រាជធានីភ្នំពេញ៖ វិស័យភាពយន្តរវាងកម្ពុជា និងឥណ្ឌូណេស៊ី កំពុងឈានជើងទៅរកជំហានថ្មីមួយទៀត ខណៈប្រទេសទាំងពីរមានបំណងចង់សហការគ្នាផលិតភាពយន្តរួមគ្នា​ដើម្បីជំរុញវិស័យសិល្បៈឱ្យកាន់តែរីកចម្រើន។

យោងតាមការផ្សាយរបស់​ក្រសួងវប្បធម៌ និងវិចិត្រសិល្បៈ បានឱ្យដឹងថា ក្នុងជំនួបពិភាក្សានៅទីស្តីការក្រសួង​ កាលពីព្រឹកថ្ងៃទី៣០ ខែធ្នូ ឆ្នាំ២០២៥ លោក ហាប់ ទូច រដ្ឋលេខាធិការប្រចាំការ និងជាតំណាងដ៏ខ្ពង់ខ្ពស់របស់លោកជំទាវបណ្ឌិតសភាចារ្យរដ្ឋមន្ត្រី បានទទួលជួបពិភាក្សាការងារយ៉ាងជិតស្និទ្ធជាមួយលោកបណ្ឌិត Santo Darmosumarto ឯកអគ្គរដ្ឋទូតឥណ្ឌូណេស៊ីប្រចាំកម្ពុជា។

ក្រៅពីគម្រោងផលិតភាពយន្តរួមគ្នា ភាគីទាំងពីរក៏បានពិភាក្សាយ៉ាងលម្អិតលើការរៀបចំ “កម្មវិធីចាក់បញ្ចាំងភាពយន្តឥណ្ឌូណេស៊ីនៅកម្ពុជា” ដែលគ្រោងនឹងប្រព្រឹត្តទៅនៅឆ្នាំ២០២៦ ខាងមុខនេះ៕