ប្រទេសអ៊ីរ៉ង់ ៖ ចលនាតវ៉ាកាន់តែរីកធំឡើងនៅអ៊ីរ៉ង់ ប្រឆាំងសភាពការណ៍ដុនដាបខ្លាំងនៃសេដ្ឋកិច្ច ដោយការប៉ះទង្គិចគ្នារវាងពួកបាតុករ និងកងកម្លាំងសន្តិសុខបណ្ដាលឲ្យមនុស្សស្លាប់ដល់៦នាក់ហើយកាលពីថ្ងៃទី១ មករា នៅភាគខាងលិចប្រទេស ។ ក្នុងចំណោមអ្នកស្លាប់ទាំងនេះមានជនស៊ីវិល៥នាក់…
ប្រទេសអ៊ីរ៉ង់ ៖ ចលនាតវ៉ាកាន់តែរីកធំឡើងនៅអ៊ីរ៉ង់ ប្រឆាំងសភាពការណ៍ដុនដាបខ្លាំងនៃសេដ្ឋកិច្ច ដោយការប៉ះទង្គិចគ្នារវាងពួកបាតុករ និងកងកម្លាំងសន្តិសុខបណ្ដាលឲ្យមនុស្សស្លាប់ដល់៦នាក់ហើយកាលពីថ្ងៃទី១ មករា នៅភាគខាងលិចប្រទេស ។ ក្នុងចំណោមអ្នកស្លាប់ទាំងនេះមានជនស៊ីវិល៥នាក់ និងសមាជិកកងជីវពលស្និទ្ធកងឆ្មាំបដិវត្តន៍អ៊ីរ៉ង់ម្នាក់ ។
តាមទីភ្នាក់ងារព័ត៌មានអ៊ីរ៉ង់ TASNIM ថា មនុស្ស៣០នាក់ដែលជាប់ចោទពីបទបង្កចលាចលបានត្រូវចាប់ខ្លួននៅក្រុងតេហេរ៉ង់ ។ ចលនាតវ៉ាចាប់ផ្ដើមពីថ្ងៃទី២៨ ធ្នូ មក ដោយពួកពាណិជ្ជករក្រុងតេហេរ៉ង់ មុនពេលរាលដាលដល់ពួកនិស្សិត និងរីកដល់ផ្នែកមួយធំរបស់ប្រទេស ។
បាតុកម្មចាប់ផ្ដើមពីថ្ងៃទី២៨ ធ្នូ ក្នុងផ្សារធំៗជាច្រើននៅក្រុងតេហេរ៉ង់ ប្រឆាំងអតិផរណាដ៏ខ្ពស់ និងតម្លៃប្រាក់ជាតិធ្លាក់ថ្លៃ្លខ្លាំងបំផុត ។ ទោះបីយ៉ាងណាការបិទហាងនៅមានកម្រិតនៅកណ្តាលក្រុងតេហេរ៉ង់ដែលមានហាងទំនិញច្រើន ។ ការប្រមូលផ្ដុំគ្នាបានបន្តនាថ្ងៃទី២៩ ធ្នូ ក្នុងរដ្ឋធានីដែលពួកពាណិជ្ជករបានបិទហាង ។ ទោះបីជាហាងមួយផ្នែកនៅបើកទ្វារនាថ្ងៃទី៣០ ធ្នូ តែកងកម្លាំងសន្តិសុខត្រូវបានដាក់ពង្រាយតាមបណ្ដាផ្លូវបំបែក សំខាន់ៗនៃក្រុងតេហេរ៉ង់ និងនៅតាមច្រកចូលសាកលវិទ្យាល័យមួយចំនួន ។ និស្សិតនៃសាកលវិទ្យាល័យ១០ក្នុងប្រទេសបានចូលរួមធ្វើបាតុកម្មរួចហើយ។
កាលពីថ្ងៃទី១មករាការប៉ះទង្គិចគ្នានានា កើតមាននៅតាមទីក្រុងមួយចំនួន។នៅក្រុងល័រដឺហ្គានភាគនិរតីប្រទេស មនុស្ស២នាក់បានត្រូវស្លាប់ដែលជាជនស៊ីវិល ។ នៅទីនោះពួកបាតុករចាប់ផ្ដើមគប់ដុំថ្មលើបណ្ដាអគាររដ្ឋបាល ក្នុ្នុងនោះមានអគារសាលាក្រុងផងដែរ ព្រមទាំងបណ្ដាធនាគារ ព្រះវិហារហើយប៉ូលិសបានប្រើឧស្ម័នបង្ហូរទឹកភ្នែក ។
ទីភ្នាក់ងារព័ត៌មានFARS រៀបរាប់ពីការខូចខាតដ៏ច្រើននិងពីការចាប់ខ្លួនមនុស្សច្រើននាក់ចាត់ទុកជាអ្នកនាំំភ្លើង។ រួចនៅក្រុងអាស្នាមនុស្ស៣នាក់បានត្រូវស្លាប់និង១៧នាក់រងរបួសពេលប៉ះទង្គិចគ្នា ៕
ចែករំលែកព័តមាននេះ