តំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី២៦ ខែតុលា ឆ្នាំ២០២៣កន្លងទៅ បានសម្រេចធ្វើការចោទប្រកាន់ជនសង្ស័យ២នាក់ ក្នុងចំណោម១៦នាក់ ពាក់ព័ន្ធពីបទ
រាជធានីភ្នំពេញ ៖ តំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី២៦ ខែតុលា ឆ្នាំ២០២៣កន្លងទៅ បានសម្រេចធ្វើការចោទប្រកាន់ជនសង្ស័យ២នាក់ ក្នុងចំណោម១៦នាក់ ពាក់ព័ន្ធពីបទរក្សាទុក ប្រើប្រាស់ និងជួញដូរដោយខុសច្បាប់នូវសារធាតុញៀ.ន ។
ករណីខាងលើនេះ សមត្ថកិច្ចនគរបាលមន្ទីរប្រឆាំងគ្រឿ.ងញៀ.ន បានចុះបង្ក្រាបនៅសណ្ឋាគារកណ្តាលសួន ក្នុងសង្កាត់ចតុមុខ ខណ្ឌដូនពេញ ។ បន្ទាប់ពីការបង្ក្រាបនេះ មនុស្ស៦នាក់ត្រូវបានបណ្តេញចេញ និងស្ត្រី៨នាក់ ត្រូវបានធ្វើការអប់រំឲ្យវិលត្រឡប់ទៅផ្ទះវិញ ។
សំណុំរឿងនេះ ស្ថិតនៅលើលោក វង្ស សាវ៉ាត ព្រះរាជអាជ្ញារងអមសាលាដំបូងរាជធានីភ្នំពេញ ធ្វើការស៊ើបសួរ ដែលមានជនសង្ស័យម្នាក់ឈ្មោះ ង្វៀន ហ្វឹងហ្វៀត ភេទប្រុស អាយុ៣៧ឆ្នាំ និងម្នាក់ទៀតឈ្មោះ ហ្វាង ហ្វិនធី ភេទប្រុស អាយុ៣៥ឆ្នាំ ។
សូមរំឭកថា មនុស្សប្រុសស្រីចំនួន១៦នាក់ សុទ្ធសឹងជាជនជាតិវៀតណាម កាលពីរសៀលថ្ងៃទី២០ ខែតុលា ឆ្នាំ២០២៣ បានត្រូវកម្លាំងការិយាល័យទី៩ នៃមន្ទីរប្រឆាំងបទល្មើសគ្រឿ.ងញៀ.ន សហការជាមួយកម្លាំងនគរបាលរាជធានីភ្នំពេញ ចុះបង្ក្រាបជាក់ស្តែងនៅក្នុងបន្ទប់លេខA៨៣៥-៨២៣ និង៨២១ នៃសណ្ឋាគារកណ្តាលសួន ទល់មុខខារ៉ាអូខេ BOEING ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ។
លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿ.ងញៀ.ន បានឲ្យដឹងនៅរសៀលថ្ងៃទី២២ ខែតុលា ថា ក្នុងចំណោមមនុស្ស១៦នាក់នេះ មាន២នាក់ត្រូវកសាងសំណុំរឿងបញ្ជូនទៅតុលាការ ។ ចំណែក១៤នាក់ទៀត ខ្លះត្រូវបណ្តេញចេញឲ្យទៅស្រុកកំណើតរបស់ពួកគេវិញ និងខ្លះត្រូវធ្វើការអប់រំ ។
លោកនាយកមន្ទីរបញ្ជាក់ថា ថ្នាំញៀ.នដែលរឹបអូសបាននៅសល់តិចតួចទេ ព្រោះជនល្មើសបានចាក់ចូលក្នុងចានបង្គន់អស់ហើយ មុនពេលសមត្ថកិច្ចចុះទៅដល់ ។ ប្រតិបត្តិការចុះបង្ក្រាបនេះ គឺអនុវត្តតាមបទបញ្ជារបស់នាយឧត្ដមសេនីយ៍ ស ថេត អគ្គស្នងការនគរបាលជាតិ ការដឹកនាំបញ្ជាពីនាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងគ្រឿ.ងញៀ.ន និងដឹកនាំផ្ទាល់ដោយឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿ.ងញៀ.ន ។
នៅក្នុងការបង្ក្រាបនេះ កម្លាំងសមត្ថកិច្ចបានដកហូតវត្ថុតាង សារធាតុញៀ.នជាង៣៣០ក្រាម និងទូរស័ព្ទចំនួន២៥គ្រឿង ឡេបថប១គ្រឿង និងម៉ាស៊ីនចាក់ភ្លេង២គ្រឿង ។ មនុស្សទាំង១៦នាក់ និងវត្ថុតាង ត្រូវបានសមត្ថកិច្ច «ក៩»នៃមន្ទីរប្រឆាំងបទល្មើសគ្រឿ.ងញៀ.ន នាំយកទៅសាកសួរ និងធ្វើតេស្ត ដើម្បីរកសារធាតុញៀ.នលើខ្លួនពួកគេ និងបន្តការស្រាវជ្រាវរកមេខ្លោងជូញដូរ អ្នកញៀ.នគ្រឿ.ងញៀ.ន និងកសាងសំណុំរឿងបញ្ជូនទៅសាលាដំបូងរាជធានីភ្នំពេញតាមនីតិវិធី ។ ជនសង្ស័យ២នាក់ ដែលម្នាក់ជាម្ចាស់បន្ទប់នៃសណ្ថាគារកណ្តាលសួន និងម្នាក់ជាអ្នករក្សាទុក និងជួញដូរថ្នាំញៀ.ន ត្រូវបញ្ជូនទៅតុលាការ ។
គួររំលឹកថា ៖ ២នាក់បញ្ជូនទៅតុលាការ ១៤នាក់បណ្តេញទៅស្រុកវិញ ពាក់ព័ន្ធបទល្មើសក្នុងបន្ទប់សណ្ឋាគារកណ្ដាលសួន ៕
ចែករំលែកព័តមាននេះ