គិតមកដល់ថ្ងៃទី១៩នៃសង្គ្រាម ជនប៉ាឡេស្ទីនស្លា.ប់ដល់ជាង៥ពាន់នាក់
សង្គ្រាមអ៊ីស្រាអែល-ប៉ាឡេស្ទីន ៖ ក្រុមហាម៉ាស់ដែលត្រួតត្រាតំបន់ហ្កាហ្សា ប្រកាសនាថ្ងៃទី២៥តុលា ពី
សង្គ្រាមអ៊ីស្រាអែល-ប៉ាឡេស្ទីន ៖ ក្រុមហាម៉ាស់ដែលត្រួតត្រាតំបន់ហ្កាហ្សា ប្រកាសនាថ្ងៃទី២៥តុលា ពី
សង្គ្រាមអ៊ីស្រាអែល-ប៉ាឡេស្ទីន ៖ ក្រុមហាម៉ាស់ដែលត្រួតត្រាតំបន់ហ្កាហ្សា ប្រកាសនាថ្ងៃទី២៥តុលា ពីតុល្យការថ្មីនៃជនរងគ្រោះប៉ាឡេស្ទីនដែលត្រូវអ៊ីស្រាអែលសម្លា.ប់ ថា កើនដល់ជាង៥៧៥០នាក់ ក្នុងនោះមានកុមារដល់ជាង២៣៦០នាក់ តាំងពីចាប់ផ្ដើមសង្គ្រាមថ្មីពីថ្ងៃទី៧តុលាមក។
មុនពេលចាប់ផ្ដើមការវាយលុកចូលជ្រោយហ្គាហ្សាតាមជើងគោក កងទ័ពអ៊ីស្រាអែលរយៈពេលប៉ុន្មានថ្ងៃចុងក្រោយនេះបានបង្កើនការទម្លាក់គ្រាប់បែកនិងបាញ់ផ្លោងខ្លាំងក្លាលើជ្រោយហ្គាហ្សា ដែលមានផ្ទៃដីទំហំត្រឹម៣៦២គីម៉ែត្រក្រឡានិងមានប្រជាជនប៉ាឡេស្ទីន២,៤លាននាក់រស់នៅ។ តាមបណ្ដាញសង្គមX នាយសេនាធិការកងទ័ពអ៊ីស្រាអែលឧត្ដមសេនីយHERZI HALEVI អះអាងថា យើងចង់កម្ទេចពួកហាម៉ាស់ឲ្យខ្ទេចទាំងស្រុង។
ជម្លោះដែលកំពុងក្ដៅគគុកនោះ ខាងអ៊ីស្រាអែលមានមនុស្សស្លាប់ជាង១៤០០នាក់ និងប្រមាណ២២០នាក់ត្រូវចាប់ជាចំណាប់ខ្មាំង។ ជំនួយមនុស្សធម៌ចាប់បញ្ចូនទៅតក់ៗទៅកាន់ហ្គាហ្សាពីអេហ្ស៊ីបជួយដល់បណ្ដាជនស៊ីវិល ដែលកំពុងរស់នៅសែនវេទនាបំផុត ក្រោមការឡោមព័ទ្ធជិតរបស់កងទ័ពអ៊ីស្រាអែលដែលកាត់ផ្ដាច់ទឹកនិងភ្លើង។ ជំនួយអង្ករឬម្សៅដែលបញ្ជូនទៅមិនទាំងអាចប្រើកើតផងដោយសារគ្មានទឹក។
ពេលមកកាន់អ៊ីស្រាអែលដើម្បីសម្ដែងការគាំទ្ររបស់បារាំងចំពោះអ៊ីស្រាអែលក្នុងការច្បាំងជាមួយក្រុមហាម៉ាស់ ប្រធានាធិបតីបារាំងលោកអេមម៉ានុយអែលម៉ាក្រុង ស្នើចំពោះអ៊ីស្រាអែលនាថ្ងៃទី២៤តុលា ឲ្យក្រុមចម្រុះអន្តរជាតិដែលដាក់ពង្រាយកម្លាំងនៅអ៊ីរ៉ាក់និងនៅស៊ីរី ចូលរួមក្នុងការតស៊ូប្រឆាំងពួកហាម៉ាស់។ ក្រោយជួបពិភាក្សាជាមួយនាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូនៅក្រុងហ្សេរុយសាឡឹម លោកម៉ាក្រុងសម្ដែងសាមគ្គីភាពជាមួយអ៊ីស្រាអែលនិងសម្ដែងការក្ដុកក្ដួលរបស់បារាំង ចំពោះការបាត់បង់ជិវិតជនជាតិបារាំង៣០នាក់ក្នុងការវាយប្រហាររបស់ពួកហាម៉ាស់នៅអ៊ីស្រាអែល៕
ចែករំលែកព័តមាននេះ