងនេះ ? ចម្លើយ​គឺ​ផ្តោត​លើ​អ្វី​ដែល​អ្នក​អាច​គ្រប់គ្រង​បាន ដូច​ជា ៖ អនុវត្ត​ទម្លាប់​ដែល​មាន​សុខភាព​ល្អ​, រៀបចំ​ពេល​កូន​នៅ​សាលា និង​រៀបចំ​ផែនការ​ជាមួយ​គ្រូពេទ្យ​កុមារ​របស់​អ្នក ក្នុង​ករណី​ដែល​កូន​របស់​អ្នក​ឈឺ ។

១. អនុវត្ត​ទម្លាប់​ដែល​មាន​សុខភាព​ល្អ ៖ អ្វី​ដែល​សំខាន់​បំផុត​ដែល​អ្នក​អាច​ធ្វើ​បាន ដើម្បី​ជួយ​ការពារ​កូន​ពី​ការ​ប៉ះពាល់​នឹង​មេរោគ គឺ​បង្រៀន​ពួក​គេ​ពី​របៀប​លាងដៃ​ឱ្យ​បាន​ត្រឹមត្រូវ ។ ការ​លាងដៃ ឬ​ការ​ប្រើប្រាស់​ទឹក​អាកុល​លាងដៃ​មាន​សារៈសំខាន់​ណាស់ ជា​ពិសេស​បន្ទាប់​ពី​ចូល​បន្ទប់ទឹក និង​មុន​ញ៉ាំ​អាហារ ។ វា​ក៏​ប្រហែលជា​មាន​ប្រយោជន៍​ផង​ដែរ​ក្នុង​ការ​បង្រៀន​កូន​របស់​អ្នក​ឱ្យ​កណ្តាស់ និង​ក្អក​ចូល​ទៅ​ក្នុង​កែងដៃ​របស់​ពួក​គេ​ជំនួស​ឱ្យ​បាតដៃរ​ដែល​ងាយ​នឹង​ឆ្លង​មេរោគ ។ សូម​ប្រាកដ​ថា សមាជិកគ្រួសារ​របស់​អ្នក​ទាំងអស់​បាន​ទទួល​វ៉ាក់សាំង​តាម​ការ​ណែនាំ​របស់​គ្រូពេទ្យ ។ ការ​ញ៉ាំ​អាហារ​មាន​សុខភាព​ល្អ និង​ការ​ហាត់ប្រាណ​ពិតជា​រឿង​ចាំបាច់ ដែល​ក្រុម​គ្រួសារ​អ្នក​មិន​គួរ​មើល​រំលង​ឡើយ ។

២. រៀបចំ​ពេល​កូន​នៅ​សាលា ៖ យើង​ដឹង​ថា មានរឿង​ជា​ច្រើន​ដែល​ត្រូវ​គិត​នៅ​ពេល​អ្នក​រៀបចំ​កូន​របស់​អ្នក​សម្រាប់​ការ​សិកស្សា ។ ដូច្នេះ​ដើម្បី​ធ្វើ​ឱ្យ​អ្វី​ៗ​កាន់តែ​ងាយស្រួល សូម​ធ្វើ​តាម​ការ​ណែនាំ​ដូច​ជា ៖ នាំ​កូន​ទៅ​ពិនិត្យ​សុខភាព ចាក់​ថ្នាំ​បង្ការ និង​ថ្នាំ​ដែល​ចាំបាច់​មក​ជាមួយ​អ្នក​ទៅ​ជួប​គ្រូពេទ្យ​កុមារ​របស់​កូន​អ្នក មុន​ពេល​ឆ្នាំ​សិក្សា​ចាប់ផ្តើម ។ ប្រសិនបើ​កូន​របស់​អ្នក​ត្រូវ​លេបថ្នាំ ចាំបាច់​ត្រូវ​ណាត់ ជួប គ្រូ​កូន​របស់​អ្នក ដើម្បី​ឱ្យ​គាត់​ជួយ​តាមដាន​ការ​ញ៉ាំ​ថ្នាំ​ពេល​នៅ​សាលា ។ រៀបចំ​សម្ភារ​សម្លាប់​មេរោគ​ឱ្យ​កូន​ទៅ​សាលា​ដូច​ជា​អាល់កុល ជែ​លលាង​ដៃ និង​ក្រដាសអនាម័យ​ជាដើម ។

៣. រៀបចំ​ផែនការ​ជាមួយ​គ្រូពេទ្យ​កូន​របស់​អ្នក ៖ ការ​មាន​ផែនការ​សម្រាប់​រដូវ​ក្មេង​ឈឺ​ច្រើន​អាច​ជួយ​អ្នក​ឱ្យ​មាន​អារម្មណ៍​ជឿជាក់ និង​កាត់​បន្ថយ​ការ​ឈឺ​ញឹកញាប់ ។ វា​ក៏​មាន​ប្រយោជន៍​ផង​ដែរ​ក្នុង​ការ​ដឹង​ថា តើ​រោគ​សញ្ញា​អ្វីខ្លះ​ដែល​អ្នក​គួរ​ទាក់ទង​មក​គ្រូពេទ្យ​ដូច​ជា ៖ ការ​ខ្វះ​ជាតិ​ទឹក​, គ្រុនក្តៅ​យូរ​ចំពោះ​កុមារ​ដែល​មាន​អាយុ​លើស​ពី ៣ ខែ​, និង​ក្អក​ដែល​មាន​សញ្ញា​ទាក់ទង​នឹង​ការ​ដកដង្ហើម ឬ​ពិបាក​ដកដង្ហើម ឬ​មាន​រយៈពេល​យូរ​ជាង ៧-១០ ថ្ងៃ ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​នូវ​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស កម្មវិធី​ភាសា​ចិន និង​កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ វគ្គ​សិក្សា​ថ្មី ចូល​រៀន​ថ្ងៃ​ទី ៣០ ខែតុលា ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​ពិសេស​រហូត​ដល់ ៤០% លើ​តម្លៃ​សិក្សា សម្រាប់​កា​ចុះ​ឈ្មោះ​ជា​ក្រុម លក្ខណៈ​គ្រួសារ ឬ​ពីរ​កម្មវិធី ព្រមទាំង​ផ្តល់​ជូន​ការ​ធានា​រ៉ាប់រង​គ្រោះថ្នាក់ និង​ការពារ​ការ​សិក្សា​បុត្រ​ធីតា​រហូត​ដល់ ៥ ឆ្នាំ ។ ការ​ផ្តល់​ជូន​ខាងលើ​នេះ​មាន​សុពលភាព​សម្រាប់​ការ​ចុះ​ឈ្មោះ​ចូល​រៀន​ត្រឹម​ថ្ងៃ​ទី ៤ ខែវិច្ឆិកា ឆ្នាំ ២០២៣ ។

សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