ខេត្តព្រះសីហនុ ៖ យុវជនម្នាក់បានសន្លប់ស្តូកស្តឹងដេកដួលនៅលើដី បន្ទាប់ពីយុវជននោះជិះម៉ូតូបុកថ្មចែកទ្រូងផ្លូវខ្ទាតចម្ងាយ៣៦ ម៉ែត្រនៅវេលាម៉ោង១០ និង១០នាទីយប់ថ្ងៃទី១៩ ឧសភា ២០១១នៅចំណុចក្រោយការដ្ឋានសំណង់ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ
ខេត្តព្រះសីហនុ ៖ យុវជនម្នាក់បានសន្លប់ស្តូកស្តឹងដេកដួលនៅលើដី បន្ទាប់ពីយុវជននោះជិះម៉ូតូបុកថ្មចែកទ្រូងផ្លូវខ្ទាតចម្ងាយ៣៦ ម៉ែត្រនៅវេលាម៉ោង១០ និង១០នាទីយប់ថ្ងៃទី១៩ ឧសភា ២០១១នៅចំណុចក្រោយការដ្ឋានសំណង់ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ ។
យោងតាមប្រភពពីប៉ូលិសប៉ុស្តិ៍រដ្ឋបាលសង្កាត់លេខ៤ ដែលជាអ្នកជូនជនរងគ្រោះមកមន្ទីរពេទ្យបានឱ្យដឹងថា ជនរងគ្រោះនេះឈ្មោះ ណា វាសនា ភេទប្រុស អាយុ២៣ឆ្នាំ មានទីលំនៅតំបន់ភូមិថ្មីស្ថិតក្នុងភូមិ៣ សង្កាត់លេខ៣ ក្រុងព្រះសីហនុបានជិះម៉ូតូម៉ាក HONDA C125 ពណ៌ខ្មៅខៀវ ពាក់ស្លាកលេខព្រះសីហនុ១C០៧០៦។
ប្រភពដដែលបានបន្តថា ជនរងគ្រោះដួលសន្លប់បែបនេះ ខណៈពេលរូបលោកដើរល្បាតនៅក្នុងទឹកដីសង្កាត់លេខ៤។ដោយឡែកយោងតាមប្រភពសាក្សីនៅកន្លែងកើតហេតុបានឱ្យដឹងថា នៅមុនពេលកើតហេតុគេបានឮសំឡេងម៉ូតូបើកបរក្នុងល្បឿនយ៉ាងលឿនមកពីទិសខាងកើត ឆ្ពោះទៅទិសខាងលិច ។
លុះមកដល់ចំនុចកើតហេតុក៏បានទៅបុកជាមួយថ្មចែកផ្លូវ បណ្តាលឱ្យទាំងម៉ូតូ និងមនុស្សប៉ើងដួលអូសចម្ងាយ៣៦ម៉ែត្រលាន់ដូចរន្ទះ ជាហេតុធ្វើឱ្យជនរងគ្រោះសន្លប់ធំ និងរងរបួសធ្ងន់ធ្ងរ ។ មួយសន្ទុះក្រោយមក ក៏មានសមត្ថកិច្ចប៉ូលិសមកដល់ ហើយហៅរថយន្តសង្គ្រោះដឹកទៅព្យាបាលនៅគ្លីនិកសេតេ ។ តាមព័ត៌មានថា អ្នកជិះម៉ូតូបុកថ្មខណ្ឌចែកផ្លូវនេះ ក្នុងសភាពស្រវឹងស្រាផងដែរ ៕
ចែករំលែកព័តមាននេះ