- ភ្នំពេញ
កន្លងមក កិច្ចការដុះខាត់ស្បែក និងលាបប្រេងម្សៅដើរទាក់ម៉ូយអ្នកវិនិយោគទុនបរទេស គឺជាកិច្ចការរបស់ថ្នាក់ជាតិ ប៉ុន្តែនៅថ្ងៃទី០៦ ខែវិច្ឆិកា ឆ្នាំ២០២៣ កន្លងទៅនេះ សម្តេចធិបតី ហ៊ុន ម៉ាណែត បាននិយាយយ៉ាងច្បាស់ៗថា
កន្លងមក កិច្ចការដុះខាត់ស្បែក និងលាបប្រេងម្សៅដើរទាក់ម៉ូយអ្នកវិនិយោគទុនបរទេស គឺជាកិច្ចការរបស់ថ្នាក់ជាតិ ប៉ុន្តែនៅថ្ងៃទី០៦ ខែវិច្ឆិកា ឆ្នាំ២០២៣ កន្លងទៅនេះ សម្តេចធិបតី ហ៊ុន ម៉ាណែត បាននិយាយយ៉ាងច្បាស់ៗថា
កន្លងមក កិច្ចការដុះខាត់ស្បែក និងលាបប្រេងម្សៅដើរទាក់ម៉ូយអ្នកវិនិយោគទុនបរទេស គឺជាកិច្ចការរបស់ថ្នាក់ជាតិ ប៉ុន្តែនៅថ្ងៃទី០៦ ខែវិច្ឆិកា ឆ្នាំ២០២៣ កន្លងទៅនេះ សម្តេចធិបតី ហ៊ុន ម៉ាណែត បាននិយាយយ៉ាងច្បាស់ៗថា «ថ្នាក់ជាតិ នឹងធ្វើប្រតិភូកម្មនៃកិច្ចការនេះទៅអោយថ្នាក់ខេត្ត ដើម្បីជួយរាជរដ្ឋាភិបាល»។
នៅក្នុងពេលចូលរួមសម្ភោធអគាររដ្ឋបាលថ្មីរបស់ក្រសួងមហាផ្ទៃ សម្តេចធិបតី បានថ្លែងថា «មកដល់ពេលនេះ រាជធានី និងខេត្តមួយចំនួន បានកំពុងតែធ្វើកិច្ចការទាក់ទាញទេសចរណ៍ និងវិនិយោគបានខ្លះៗហើយ។ ហើយទៅថ្ងៃអនាគតរាជរដ្ឋាភិបាលនឹងពិនិត្យលទ្ធភាពបន្ថែម ទៀតនៅក្នុងការផ្តល់សិទ្ធិដល់រាជធានី និងខេត្ត នៅក្នុងការសម្រេចសិទ្ធិវិនិយោគ ដូច្នេះរដ្ឋបាលខេត្ត និងរាជធានី ត្រូវតែពិនិត្យ និងរៀបចំខ្លួនអោយបានកាន់តែប្រសើរថែមទៀត ដើម្បីទទួលភារៈនៅក្នុងកិច្ចការនេះ»។
សម្តេចធិបតី ហ៊ុន ម៉ាណែត ក៏បានបន្ថែមថា «ឥឡូវនេះ រាជធានី និងខេត្តមួយចំនួន បានសកម្ម ដោយបានចាប់ដៃគូរទាំងក្នុងប្រទេស និងក្រៅប្រទេស នៅក្នុងការអភិវឌ្ឍន៍ខេត្តផ្សេងៗ។ ដូច្នេះ ខេត្តនីមួយៗត្រូវខិតខំបន្តប្រកួតប្រជែងនៅក្នុងកិច្ចការមួយនេះ ធ្វើយ៉ាងណាឲ្យបរិស្ថាននៅខាងក្នុងមានលក្ខណៈអំណោយផល ហើយទៅមុខទៀតរាជរដ្ឋាភិបាលនឹងបន្តពិនិត្យលទ្ធភាព នៅក្នុងការបង្កើនសិទ្ធិ និងលទ្ធភាព របស់រាជធានីខេត្ត នៅក្នុងការទាក់ទាញ និងការសម្រេចទៅលើកិច្ចការវិនិយោគ»។
សម្តេចធិបតីបានបញ្ជាក់ថា «ឥឡូវដូចជាយើងផ្តល់សិទ្ធិនៅក្នុងការអនុញ្ញាតិសិទ្ធិសម្រេចទៅ ថ្នាក់ខេត្ត និងរាជធានី ចំពោះគម្រោងណាដែលមានតម្លៃចាប់ពី ៥លានដុល្លារចុះ។ ដូច្នេះយើងត្រូវពិនិត្យវា.យតម្លៃមើលកន្លែងណាដែលពាក់ព័ន្ធ ប៉ុន្តែខេត្តត្រូវតែបញ្ជា និងរៀបចំផ្ទះខ្លួនឯងអោយស្អាត ។ យកសិទ្ធិទៅ គឺទាល់តែមានសមត្ថភាពបង្ហាញថា ខេត្តមានសមត្ថភាព និងលក្ខណៈសម្បត្តិគ្រប់គ្រាន់នៅក្នុងការអនុវត្តបាននូវសិទ្ធិនេះ»។
