ខេត្តកំពង់ឆ្នាំង ៖ក្រោយពីទទួលការអនុញ្ញាតពីលោកព្រះរាជអាជ្ញាអមសាលាដំបូងខេត្តកំពង់ឆ្នាំងកាលពីព្រឹកថ្ងៃទី២៧ ខែតុលា ឆ្នាំ២០២៣ មន្ត្រីពេទ្យសត្វខេត្តកំពង់ឆ្នាំង និងសមត្ថកិច្ចចម្រុះបានរើនិងត្រួតពិនិត្យសាច់បង្កក និងប្រហិតដែលបានចាប់ កាលពីថ្ងៃទី២៦ ខែតុលា ២០២៣។…
ខេត្តកំពង់ឆ្នាំង ៖ក្រោយពីទទួលការអនុញ្ញាតពីលោកព្រះរាជអាជ្ញាអមសាលាដំបូងខេត្តកំពង់ឆ្នាំងកាលពីព្រឹកថ្ងៃទី២៧ ខែតុលា ឆ្នាំ២០២៣ មន្ត្រីពេទ្យសត្វខេត្តកំពង់ឆ្នាំង និងសមត្ថកិច្ចចម្រុះបានរើនិងត្រួតពិនិត្យសាច់បង្កក និងប្រហិតដែលបានចាប់ កាលពីថ្ងៃទី២៦ ខែតុលា ២០២៣។
លោក ហ៊ុន លី អនុប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងបានឲ្យដឹងថា ក្រោយពីទទួលការអនុញ្ញាតពីលោកព្រះរាជអាជ្ញាអមសាលាដំបូងខេត្ត ឱ្យធ្វើការរុះរើត្រួតពិនិត្យរាប់នូវសាច់បង្កកនិងប្រហិតដែលនាំចូលដោយខុសច្បាប់ ជាលទ្ធផលគឺសរុបមានចំនួនជាង៥តោន ។
លោកអនុប្រធានការិយាល័យផលិតកម្មបក្សសុជាព្យាបាលខេត្តបានបញ្ជាក់ថា សាច់បង្កកនិងប្រហិតទាំងនោះមាន កោះមាន់១៥៨កេះ ស្លាបមាន់បង្ក១៨១កេះ ប្រហិតចម្រុះ១៨១កេះ ដែលមានទម្ងន់សរុប៥២០០គីឡូក្រាម ។
លោក ហ៊ុន លី បានបញ្ជាក់ទៀតថា លោកព្រះរាជ្ញាអមសាលាដំបូងខេត្តឱ្យចំណាត់ការតាមនីតិវិធីច្បាប់ ដូច្នេះ សាច់បង្កកនិងប្រហិតទាំងនោះនឹងត្រូវដុតកម្ទេចចោល ដោយមិនធ្វើការផាកពិន័យនោះឡើយ ។
លោក ជិន សុផាត ប្រធានការិយាល័យប្រឆាំងបទល្មើសសេដ្ឋកិច្ចនៃស្នងការរដ្ឋាននគរបាលមខេត្តកំពង់ឆ្នាំងបានបញ្ជាក់ថា ការស្ទាក់ចាប់រថយន្តដឹកសាច់បង្កក និងប្រហិតគ្មានច្បាប់អនុញ្ញាត កាលពី រសៀលថ្ងៃទី២៦ខែតុលា ម្សិលមិញនេះ គឺជាការចាប់លើកទី២ហើយ ដែលរថយន្តដដែលនេះដឹកសាច់បង្កកនិងប្រហិតចូលដោយខុសច្បាប់ ។
ទោះយ៉ាងណា លោកពុំបានបញ្ជាក់ថា ការដឹកសាច់បង្កក និងប្រហិតទាំងនោះ ចេញពីច្រកណានោះទេ ប៉ុន្តែគ្រាន់តែដឹងថាសាច់បង្កកនិងប្រហិតទាំងនោះចូលមកពីប្រទេសថៃ។
គួររំលឹកថា ប្រមុខរាជរដ្ឋាភិបាល ក៏ដូចជាក្រសួងពាក់ព័ន្ធបានបញ្ឈប់ការនាំចូលប្រហិតនិងសាច់បង្កកចូលព្រះរាជាណាចក្រកម្ពុជា ដូច្នេះហើយទើបឈ្មួញតែងតែលួចនាំចូលមក តាមច្រករបៀងដែលពេលខ្លះ មន្ត្រីតាមច្រកព្រំដែនមានការបិទភ្នែកបិទច្រមុះខ្លះទើបបានចូលមកដល់កណ្ដាលប្រទេសបែបនេះ ។
ចែករំលែកព័តមាននេះ