លោក សុវណ្ណ ច័ន្ទន៍គ្រឹះស្នា ចៅក្រមស៊ើបសួរនៃសាលាដំបូងខេត្ត បានសម្រេចឱ្យនគរបាលការិយាល័យព្រហ្មទណ្ឌកម្រិតធ្ងន់ខេត្ត បញ្ជូនជនសង្ស័យចំនួន៦នាក់ ដែលបានឆបោ.កជនរងគ្រោះនៅក្នុងក្រុងសៀមរាប ទៅដាក់ពន្ធនាគារជាបណ្តោះអាសន្ន ដោយដាក់ឱ្យស្ថិតនៅក្រោម
ខេត្តសៀមរាប ៖ លោក សុវណ្ណ ច័ន្ទន៍គ្រឹះស្នា ចៅក្រមស៊ើបសួរនៃសាលាដំបូងខេត្ត បានសម្រេចឱ្យនគរបាលការិយាល័យព្រហ្មទណ្ឌកម្រិតធ្ងន់ខេត្ត បញ្ជូនជនសង្ស័យចំនួន៦នាក់ ដែលបានឆបោ.កជនរងគ្រោះនៅក្នុងក្រុងសៀមរាប ទៅដាក់ពន្ធនាគារជាបណ្តោះអាសន្ន ដោយដាក់ឱ្យស្ថិតនៅក្រោមការពិនិត្យពីបទ ឆបោ.កមានស្ថានទម្ងន់ទោស (ជាក្រុមមានការចាត់តាំង) នៅចំណុចរថយន្តលក់សំបុត្រភ្ញៀវទេសចរ (រង្វង់មូលអង្គរ-ឃ្យុងយូ) ក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប កាលពីយប់ថ្ងៃទី៧ ខែវិច្ឆិកា ឆ្នាំ២០២៣ បទល្មើសព្រហ្មទណ្ឌដែលមានចែងឱ្យផ្តន្ទាទោសតាមបញ្ញតិ្តមាត្រា៣៧៧ និងមាត្រា៣៨០នៃក្រមព្រហ្មទណ្ឌ ។
លោកវរសេនីយ៍ឯក នួន ស័ក្ដិចំរើនរិទ្ធ ស្នងការរងនគរបាលខេត្ត ទទួលផែនការងារនគរបាលព្រហ្មទណ្ឌ ថ្លែងថា ក្រោមបទបញ្ជារបស់លោកស្នងការនគរបាលខេត្ត និងដឹកនាំសម្រប សម្រួលនីតិវិធីពីសំណាក់ឯកឧត្តម មាស ច័ន្ទពិសិដ្ឋ ព្រះរាជអាជ្ញានៃអយ្យការអមសាលាដំបូងខេត្ត និងដឹកនាំបញ្ជាផ្ទាល់ដោយរូបលោក បានឱ្យលោកវរសេនីយ៍ឯក សុខ ម៉េងអ៊ាង នាយការិយាល័យនគរបាលព្រហ្មទណ្ឌកម្រិតធ្ងន់ ដឹកនាំកម្លាំងនគរបាលព្រហ្មទណ្ឌកម្រិតធ្ងន់ ធ្វើការស្រាវជ្រាវពាក់ព័ន្ធនឹងករណីឆបោ.កក្នុងរឿងប្តូរប្រាក់បាត និងដុល្លារ ។
ជនសង្ស័យទាំង៦នាក់នេះ មាន ៖ ១- ឈ្មោះ ជី តាយ ភេទប្រុស អាយុ៤១ឆ្នាំ មុខរបរគួកជេរថយន្ត ទីលំនៅភូមិប្រឡាយហ្លួងលើ ឃុំឫស្សីក្រោក ស្រុកមង្គលបុរី ខេត្តបន្ទាយមានជ័យ ។ ២- ឈ្មោះ ជាម ដា ភេទប្រុស អាយុ៤២ឆ្នាំ មុខរបរលក់ម៉ូតូ ទីលំនៅភូមិអូរស្មាច់ ឃុំអូរស្មាច់ ស្រុកសំរោង ខេត្តឧត្តរមានជ័យ ។ ៣- ឈ្មោះ ឈឹម សុភ័ណ្ឌ អាយុ៤៧ឆ្នាំ មុខរបរលក់ដូរ ទីលំនៅភូមិសែសិន សង្កាត់អូរអំបិល ក្រុងសេរីសោភ័ណ ខេត្តបន្ទាយមានជ័យ ។ ៤- ឈ្មោះ ព្រឹល តន ហៅ ហេង ភេទប្រុស អាយុ៤៥ឆ្នាំ មុខរបរលក់ដូរ ទីលំនៅភូមិបន្ទាយទី២ ឃុំអូរសំព័រ ស្រុកម៉ាឡៃ ខេត្តបាត់ដំបង ។ ៥- ឈ្មោះ អ៊ឹង លីហុង ភេទប្រុស អាយុ២០ឆ្នាំ មុខរបរលក់ដូរ ទីលំនៅភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប ។ ៦- ឈ្មោះ អ៊ឹង វាសនា ភេទប្រុស អាយុ៤៧ឆ្នាំ មុខរបរលក់ដូរ ទីលំនៅភូមិវិហារចិន សង្កាត់ស្វាយដង្គំ ក្រុងសៀមរាប ។
