ប្រធានាធិបតីតួកគី ចង្អុលចំៗថា “ក្រុមហាម៉ាស់ មិនមែនជាអង្គការភេរវកម្មទេ គឺជាក្រុមរំដោះជាតិ”
ទីក្រុងអ៊ីស្តង់ប៊ុល ៖ ប្រធានាធិបតីទួរគី លោក រីស៊ីបតៃយីប អ័រដូហ្គាន បានថ្លែងសុន្ទរកថានៅថ្ងៃពុធ ទី២៥ ខែតុលា ឆ្នាំ២០២៣នេះ…
ទីក្រុងអ៊ីស្តង់ប៊ុល ៖ ប្រធានាធិបតីទួរគី លោក រីស៊ីបតៃយីប អ័រដូហ្គាន បានថ្លែងសុន្ទរកថានៅថ្ងៃពុធ ទី២៥ ខែតុលា ឆ្នាំ២០២៣នេះ ដោយចង្អុលចំៗថា ៖ “ក្រុមហាម៉ាស់ មិនមែនជាអង្គការភេរវកម្មទេ ប៉ុន្តែជាក្រុមសម្រាប់ការរំដោះ និងការប្រយុទ្ធរបស់សហគមន៍ ដើម្បីការពារទឹកដី និងពលរដ្ឋរបស់ពួកគេ” ។
លោក រីស៊ីបតៃយីប អ័រដូហ្គាន ក៏បានប្រកាសថា គម្រោងធ្វើដំណើរទៅកាន់ប្រទេសអ៊ីស្រាអែល ត្រូវបានលុបចោល ។
ថ្លែងនៅក្នុងសភាទួរគី លោកអ័រដូហ្គាន ថា ៖ “លោកខាងលិច (សហរដ្ឋអាមេរិក សហភាពអឺរ៉ុប និងអ៊ីស្រាអែល) បានរួមគ្នា ហើយមើលឃើញក្រុមហាម៉ាស់ ជាអង្គការភេរវកម្ម។ អ៊ីស្រាអែល អ្នកទេប្រហែលដូចអង្គការមួយ ព្រោះលោកខាងលិច ជំពាក់អ្នកច្រើន។ ប៉ុន្តែ តួកគី មិនជំពាក់អ្នកទេ” ។
លោក អ័រដូហ្គាន ក៏បានបញ្ជាក់ថា ប្រទេសទួរគី “គ្មានបញ្ហាជាមួយរដ្ឋអ៊ីស្រាអែលទេ” ប៉ុន្តែប្រទេសនេះ “មិនដែលយល់ព្រមចំពោះអំពើឃោរឃៅ ដែលប្រព្រឹត្តដោយអ៊ីស្រាអែលទេ” ។
លោកប្រធានាធិបតីទួរគី បានបង្ហាញថា ប្រហែលពាក់កណ្តាល នៃអ្នកស្លា.ប់ នៅក្នុងការវាយប្រហាររបស់អ៊ីស្រាអែល លើតំបន់ហ្គាហ្សា គឺជាកុមារ។ លោកបន្តទៀតថា “កុំសម្លា.ប់កុមារ! ការសម្លា.ប់មនុស្សស្លូតត្រង់ ស្ត្រី និងកុមារ អស់ជាច្រើនថ្ងៃកន្លងមកនេះ មិនអាចរាប់ថា ជាភាពសុចរិតបានទេ” ។
ចាប់តាំងពីថ្ងៃទី៧ ខែតុលា យោធាអ៊ីស្រាអែល បានបើកការវាយប្រហារឥតឈប់ឈរ និងការបិទខ្ទប់ទាំងស្រុងលើតំបន់ហ្គាហ្សា ដោយបានសម្លាប់មនុស្សយ៉ាងហោចណាស់ ៥,០៨៧នាក់ រួមទាំងកុមារ ២,០៥៥នាក់ នេះបើយោងតាមរបាយការណ៍ក្រសួងសុខាភិបាលប៉ាឡេស្ទីន នៅហ្គាហ្សា ៕
ចែករំលែកព័តមាននេះ