រញ្ជួយដីដ៏ខ្លាំងមួយនៅនេប៉ាល់ ស្លា.ប់ជាង១៥០នាក់
ប្រទេសនេប៉ាល់ ៖ ការរញ្ជួយដីខ្លាំងមួយដែលញ័ររង្គើរដល់ក្រុងញូវដែល្លីរដ្ឋធានីឥណ្ឌា កើតមានកាលពី
ប្រទេសនេប៉ាល់ ៖ ការរញ្ជួយដីខ្លាំងមួយដែលញ័ររង្គើរដល់ក្រុងញូវដែល្លីរដ្ឋធានីឥណ្ឌា កើតមានកាលពី
ប្រទេសនេប៉ាល់ ៖ ការរញ្ជួយដីខ្លាំងមួយដែលញ័ររង្គើរដល់ក្រុងញូវដែល្លីរដ្ឋធានីឥណ្ឌា កើតមានកាលពីយប់ថ្ងៃទី៣វិច្ឆិកា ដោយតាមតុល្យការចុងក្រោយថា បណ្ដាលឲ្យមនុស្សស្លា.ប់យ៉ាងតិច១៥៧នាក់និងជាង២០០នាក់ទៀតរងរបួស។
តាមវិទ្យាស្ថានភូគុម្ភសាស្ត្រអារិកUSGS ថា ការរញ្ជួយដីនោះមានកម្លាំង៥,៦រីស្ទ័រ កើតមានក្នុងជម្រៅ១៨គីឡូម៉ែត្រដោយចំណុចកណ្ដាលរបស់វាស្ថិតនៅកន្លែងមួយ ចម្ងាយ៤២គីឡូម៉ែត្រខាងត្បូងក្រុងJUMLA មិនឆ្ងាយប៉ុន្មានពីព្រំដែនជាមួយទីបេ។
តាមវីដេអូគេឃើញពួកអ្នកជួយសង្គ្រោះខិតខំគាស់កាយគំនរបាក់បែករុករកមនុស្សដែលអាចនៅរស់រានមានជីវិត កាលពីថ្ងៃទី៤វិច្ឆិកានៅហ្សាហ្សាកូតនិងរូគប់ ជាស្រុក២រងការប៉ះពាល់ខ្លាំងជាងគេដោយការរញ្ជួយដីនោះ។ តំបន់នេះរបស់នេប៉ាល់ជាតំបន់ដាច់ស្រយាល ទើបពិបាកក្នុងការប្រមូលព័ត៌មាន។ នៅហ្សាហ្សាកូត មន្ទីរពេទ្យតំបន់នោះពេញណែនដោយអ្នករបួស។
បណ្ដាវីដេអូនិងរូបភាពផ្សាយតាមបណ្ដាញសង្គម បង្ហាញ ប្រជាជននាំគ្នាគាស់កាយ គំនរបាក់បែកទាំងយប់ងងឹត ទាញយកចេញបណ្ដាអ្នកនៅរស់រានមានជីវិត ពីក្រោមគំនរបាក់បែកនៃអគារដែលបាក់។ គេឃើញផ្ទះនានាធ្វើ្វអំពីដីឥដ្ឋរងការបំផ្លាញឬខូតខាត។
នាយករដ្ឋមន្ត្រីនេប៉ាល់លោកPUSHPA KAMAL DAHALបានទៅកាន់កន្លែងរងការប៉ះពាល់កាលពីថ្ងៃទី៤វិច្ឆិកា ក្រោយពីសម្ដែងការក្ដុកក្ដួល ចំពោះអ្នកដែលបាត់បង់ជីវិតដោយសារការរញ្ជួលដីនោះ។
នេប៉ាល់ជាប្រទេសជួបប្រទះគ្រោះរញ្ជួយដីញឹកញាប់ ដោយកាលពីឆ្នាំ២០១៥ ការរញ្ជួយដីមួយកម្លាំង៧,៨រីស្ទ័រកើតមានក្នុងប្រទេសនេះ បណ្ដាលឲ្យមនុស្សស្លា.ប់ដល់ជិត៩០០០នាក់ និងបំផ្លាញផ្ទះសម្បែងដល់ជាងកន្លះលាន និងសាលារៀន៨០០០៕
ចែករំលែកព័តមាននេះ