លោកស្នងការរងបន្តថា នៅវេលាម៉ោងប្រមាណ៨យប់ថ្ងៃទី៧ ខែវិច្ឆិកា ឆ្នាំ២០២៣ នគរបាលការិយាល័យព្រហ្មទណ្ឌកម្រិតធ្ងន់ បានទទួលសេចក្តីរាយការណ៍ពីបុរសឈ្មោះ ខូ អេងលី អាយុ៤២ឆ្នាំ មានទីលំនៅក្នុងភូមិជ្រៃ សង្កាត់ទឹកវិល ក្រុងសៀមរាបថា មានជនសង្ស័យ១ក្រុម បានប្រើរូបភាពឱ្យគាត់យកប្រាក់ចំនួន៥ពាន់ដុល្លារ ទៅដូរយកប្រាក់បាតពីពួកគេចំនួន ១៧៧.៥០០បាត ដោយឱ្យចំណេញ៤០% ។ ដោយមានការសង្ស័យថា ជំនួញដូរលុយនេះត្រូវបានគេរៀបគម្រោងឆបោ.ក ទើបគាត់រាយការណ៍មកសមត្ថកិច្ច ។
ក្រោយពេលកម្លាំងសមត្ថកិច្ចចុះប្រតិបត្តិការ ក្រុមជនសង្ស័យដឹងខ្លួន ក៏បើករថយន្តបំបុ.កការហ៊ុមព័ទ្ធរបស់សមត្ថកិច្ច ធ្វើឱ្យខូចខាតម៉ូតូ១គ្រឿង ។ ភ្លាមៗនោះ កម្លាំងសមត្ថកិច្ចបានព្យាយាមដេ.ញតាមឃាត់រថយន្តរបស់ជនសង្ស័យចំនួន២គ្រឿង ចាប់ពីខាងកើតសណ្ឋាគារសុខា ផ្លូវ៦០ម៉ែត្រ ស្ថិតក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប រហូតដល់មុខផ្សារពួក ទើបចាប់ឃាត់ខ្លួនបានចំនួន៦នាក់ ដោយសហការជាមួយនគរបាលស្រុកពួក និងនគរបាលអន្តរាគមន៍ ។ បន្ទាប់មក ជនសង្ស័យទាំង៦នាក់ និងរថយន្ត២២គ្រឿង ត្រូវបាននាំទៅការិយាល័យនគរបាលព្រហ្មទណ្ឌកម្រិតធ្ងន់ខេត្ត ដើម្បីចាត់ការតាមនីតិវិធី ។ ហើយនៅក្នុងការតាមប្រមាញ់នេះ ក៏មានការផ្ទុះអាវុ.ធផងដែរ ។
នៅចំពោះមុខសមត្ថកិច្ច ជនសង្ស័យទាំង៦នាក់ឆ្លើយថា «ពួកខ្លួនពិតជាបានធ្វើសកម្មភាព ដូចសេចក្ដីរាយការណ៍ខាងលើមែន ។ កន្លងមក ពួកខ្លួនធ្លាប់ធ្វើសកម្មភាពចំនួន២លើកនៅក្នុងខេត្តសៀមរាប ដោយលើកទី១- កាលពីអំឡុងខែតុលា ឆ្នាំ២០២៣ បានប្រាក់ចំនួន៨០ម៉ឺនបាត ចំណែកលើកទី២- កាលពីអំឡុងខែវិច្ឆិកា ឆ្នាំ២០២៣ បានប្រាក់ចំនួន ៤៣២.០០០បាត និងលើកទី៣នេះ ក៏ត្រូវសមត្ថកិច្ចឃាត់ខ្លួនតែម្តង» ។
ជាមួយនឹងការចាប់ឃាត់ខ្លួនក្រុមជនសង្ស័យសមត្ថកិច្ចក៏បានដកហូតវត្ថុតាងមាន រថយន្តចំនួន២គ្រឿងគឺ ម៉ាកឡិចស៊ីស ពណ៌ស ពាក់ផ្លាកលេខ ភ្នំពេញ ២AL-១៤៥៦ និងម៉ាកបាឡែន ពណ៌ស្ករ ពាក់ផ្លាកលេខភ្នំពេញ ២AC-១០៣១ និងប្រាក់ដុល្លារក្លែងក្លាយ (លុយសែន) ក្រដាស ១០០ដុល្លារ ចំនួន១៦៣សន្លឹកផងដែរ៕
ចែករំលែកព័តមាននេះ