- ភ្នំពេញ
ទេសចរណ៍ជាសសរស្តម្ភសំខាន់មួយនៃសេដ្ឋកិច្ចរបស់កម្ពុជា។ ការកំណត់ថា ទេសចរណ៍ជា សសរស្តម្ភសេដ្ឋកិច្ចនេះ មិនមែនធ្វើឡើងដោយគ្មានមូលដ្ឋាននោះឡើយ។ អំណោយផលពីធម្មជាតិ ដូចជា
ទេសចរណ៍ជាសសរស្តម្ភសំខាន់មួយនៃសេដ្ឋកិច្ចរបស់កម្ពុជា។ ការកំណត់ថា ទេសចរណ៍ជា សសរស្តម្ភសេដ្ឋកិច្ចនេះ មិនមែនធ្វើឡើងដោយគ្មានមូលដ្ឋាននោះឡើយ។ អំណោយផលពីធម្មជាតិ ដូចជា
វត្តមានអ្នកទេសចរ អាចសម្រាលបន្ទុកសេដ្ឋកិច្ចពលរដ្ឋឱ្យធូរស្រាលបាន
ទេសចរណ៍ជាសសរស្តម្ភសំខាន់មួយនៃសេដ្ឋកិច្ចរបស់កម្ពុជា។ ការកំណត់ថា ទេសចរណ៍ជា សសរស្តម្ភសេដ្ឋកិច្ចនេះ មិនមែនធ្វើឡើងដោយគ្មានមូលដ្ឋាននោះឡើយ។ អំណោយផលពីធម្មជាតិ ដូចជា ៖ ភ្នំ សមុទ្រ ភូមិសាស្ត្រ និងវប្បធម៌ អរិយធម៌ខ្មែរ ដែលមានប្រាង្គប្រាសាទ ប្រពៃណី រួមនឹងការរស់នៅរបស់ប្រជាពលរដ្ឋជាដើម សុទ្ធសឹងជាសក្តានុពល ដែលនាំឱ្យកម្ពុជា រកចំណូលបានពីវិស័យទេសចរណ៍។
ចំណូលពីទេសចរនៅគ្រាដែលពលរដ្ឋលំបាកកំពុងជួបវិបត្តិសេដ្ឋកិច្ចនេះ មានសារៈសំខាន់ ណាស់ ដូច្នេះពលរដ្ឋមិនគួរមើលរំលងពីផលប្រយោជន៍ពីអ្នកទេសចរឡើយ។ ប៉ុន្តែបើនិយាយពីទេសចរណ៍ មានសម្បត្តិធម្មជាតិ និងវប្បធម៌ មិនទាន់គ្រប់គ្រាន់នោះទេ។ សេវាកម្ម និងបញ្ហាសង្គមជាច្រើនទៀត ដែលត្រូវបង្កើតឡើង និងយកចិត្តទុកដាក់នៅក្នុងការទាក់ទាញអ្នកទេសចរ ។ និយាយជារួម អាជីវកម្មទេសចរណ៍មិនខុសពីការធ្វើជំនួញផ្សេងទៀតនោះឡើយ ទាមទារឱ្យមានការកែច្នៃ បង្កើតថ្មី ប្លែក និងមានការចូលរួមពីរដ្ឋ និងមហាជន ដោយមិនអាចខ្វះបាន។
ដូចគេបានដឹងហើយថា អ្នកទេសចរដែលខំធ្វើដំណើរឆ្លងប្រទេស ឆ្លងទ្វីបនេះ គេមានបំណងកម្សាន្ត បង្កើតភាពសប្បាយរីករាយឱ្យជីវិតរបស់គេ ។ នៅក្នុងដំណើរកម្សាន្តរបស់អ្នកទេសចរ គឺគេត្រូវការរសជាតិថ្មីសម្រាប់ជីវិត ដើម្បីសេចក្តីសុខផ្លូវកាយ និងចិត្តរបស់គេ។ ក្នុងពេលដើរកម្សាន្ត គេត្រូវការស្នាមញញឹម និងបរិស្ថានស្អាត។
ដោយសារទេសចរណ៍បានក្លាយជាឧស្សាកម្មគ្មានផ្សែង ដែលអាចបង្កើតចំណូលបានច្រើនដល់ប្រទេស និងពលរដ្ឋ ប្រទេសនានាលើពិភពលោក បានយកវិស័យទេចរណ៍ជាប្រភពចំណូលសំខាន់របស់គេ មិនខុសពីកម្ពុជានោះឡើយ។ ដូច្នេះ ការស្រូបទាញអ្នកទេសចរ គឺជា ការប្រកួតប្រជែង។ ប្រកួតប្រជែងទាំងផលិតផលទេសចរណ៍ សេវាកម្ម តម្លៃ និងភាពសម្បូរបែប សណ្តាប់ធ្នាប់ សន្តិសុខ បរិស្ថាន និងអនាម័យជាដើម។
