ទីក្រុង១នៅអ៊ីស្លង់រងការគំរា.មកំហែង ដោយការផ្ទុះភ្នំភ្លើង
ប្រទេសអ៊ីស្លង់ ៖ បណ្ដាអ្នកជំនាញការគូសបញ្ជាក់កាលពីថ្ងៃទី១១វិច្ឆិកាថា ទីក្រុងអ៊ីស្លង់មួយមាន
ប្រទេសអ៊ីស្លង់ ៖ បណ្ដាអ្នកជំនាញការគូសបញ្ជាក់កាលពីថ្ងៃទី១១វិច្ឆិកាថា ទីក្រុងអ៊ីស្លង់មួយមានប្រជាជនប្រមាណ៤០០០នាក់ ស្ថិតនៅជិតរដ្ឋធានីរ៉ៃក្យាវិក អាចរងការបំផ្លាញធ្ងន់ធ្ងរដោយសារភ្នំភ្លើងមួយ ដែលរកកលចង់ផ្ទុះនាប៉ុន្មានម៉ោងឬប៉ុន្មានថ្ងៃខាងមុខនេះ។
ទីក្រុងកំពង់ផែGRINDAVIK ភាគ និរតីប្រទេស បានជម្លៀសមនុស្សចេញកាលពីព្រឹកថ្ងៃទី១១វិច្ឆិកា មកពីការញ័ររង្គើរច្រើនលើក ដែលជាសញ្ញានៃការអាចផ្ទុះភ្នំភ្លើងក្នុងពេលឆាប់ៗ។ អ្នកទទួលខុសត្រូវផ្នែកការពារស៊ីវិលនិងគ្រប់គ្រងសភាពការណ៍បន្ទាន់អ៊ីស្លង់ ម្នាក់ថ្លែងទៅកាន់AFPថា យើងមានការព្រួយបារម្ភខ្លាំងណាស់ ចំពោះការបំផ្លាញផ្ទះសម្បែងនិងបណ្ដាហេដ្ឋារចនាសម្ព័ន្ធតំបន់នោះ។ មានការប្រេះដីប្រវែងប្រមាណ១៥គីឡូម៉ែត្រ ហើយដោយសារការប្រេះដីនេះ ការផ្ទុះភ្នំភ្លើងអាចកើតមានគ្រប់ពេល។ អ្នកទទួលខុសត្រូវខាងលើនេះមិនបដិសេធឡើយ ដែលការផ្ទុះអាចកើតមានចេញពីបាតសមុទ្រ ដែលនឹងបង្កឲ្យមានពពកផ្សែងនិងផះជះឡើង ៕
ចែករំលែកព័តមាននេះ