ក្រុមរដ្ឋអ៊ិស្លាមបន្តវា.យប្រហារនៅស៊ីរី ស្លា.ប់៣០នាក់
ប្រទេសស៊ីរី ៖ អង្គការក្រៅរដ្ឋាភិបាលស៊ីរីមួយគូសបញ្ជាក់ថា សមាជិកកងកម្លាំងស្និទ្ធស៊ីរី៣០នាក់បាន
ប្រទេសស៊ីរី ៖ អង្គការក្រៅរដ្ឋាភិបាលស៊ីរីមួយគូសបញ្ជាក់ថា សមាជិកកងកម្លាំងស្និទ្ធស៊ីរី៣០នាក់បានត្រូវស្លាប់ ក្នុងការវាយឆ្មក់ស្ទើរដំណាលគ្នាមួយចំនួន ក្នុងពេលព្រឹកព្រលឹមថ្ងៃទី៨ វិច្ឆិកា ពិសំណាក់ក្រុមរដ្ឋអ៊ិស្លាមក្នុងតំបន់វាលខ្សាច់ស៊ីរីដ៏ធំល្វឹងល្វើយ កន្លែងងាយលាក់ខ្លួនរបស់ក្រុមជីហាដនោះ។
តាមអង្គការសិទ្ធិមនុស្សស៊ីរីOSDH មានប្រភពព័ត៌មានច្រើនក្នុងប្រទេសថា ទាហានស៊ីរី៤នាក់និងសមាជិកកងជីវពលការពារជាតិ២៦នាក់ បានត្រូវស្លាប់ក្នុងការ វាយប្រហារទាំងនេះ ដែលជាការវាយប្រហារយ៉ាងបង្ហូរឈាមបំផុតរបស់ក្រុមរដ្ឋអ៊ិស្លាម ចាប់តាំងពីខែសីហាមក។ ចំនួនអ្នកស្លាប់អាចកើនថែមទៀតដោយសារក្នុងចំណោមអ្នករបួស មួយចំនួនស្ថិតក្នុងស្ថានភាពធ្ងន់ធ្ងរ។
ការវាយប្រហារទាំងនេះកើតមានក្នុងតំបន់អាល់រ៉ាសាហ្វានៅបាឌីយ៉ា ជាវាលខ្សាច់ដ៏ធំលាតសន្ធឹកពីខេត្តហូមភាគកណ្ដាលប្រទេសដល់ខេត្តព្រំដែនខាងកើតជាប់ជាមួយអ៊ីរ៉ាក់។ OSDH ក៏គូសបញ្ជាក់ដែរថា កងយន្តហោះរុស្សុីបន្ទាប់មក បានចេញវាយប្រហារលើបណ្ដាទីតាំងលាក់ខ្លួនរបស់ពួកក្រុមរដ្ឋអ៊ិស្លាម នៅតំបន់វាលខ្សាច់ដែលអាចបណ្ដាលឲ្យមនុស្សច្រើននាក់ស្លាប់៕
ចែករំលែកព័តមាននេះ