ខេត្តកំពង់ចាម ៖ ដោយសារតែការស្តីបន្ទោសពីឪពុកបន្តិចបន្តួច បុរសឈ្មោះបឿន វិបុល អាយុ២២ឆ្នាំ រស់នៅភូមិគក ឃុំថ្មពេជ្រ ស្រុកត្បូងឃ្មុំ បានធ្វើអត្តឃា.តដោយចង.កនៅមែកស្វាយចន្ទីកម្ពស់៣ម៉ែត្រកាលពីវេលាម៉ោង៩យប់ថ្ងៃទី១៨ ឧសភា ចោលប្រពន្ធមានផ្ទៃពោះជិតគ្រប់ខែ ។ នៅម៉ោងជាង៦ព្រឹក ថ្ងៃទី១៩ ឧសភា ២០១១
ខេត្តកំពង់ចាម ៖ ដោយសារតែការស្តីបន្ទោសពីឪពុកបន្តិចបន្តួច បុរសឈ្មោះបឿន វិបុល អាយុ២២ឆ្នាំ រស់នៅភូមិគក ឃុំថ្មពេជ្រ ស្រុកត្បូងឃ្មុំ បានធ្វើអត្តឃាតដោយចង.កនៅមែកស្វាយចន្ទីកម្ពស់៣ម៉ែត្រកាលពីវេលាម៉ោង៩យប់ថ្ងៃទី១៨ ឧសភា ចោលប្រពន្ធមានផ្ទៃពោះជិតគ្រប់ខែ ។ នៅម៉ោងជាង៦ព្រឹក ថ្ងៃទី១៩ ឧសភា ២០១១ ទើបក្រុមសាច់ញាតិរកឃើញសព ។
តាមសេចក្តីរាយការណ៍ពីលោកអនុសេនីយ៍ឯកឡុង សារិន អធិការរងនគរបាលស្រុកត្បូងឃ្មុំឱ្យដឹងថា កាលពីវេលាម៉ោង៣រសៀលថ្ងៃទី១៨ ឧសភា បុរសចំណាស់ឈ្មោះបៀន បានប្រើកូនប្រុសឈ្មោះវិបុល ទៅបាញ់ថ្នាំស្មៅចំការនៅខាងក្រោយផ្ទះតែម្នាក់ឯងរហូតមកដល់ពេលល្ងាចត្រឡប់មកផ្ទះវិញ ត្រូវឪពុកស្តីបន្ទោសពីរឿងបាញ់ថ្នាំស្មៅខ្ជីខ្ជាមិនចេះសន្សំសំចៃ ។
លោកអធិការរងនគរបាលស្រុកត្បូងឃ្មុំ ប្រាប់បន្តថា នៅវេលាម៉ោង៩យប់ វិបុលបានដើរចុះពីលើផ្ទះតាមជណ្តើរខាងមុខ ហើយពេលស្រ្តីជាប្រពន្ធសួរនាំគេប្រាប់ថា ទៅនេះទៅនោះ និងហាមមិនឱ្យតាមទេ។ សមាជិកនៅលើផ្ទះបានរង់ចាំមើលផ្លូវ តែរហូតដល់អធ្រាត្រ ក៏មិនទាន់ឃើញមកទៀត ។ មកដល់ម៉ោងជាង៦ព្រឹកថ្ងៃទី១៩ ឧសភា ក្មេងប្រុសអាយុ៨ឆ្នាំ ត្រូវជាប្អូនដើរទៅខាងក្រោយផ្ទះបានចម្ងាយ២៥ម៉ែត្រ ស្រាប់តែប្រទះឃើញបងប្រុសរបស់គេបានចងកដោយខ្សែគោនៅមែកស្វាយចន្ទីកំពស់៣
ម៉ែត្រ ។
ដោយសង្ស័យក្រែងទាក់ទិនទៅនឹងករណីផ្សេងណាមួយនោះ ទើបលោកឡុង សារិន បញ្ជូនមន្ត្រីព្រហ្មទណ្ឌស្រុកឱ្យទៅពិនិត្យមើលសពតែមិនមានស្នាមរបួសនៅលើខ្លួន ប្រាណទេ។ សពមានចេញទឹកកាម ដូច្នេះពិតជាស្លាប់ដោយសារចងកមែន ។ លោកអនុសេនីយ៍ឯកឡុង សារិន បានបញ្ជាក់ថា ក្រោយពីរៀបការហើយបុរសឈ្មោះវិបុលទៅរស់នៅជាមួយឪពុកម្តាយក្មេកស្ថិតនៅក្នុងភូមិគក ប៉ុន្តែមួយរយៈចុងក្រោយនេះត្រូវឪពុកក្មេកស្តីបន្ទោសពេក ទើបសម្រេចចិត្តមករស់នៅជាមួយឪពុកបង្កើតវិញ ។ លុះបាន៧ថ្ងៃត្រូវឪពុកស្តីបន្ទោសទើបសម្រេចចិត្តទៅចង.កបញ្ចប់ជីវិតតែម្តង ៕
ចែករំលែកព័តមាននេះ