រាជធានីភ្នំពេញ ៖ មនុស្សប្រុស-ស្រីប្រមាណ១០៣នាក់ មានទាំងជនបរទេស ត្រូវបានកម្លាំងមន្ទីរប្រឆាំងបទល្មើសគ្រឿងញៀននៃអគ្គស្នងការដ្ឋាននគរបាលជាតិ ធ្វើការឃាត់ខ្លួន និងបញ្ជូនទៅធ្វើការសាកសួរ ដោយសង្ស័យជាប់ពាក់ព័ន្ធការប្រើប្រាស់ HAPPY BALLON ( ប៉ោងប៉ោងរីក
រាយ ) ។
ហេតុការណ៍នេះ បានកើតឡើងកាលពីវេលាម៉ោង០២និង១០នាទីអធ្រាត្រ ឈាចូលថ្ងៃទី០៤ ខែវិច្ឆិកា ឆ្នាំ២០២៣ ស្ថិតនៅក្លិបមួយកន្លែង ដែលមានស្លាកយីហោ NUMBER9 BASSAC LIVE DJS – DANCE FLOOR ស្ថិតនៅផ្លូវលេខ៣០៨ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ក្នុងប្រតិបត្តិការណ៏នេះ គេឃើញមានវត្តមានរបស់សមត្ថកិច្ច មន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ សហកាជាមួយសមត្ថកិច្ចមូលដ្ឋានសង្កាត់ទន្លេបាសាក់ ចុះធ្វើការឡោមព័ទ្ធទីតាំងក្លឹបកម្សាន្តខាងលើ ព្រមទាំងបានធ្វើការឃាត់ខ្លួនមនុស្សប្រុសស្រីជាច្រើននាក់ ក្នុងនោះមានជនបរទេសផងដែរ។
យោងតាមរបាយការណ៍បានអោយដឹងថា៖ មនុស្សដែលត្រូវបានសមត្ថកិច្ចឃាត់ខ្លួន មានរហូតដល់ទៅ១០៣នាក់ទាំងខ្មែរ និងជនបរទេសប្រុសស្រីជាច្រើននាក់ ។
ដោយសមត្ថកិច្ចបានដកហូតគ្រឿងសម្ភារៈដូចជា៖ ប៉ោងប៉ោងរីករាយទំហំធំចំនួន០៤ និងតូចៗផ្សេងជាច្រើន និងបំពង់ខ្យល់សម្រាប់បញ្ចូលទៅក្នុង HAPPY BALLONS ចំនួន១២បំពង់ រួមទាំងបំពង់ឧស្ម័នសប្បាយចំនួន០៤បំពង់ធំផងដែរ។
បច្ចុប្បន្ន សមត្ថកិច្ចបានបញ្ជូនមនុស្សទាំង១០៣នាក់ ឡើងទៅលើរថយន្តដឹកអ្នកដំណើរចំនួន២គ្រឿង បញ្ជូនទៅកាន់មន្ទីរប្រឆាំងបទល្មើសគ្រឿងញៀននៃអគ្គស្នងការដ្ឋាននគរបាលជាតិ ដើម្បីធ្វើការសាកសួរ និងចាត់វិធានការតាមនីតិវិធីច្បាប់ផងដែរ៕ ដោយ៖ រដ្ឋា
ចែករំលែកព័តមាននេះ