សង្គ្រាមអ៊ីស្រាអែលនិងហាម៉ាស់ ៖ ពួកបាតុករបានប្រមូលផ្ដុំគ្នាកាលពីថ្ងៃទី៤ វិច្ឆិកា នៅមុខផ្ទះនាយករដ្ឋមន្ត្រីអ៊ីស្រាអែល លោកបេនចាមីន នេតាន់យ៉ាហ៊ូ ចំណែកបាតុកម្មមួយទៀតរបស់បណ្ដាគ្រួសារនិងពួកអ្នកគាំទ្រចំណាប់ខ្មាំងដែលចាប់ដោយពួកហាម៉ាស់កាលពីថ្ងៃទី៧តុលា បានប្រមូលផ្ដុំមនុស្សច្រើនពាន់នាក់នៅក្រុងតែលអាវីវ ស្នើឲ្យនាយករដ្ឋមន្ត្រីអ៊ីស្រាអែលធ្វើការខិតខំប្រឹងប្រែងថែមទៀតដើម្បីរំដោះចំណាប់ខ្មាំង។
ពួកបាតុករបានប្រមូលផ្ដុំគ្នានៅមុខផ្ទះនាយករដ្ឋមន្ត្រី ខណៈកំហឹងមិនចុះថមថយឡើយក្នុងចំណោមប្រជាជនអ៊ីស្រាអែល ដែលភាគច្រើនស្នើដល់លោកនេតាន់យ៉ាហ៊ូវាយប្រហារកម្ទេចចលនាហាម៉ាស់ប៉ាឡេស្ទីន ដែលវាយប្រហារកាលពីថ្ងៃទី៧តុលា បណ្ដាលឲ្យមនុស្សស្លា.ប់ជាង១៤០០នាក់នៅអ៊ីស្រាអែល។ មនុស្សយ៉ាងតិច២៤០នាក់កំពុងជាប់ជាចំណាប់ខ្មាំងរបស់ក្រុមហាម៉ាស់នៅជ្រោយហ្គាហ្សា ។ នៅជ្រោយហ្គាហ្សាការទម្លាក់គ្រាប់បែកនិងការបាញ់ផ្លោងព្រមទាំងការវាយលុកតាមជើងគោក របស់កងទ័ពអ៊ីស្រាអែល បណ្ដាលឲ្យជនប៉ាឡេស្ទីនស្លា.ប់ឡើងដល់ជិត៩៥០០នាក់ហើយភាគច្រើនជាជនស៊ីវិល៕
ចែករំលែកព័តមាននេះ