សម្តេចធិបតី បានជំរុញអោយខេត្ត និងរាជធានី ខិតខំរៀបចំពង្រឹងផ្ទៃក្នុង និងបញ្ហាផ្សេងៗនៅក្នុងដែនរដ្ឋបាលរបស់ខ្លួនអោយស្អាត ដើម្បីថ្នាក់ជាតិផ្ទេរសិទ្ធិជូន ។
ផ្អែកតាមអនុសាសន៍នេះ រដ្ឋបាលខេត្ត និងរាជធានី ដែលមានសរុបទាំងអស់២៥ គឺត្រូវតែយកចិត្តទុកដាក់ និងរៀបចំខ្លួនអោយបានត្រឹមត្រូវ ដោយផ្អែកនៅលើច្បាប់ និងនីតិវិធីរដ្ឋបាល ក៏ដូចជាការគ្រប់គ្រងឲ្យបានប្រសើរ ដើម្បីដឹកនាំកិច្ចការនេះអោយមានភាពជោគជ័យ ។
មកដល់ពេលនេះ តាមឯកសារ ក៏ដូចជាការតាមដានយើងឃើញថា ខេត្តដែលមានភាពទាក់ទាញវិនិយោគបរទេសច្រើនមានដូចជា ៖ នៅខេត្តកំពង់ស្ពឺ ខេត្តស្វាយរៀង ខេត្តកណ្តាល និងខេត្តព្រះសីហនុ ជាដើម ។
តាមការប្រកាសដោយក្រុមប្រឹក្សាអភិវឌ្ឍន៍កម្ពុជា បានឲ្យដឹងថា ខេត្តកំពង់ស្ពឺ គឺបានទាក់ទាញតាំងពីរោងចក្រតម្លើងរថយន្ត ឧស្សាហកម្មកាត់ដេរ កសិកម្ម ទេសចរណ៍ ជាច្រើនគម្រោង ខណៈដែលខេត្តស្វាយរៀងឯណោះវិញ គឺមានតំបន់សេដ្ឋកិច្ចពិសេស រហូតដល់ទៅ៩កន្លែង បានទាក់ទាញគម្រោងវិនិយោគមកបណ្តាក់ទុនចំនួន២១៥គម្រោង ក្នុងនោះកំពុងដំណើរការ មានចំនួន១៣២គម្រោង ក្នុងទុនវិនិយោគសរុបចំនួន ១.៨៨៦លានដុល្លារ និងបានបង្កើតការងារចំនួន ៧៥.០៨៦កន្លែង ។ នៅខេត្តព្រះសីហនុ ក៏មិនធម្មតាដែរ ដោយទីនោះ គឺបានទាក់ទាញគម្រោងវិនិយោគធំៗ ដោយមានទាំងរោងចក្រដែលកំពុងតែផលិតសំបកកង់ ឧស្សាហកម្មកាត់ដេរ គ្រឿងសង្ហារឹម និងឧស្សាហកម្មជាច្រើនទៀត ។
ដោយឡែកខេត្តផ្សេងៗទៀត ក៏បានសកម្មដែរហើយ ប៉ុន្តែខេត្តខ្លះក៏មិនមានគម្រោងវិនិយោគធំដុំឡើយ ។ ដូច្នេះទាមទារភាពសកម្ម និងអនុវត្តខំប្រឹងបន្ថែមទៀត ដើម្បីទាក់ទាញគម្រោងវិនិយោគនឹងគេ ខណៈដែលរយៈពេល៩ខែដើមឆ្នាំ២០២៣នេះ គេដឹងថា កម្ពុជាបានទាក់ទាញគម្រោងវិនិយោគសរុប ៣,៧៦ ពាន់លានដុល្លារ កើនឡើង ៨,៦ភាគរយ បើធៀបនឹងរយៈពេលដដែលកាលពីឆ្នាំ២០២២។ គម្រោងវិនិយោគទុនទាំងនេះ ត្រូវបានគេដឹងថា គឺមកពីចិន ម៉ាឡេស៊ី សិង្ហបុរី និងវៀតណាម ។
ដូចដែលថ្នាក់ដឹកនាំបានលើកឡើង បរទេសមិនមែនគ្រាន់តែនិយាយគេមកនោះទេ គឺទាល់តែយើងចេះទាក់ម៉ូយ ចេះរាក់ទាក់ ចេញពន្យល់ ចេះអូសទាញ ប៉ុន្តែយើងក៏ត្រូវតែសំអាតខ្លួនប្រាណ និងរៀបចំតុបតែងផ្ទះ និងមុខមាត់ ជាពិសេសឥរិយាបទរបស់មន្ត្រីរបស់យើងអោយបានត្រឹមត្រូវផងដែរ សំដៅធ្វើយ៉ាងណា អោយអ្វីដែលជាសក្តានុពលនៅក្នុងខេត្តលេចធ្លោឡើង ហើយគេដឹងថា តែពេលដែលគេដាក់លុយមកចូលមូលដ្ឋានរបស់យើង គេអាចនឹងមានឱកាសបង្កើតប្រាក់ចំណេញ មិនមែនឃើញលុយគេ យើងគិតតែស្រក់ទឹកមាត់ ចង់ត្របាក់ផ្តេសផ្តាសនោះឡើយ ។
ដោយ ៖ ហេង ចេស្តារ
ចែករំលែកព័តមាននេះ