ខេត្តកំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានជំរុញដល់មន្ទីរអង្គភាពជុំវិញខេត្ត និងអភិបាលក្រុងស្រុកទាំង៨ ដែលទទួលបន្ទុកគ្រប់គ្រងឧបត្ថម្ភ និងមើលការខុសត្រូវ…
ខេត្តកំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានជំរុញដល់មន្ទីរអង្គភាពជុំវិញខេត្ត និងអភិបាលក្រុងស្រុកទាំង៨ ដែលទទួលបន្ទុកគ្រប់គ្រងឧបត្ថម្ភ និងមើលការខុសត្រូវ ដល់ក្រុមកីឡាករទូកត្រូវយកចិត្តទុកដាក់លើកទឹកចិត្តដល់កីឡាករ កីឡាការិនីឱ្យមានស្មារតីល្អ ក្នុងការប្រឡងប្រណាំងអុំទូក ដើម្បីយកចំណាត់ថ្នាក់ នឹងកិត្តិយស ជូនខេត្តរបស់យើង។
មានប្រសាសន៍បែបនេះ នៅក្នុងកិច្ចប្រជុំរៀបចំផែនការបញ្ជូនទូក និងកីឡាករទៅចូលរួមប្រណាំងថ្នាក់ជាតិក្នុងពេលខាងមុខ ។ ពិធីនេះធ្វើឡើងនៅសាលប្រជុំសាលាខេត្ត នា ព្រឹក ថ្ងៃទី១១ ខែវិច្ឆិកាឆ្នាំ២០២៣ ។
ឯកឧត្តមអភិបាលខេត្តកំពង់ឆ្នាំងបន្តថា ក្នុងផែនការនេះ គណៈកម្មាធិការរៀបចំបុណ្យអុំទូកខេត្ត យើងមានផែនការឧបត្ថម្ភអង្ករ សម្រាប់ទូកវែងមានកីឡាករ ច្រើន ក្នុងមួយទូកចំនួន២០០ គីឡូក្រាម និងទូកខ្លីគីឡូក្រាម ជាមួយគ្នានេះ ត្រូវឧបត្ថម មួក អាវ ខោ និងសំពត់ចងក្បិន សម្រាប់ស្ត្រី ផងដែរ។ ដោយឡែក ការដោះស្រាយជីវភាពប្រចាំថ្ងៃ របស់ក្រុមកីឡាករកីឡាការិនីក្នុងមួយថ្ងៃ ត្រូវចំណាយអស់ប្រមាណ១០០ លានរៀល ។
ជាចុងក្រោយ ឯកឧត្តមអភិបាលខេត្តក៏បានផ្ដាំផ្ញើផងដែរដល់មន្ទីរអង្គភាព និងអភិបាលក្រុង ស្រុក ដែលជាអ្នកទទួលបន្ទុកមើលការខុស ត្រូវទូកទាំង២៩គ្រឿង សូមរក្សាអត្តចរិតនិងទំនាក់ទំនងឲ្យបានល្អ ជាមួយកីឡាករ កីឡាការនី របស់យើង និងជួយស្វែងរកជំនួយ ពីសប្បុរសជនបន្ថែម ដើម្បីជួយឧបត្ថម្ភនិងលើកទឹកចិត្តដល់កីឡាករយើងទាំងអស់គ្នា។
ឯកឧត្តម អម សុភា និង ឯកឧត្តម យិនសាវ៉េន អភិបាលរងខេត្ត បានលើកឡើងថាតាមបទពិសោធន៍ កន្លង មក កត្តាដែលនាំឱ្យកីឡាករយើងមានជ័ យជំនះនោះ គឺការងារគ្រប់គ្រងនិងដឹកនាំ លើការគោរពវិន័យ សីលធម៌រស់នៅក្នុងពេលចូលទីប្រកួត។ សំខាន់មួយ ទៀតនោះគឺជីវភាពរស់នៅហូបចុក និងស្នាក់នៅ ដូចជាកុំឲ្យកីឡាករយើងហូបគ្រឿងស្រវឹងច្រើនហួសហេតុ ហូបចុកត្រូវមានអនាម័យ និង ប្រុងប្រយ័ត្នកុំឱ្យរាគរូសប៉ះពាល់សុខភាព និងសូម ហ្វឹកហាត់ សមទូក មុនពេលប្រកួត។
តាមរបាយការណ៍របស់គណៈកម្មាការ រៀ បចំបុណ្យអុំទូកខេត្ត បានឲ្យដឹងថា ទូក ទៅចូលរូមមានចំនួន២៩ទូក មានកីឡាករ សរុប ១.៦៨៣ នាក់ (ស្រី១០៩ នាក់) ក្នុងនោះមាន ទូកចែវបុរស១៧ទូក, ទូកចែវនា រី១ ទូក, ទូកអុំបុរសខ្នាតវែង២ទូក,និងទូកអុំបុរសខ្នាតអន្តរជាតិ៩ទូក ៕
ចែករំលែកព័តមាននេះ