វា.យប្រហារដោយដ្រូននៅភាគខាងត្បូងមីយ៉ាន់ម៉ា ស្លា.ប់៤នាក់
ប្រទេសមីយ៉ាន់ម៉ា ៖ កាសែតរដ្ឋមីយ៉ាន់ម៉ាTHE MIRROIR រាយការណ៍នាថ្ងៃទី៨ វិច្ឆិកាថា មនុស្ស៤
ប្រទេសមីយ៉ាន់ម៉ា ៖ កាសែតរដ្ឋមីយ៉ាន់ម៉ាTHE MIRROIR រាយការណ៍នាថ្ងៃទី៨ វិច្ឆិកាថា មនុស្ស៤នាក់បានត្រូវស្លាប់និង៦នាក់ទៀតរងរបួស កាលពីថ្ងៃទី៧វិច្ឆិកា ក្នុងការវាយប្រហារដោយដ្រូន លើចម្ការមួយនៃតំបន់បាហ្គោភាគខាងត្បូងមីយ៉ាន់ម៉ា។
តាមកាសែតនោះថា ការវាយប្រហារនោះធ្វើឡើងដោយកងកម្លាំងការពារប្រជាជនជាក្រុមឧទ្ទាមមួយ លើចម្ការដែលស្ថិតនៅជាប់មាត់ស្ទឹងស៊ីតតាអ៊ុងក្នុងតំបន់បាហ្គោនាវេលាម៉ោង១៤និង១៥នាទីម៉ោងក្នុងស្រុក។
អ.ស.បមុននេះជាថ្មីម្ដងទៀតបានបញ្ចេញសញ្ញាអាសន្នលើសោកនាដកម្មនៅមីយ៉ាន់ម៉ាដោយលើកពីការប្រយុទ្ធគ្នាដ៏សាហាវនានា រវាងកងទ័ពនិងបណ្ដាក្រុមឧទ្ទាមជនជាតិភាគតិចនាភាគខាងជើងប្រទេស។ ការប្រយុទ្ធគ្នាមានការកើនឡើងកាលពីសប្ដាហ៍មុន ក្នុងបណ្ដាតំបន់ភាគខាងជើងរដ្ឋសាន ជិតព្រំដែនជាមួយចិន។ ក្រុមឧទ្ទាមអះអាងនាថ្ងៃទី៤វិច្ឆិកាថា ពួកគេវាយដណ្ដើមយកបានប៉ុស្តិ៍ជួរមុខជាច្រើនកន្លែងនិងក្រុង៤ ហើយរាំងខ្ទប់ផ្លូវថ្នល់ពាណិជ្ជកម្មសំខាន់ៗទៅកាន់ប្រទេសចិន៕
ចែករំលែកព័តមាននេះ