សេវាកម្មល្អ សម្រាប់អ្នកទេសចរ គេគួរសម្អិតសម្អាតចាប់ពីពេលអ្នកទេសចរបានជាន់ជើងចូលទឹកដីខ្លួន រហូតដល់ពេលចាកចេញទៅវិញ។ នៅកំឡុងពេលអ្នកស្នាក់នៅ គេមិនគួរធ្វើសកម្មភាពណាមួយនាំឱ្យពួកគាត់មិនពេញចិត្តនោះឡើយ។ ជាពិសេស គេប្រុងប្រ័យត្នដល់សុខសុវត្ថិភា របស់អ្នកទេសចរ។ និយាយជារួម ការលើកឡើងដែលថា អ្នកទេសចរជាស្តេចនោះមិនខុសឡើយ។ យើងគួរនាំគ្នា គោរព ឱ្យតម្លៃ និងការពារអ្នកទេសចរ ដូចទៅនឹងស្តេច គឺមិនខុសឡើយ។
សេវាកម្មល្អ ប្លែកថ្មី តម្លៃទំនិញនិសេវាកម្មនានាសមរម្យ ថោកជាងប្រទេសនានា មានអនាម័យល្អ ពលរដ្ឋរាក់ទាន់ ញញឹមស្វាគមន៍គ្រប់កន្លែង មិនត្រឹមជាការអូសទាញអ្នកទេសចរឱ្យចូលមកកម្សាន្ត សម្រាកកាយនៅក្នុងប្រទេសយើងនោះទេ ប៉ុន្តែអាចធ្វើឱ្យពួកគេធ្វើទេសចរណ៍នៅកម្ពុជា បានច្រើនថ្ងៃទៀតផង។ ការស្នាក់នៅរបស់អ្នកទេសចរកាន់យូរថ្ងៃ គឺយើងអាចទទួលបានចំណូលកាន់តែច្រើន។
អ្នករកទទួលទានក្នុងវិស័យទេសចរណ៍គ្រប់ផ្នែក ចង់ឱ្យអ្នកទេសចរស្នាក់នៅកម្ពុជាបានយូរ និងធ្វើដំណើរកម្សាន្តទៅគ្រប់ប៉ូលទេសចរណ៍ដែលមានក្នុងប្រទេស។ ដូចជានៅសមុទ្រ មានខេត្តកំពត កែប កោះកុង និងខេត្តព្រះសីហនុ។ នៅប៉ូលឥសាន្តមាន រតនគិរី មណ្ឌលគិរី ក្រចេះ និងស្ទឹងត្រែងជាដើម ដោយមិនចង់ឃើញអ្នកទេសចរប្រមូលផ្តុំនៅតែខេត្តសៀមរាប ហើយក្នុងរយៈពេលតែពីរ ឬបីថ្ងៃ ត្រូវចាកចេញពីកម្ពុជាវិញនោះទេ។
ដើម្បីឱ្យអ្នកទេសចរស្នាក់នៅកម្ពុជាយូរថ្ងៃ ហើយដើរកម្សាន្តគ្រប់កន្លែង គ្រប់ប៉ូលទេសចរណ៍ និងសេដ្ឋកិច្ចនោះ ដាច់ខាតគេត្រូវធានាឱ្យបាននូវសុខសុវត្ថិភាព បន្ទាប់មកការធ្វើដំណើរ ត្រូវតែមានផ្លូវស្អាត តាមផ្លូវធ្វើដំណើរមានសណ្តាប់ធ្នាប់ ការធ្វើចរាចរណ៍គោរពច្បាប់ មានរបៀបរៀបរយ ពលរដ្ឋចេះយោគយល់គ្នា បរិស្ថានរស់នៅ និងសង្គមល្អស្អាត។ ទាំងអស់នេះ ជាផ្នែកទាក់ទាញ និងជាការចងចិត្តដល់អ្នកទេសចរគ្រប់រូប ដែលរដ្ឋ និងពលរដ្ឋរួមគ្នាអនុវត្ត។
នៅចុងឆ្នាំនេះ ពោលគឺចាប់ខែតុលា ឆ្នាំ២០២៣នេះ រហូតដល់ខែមេសា ឆ្នាំ២០២៤ ជាឱកាសដែលអ្នកទេសចរចេញដើរកម្សាន្តច្រើន។ ជាឱកាសដែលកម្ពុជា ត្រូវស្រូបទាញអ្នកទេសចរឱ្យបានច្រើន បើមិនដូច្នេះ យើងនឹងខាតពេលមួយឆ្នាំទៀត។
ចូរចាំថា អ្នកទេសចរ គឺជាប្រភពលុយដែលទ្រទ្រង់សេដ្ឋកិច្ចជាតិ និងលើកកម្ពស់ជីវភាពពលរដ្ឋ។ ខណៈដែលការរកទទួលទាននៅក្នុងស្រុក មានការលំបាកដូចពេលបច្ចុប្បន្ននេះ លំហូរអ្នកទេសចរមកកម្ពុជា អាចនឹងជួយសម្រាលការលំបាករបស់ពលរដ្ឋបានច្រើនណាស់។ មានអ្នកទេសចរ អ្នករត់ម៉ូតូកង់បីអាចរកចំណូលបាន អ្នកលក់ចំណីអាហារអាចរកចំណូល បាន អ្នកលក់វត្ថុអនុស្សាវរីយ៍អាចរកចំណូលបាន ហើយអ្នកនាំភ្ញៀវក៏អាចរកចំណូលបាន។ ចំណែករដ្ឋ ក៏អាចប្រមូលពន្ធអាករនានាបានដែរ៕
ដោយ ៖ ប្រេ វីន
ចែករំលែកព័តមាននេះ