អ្នកកាសែតប៉ាឡេស្ទីន២២នាក់បានស្លា.ប់ក្នុងសង្គ្រាមអ៊ីស្រាអែល-ក្រុមហាម៉ាស់
សង្គ្រាមអ៊ីស្រាអែល-ហាម៉ាស់ ៖ ត្រូវបង្ខំចិត្តភៀសខ្លួន គេចពីការវា.យប្រហាររបស់អ៊ីស្រាអែលលើក្រុង
សង្គ្រាមអ៊ីស្រាអែល-ហាម៉ាស់ ៖ ត្រូវបង្ខំចិត្តភៀសខ្លួន គេចពីការវា.យប្រហាររបស់អ៊ីស្រាអែលលើក្រុងហ្គាហ្សា អ្នកកាសែតប៉ាឡេស្ទីនច្រើនរយនាក់នៅតែក្រាញយកព័ត៌មានពីសង្គ្រាមទាំងប្រថុយនឹងគ្រោះថ្នាក់ដល់អាយុជីវិតនិងក្នុងស្ថានភាពដ៏គ្រោះថ្នាក់បំផុត។
ក្រោមដំបូលតង់នៅទីធ្លានៃមន្ទីរពេទ្យ អ្នកកាសែតទាំងនោះយកធ្វើជាកន្លែងសរសេរអត្ថបទកាសែតនាពេលថ្ងៃនិងជាកន្លែងដេកនាពេលយប់។ ក្នុងចំណោមអ្នកកាសែតទាំងនោះមួយចំនួនធ្វើការឲ្យសារព័ត៌មានក្នុងស្រុកនិងមួយចំនួនទៀត ធ្វើការឲ្យសារព័ត៌មានអន្តរជាតិ។ ទោះបីជួបស្ថានភាពពិបាកនិងគ្រោះថ្នាក់បំផុតប្រថុយប្រថានដល់អាយុជីវិតក្ដី ក៏ពួកគេនៅតែក្រាញបំពេញវិជ្ជាជីវៈតាំងពីចាប់ផ្ដើមសង្គ្រាមរវាងអ៊ីស្រាអែល និងក្រុមហាម៉ាស់ប៉ាឡេស្ទីនពីថ្ងៃទី៧ តុលាមក។
យោងតាមសហជីពពួកគេថា អ្នកកាសែតប៉ាឡេស្ទីនដល់២២នាក់ហើយស្លាប់ នៅជ្រោយហ្គាហ្សាតាំងពីកើតមានសង្គ្រាមថ្មីនោះមក។ មុនចាប់ផ្ដើមជម្លោះបណ្ដាអ្នកកាសែតប៉ាឡេស្ទីនធ្វើការនៅតាមការិយាល័យស្ថិតនៅក្នុងអគារខ្ពង់ៗនាកណ្ដាលក្រុងហ្គាហ្សា តែការទម្លាក់គ្រាប់យ៉ាងខ្លាំងក្លារបស់អ៊ីស្រាអែល បានកម្ទេចអគារខ្ព្ស់ៗជាច្រើន ដោយបង្ខំបណ្ដាអ្នកកាសែតឲ្យចាកចេញទៅកាន់ភាគខាងត្បូងហ្គាហ្សា ទោះបីការវាយប្រហាររបស់អីុស្រាអែលមិនអនុគ្រោះដល់តំបន់ណាមួយក៏ដោយ៕
ចែករំលែកព័តមាននេះ