មន្ទីរពេទ្យធំនៅហ្គាហ្សារងការវា.យប្រហាររបស់អ៊ីស្រាអែល
សង្គ្រាមអីុស្រាអែលនិងហាម៉ាស់ ៖ សង្គ្រាមរវាងអ៊ីស្រាអែលនិងក្រុមហាម៉ាស់ប៉ាឡេស្ទីនមកដល់ថ្ងៃទី
សង្គ្រាមអីុស្រាអែលនិងហាម៉ាស់ ៖ សង្គ្រាមរវាងអ៊ីស្រាអែលនិងក្រុមហាម៉ាស់ប៉ាឡេស្ទីនមកដល់ថ្ងៃទី១៣វិច្ឆិកាឈានចូលដល់ថ្ងៃទី៣៨ហើយ។ នាថ្ងៃទី១២វិច្ឆិកាអនុរដ្ឋមន្ត្រីសុខាភិបាលរបស់រដ្ឋាភិបាលហាម៉ាសនៅហ្គាហ្សា លោកយូសេវអាប៊ូរិកអះអាងប្រាប់AFPថា ការវាយប្រហារតាមអាកាសមួយរបស់អ៊ីស្រាអែល បានកម្ទេចទាំងស្រុងអគារមួយសម្រាប់ផ្នែកបេះដូង នៃមន្ទីរពេទ្យធំនៅហ្គាហ្សាគឺមន្ទីរពេទ្យAL CHIFA ។ អ្នកទទួលខុសត្រូវរូបនេះមិនបានរៀបរាប់ពីតុល្យការនៃជនរងគ្រោះដោយសារការវាយប្រហារនេះឡើយ។
លោកយូសេវអាប៊ូរិកបន្តថា មន្ទីរពេទ្យនោះមានអ្នកជំងឺ៦៥០នាក់ ហើយកូនង៉ែតប្រមាណជា៤០នាក់កំពុងចិញ្ចឹមក្នុងកែវ ដែលពួកគេកំពុងរងការគម្រាមបាត់បង់ជីវិត។ ចាប់តាំងពីថ្ងៃទី១១វិច្ឆិកាមក អគ្គិសនីត្រូវដាច់ក្នុងមន្ទីរពេទ្យនេះ ហើយកូនង៉ែតច្រើនសិបនាក់កំពុងចិញ្ចឹមក្នុងកែវនិងបណ្ដាអ្នកជំងឺសង្គ្រោះបន្ទាន់ កំពុងជួបគ្រោះថ្នាក់បាត់បង់ជីវិត៕
ចែករំលែកព័តមាននេះ