រាជធានីភ្នំពេញ ៖ បុរសម្នាក់ទំនងជាមានវិបត្តិអ្វីមួយ បានចងកសម្លាប់ខ្លួននឹងដើមឈើ នៅមុខវត្តសូរិយាពោធិ៍មាស ស្ថិតនៅតាមផ្លូវជាតិលេខ៦Aក្នុងភូមិក្តីចាស់ សង្កាត់បាក់ខែងខណ្ឌជ្រោយចង្វារ រាជធានីភ្នំពេញ ហើយបង្កអោយមានការភ្ញាក់ផ្អើលកាលពីវេលម៉ោងប្រមាណ៤ទៀបភ្លឺ ចូលថ្ងៃទី០៤ខែវិឆ្ឆិកា…
រាជធានីភ្នំពេញ ៖ បុរសម្នាក់ទំនងជាមានវិបត្តិអ្វីមួយ បានចងកសម្លាប់ខ្លួននឹងដើមឈើ នៅមុខវត្តសូរិយាពោធិ៍មាស ស្ថិតនៅតាមផ្លូវជាតិលេខ៦Aក្នុងភូមិក្តីចាស់ សង្កាត់បាក់ខែងខណ្ឌជ្រោយចង្វារ រាជធានីភ្នំពេញ ហើយបង្កអោយមានការភ្ញាក់ផ្អើលកាលពីវេលម៉ោងប្រមាណ៤ទៀបភ្លឺ ចូលថ្ងៃទី០៤ខែវិឆ្ឆិកា ឆ្នាំ២០២២៣នេះ ។
បុរសរូបនោះពុំស្គាល់អត្តសញ្ញាណឡើយ មានអាយុប្រមាណជាង៤០ឆ្នាំ ស្លៀកខោខូវប៊យពាក់អាវដៃខ្លីក្រឡាការ៉ូ ។ តាមព័ត៌មានបានអោយដឹងថា នៅមុនពេលកើតហេតុ មានអ្នកដំណើរ ឆ្លងកាត់មុខវត្តក៏បានប្រទះឃើញសពបុរសរូបនោះ ចងកសម្លាប់ខ្លួន ហើយក៏បានរាយការណ៍ប្រធានភូមិបង្កអោយមានការភ្ញាក់ផ្អើលឡើង ។
ទោះបីជាយ៉ាងណា គេពុំដឹងថា បុរសរូបនោះ មានវិបត្តិអ្វី ហើយចងកសម្លាប់ខ្លួន តាំងពីពេលណានោះឡើយ ។ តាមនគរបាលអោយដឹងថា បុរសរូបនោះ បានចងកសម្លាប់ខ្លួននឹងខ្សែនីឡុងពណ៌សភ្ជាប់ទៅនឹងដើមសាគឺរ៉ា នៅមុខវត្ត ហើយបានស្លាប់បាត់បង់ជីវិត ។
បន្ទាប់ពីមានការភ្ញាក់ផ្អើល នគរបាលមូលដ្ឋានក៏បានរាយការណ៍ទៅនគរបាលការិយាល័យ បច្ចេកទេសនិងវិទ្យាសាស្ត្រនៃស្នងការនគរបាលរាជធានីភ្នំពេញ ដើម្បីត្រួតពិត្យ និងស្រាវជ្រាវរកបងប្អូនដើម្បី នាំយកទៅធ្វើបុណ្យតាមប្រពៃណី ។
ចែករំលែកព័តមាននេះ