ខេត្តកំពង់ស្ពឺ ៖ រថយន្តឡិចស៊ីសRX330 ត្រូវបានឆេះអស់ឡាំងស្រុក ខណៈដែលម្ចាស់កំពុងតែបើកបរលើផ្លូវល្បឿនលឿនហើយបានឆ្លងចរន្តភ្លើង បង្កឱ្យមានការភ្ញាក់ផ្អើលទាំងកណ្តាលថ្ងៃត្រង់ ដល់អ្នកធ្វើដំណើរ និងសមត្ថកិច្ច។ ហេតុការណ៍ឆេះរថយន្ដស៊េរីទំនើបឡិចស៊ីសRX330 លេីផ្លូវល្បឿនលឿនបង្កឱ្យមានការភ្ញាក់ផ្អើលកាលពីថ្ងៃទី០២…
ខេត្តកំពង់ស្ពឺ ៖ រថយន្តឡិចស៊ីសRX330 ត្រូវបានឆេះអស់ឡាំងស្រុក ខណៈដែលម្ចាស់កំពុងតែបើកបរលើផ្លូវល្បឿនលឿនហើយបានឆ្លងចរន្តភ្លើង បង្កឱ្យមានការភ្ញាក់ផ្អើលទាំងកណ្តាលថ្ងៃត្រង់ ដល់អ្នកធ្វើដំណើរ និងសមត្ថកិច្ច។
ហេតុការណ៍ឆេះរថយន្ដស៊េរីទំនើបឡិចស៊ីសRX330 លេីផ្លូវល្បឿនលឿនបង្កឱ្យមានការភ្ញាក់ផ្អើលកាលពីថ្ងៃទី០២ ខែមករា ឆ្នាំ២០២៦ ចំណុចបង្គោលគីឡូម៉ែត្រលេខ៧៧ ទិសដៅពីភ្នំពេញ-ព្រះសីហនុ ចំណុចភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
សមត្ថកិច្ចស្រុកភ្នំស្រួចបានឱ្យដឹងថា រថយន្តដែលឆេះនោះម៉ាកឡិចស៊ីសRX330(Lexus RX330 )ពណ៌ស ពាក់ផ្លាកលេខភ្នំពេញ 2AI-0897 អ្នកបើកបរមានឈ្មោះ ធាន វុទ្ធី ភេទប្រុស អាយុ៥៦ឆ្នាំ រស់នៅក្នុងភូមិទី១ សង្កាត់លេខ១ ក្រុងព្រះសីហនុ ខេត្តព្រះសីហនុ និងអ្នករួមដំណើរជាមួយចំនួន០៣នាក់ជាក្រុមគ្រួសារ។
សមត្ថកិច្ចស្រុកភ្នំស្រួចបាននិយាយឱ្យដឹងថា នៅមុនពេលកើតហេតុ រថយន្តខាងលើបានបើកបរតាមបណ្តោយផ្លូវល្បឿនលឿន ទិសដៅពីទិសខាងកើតទៅទិសខាងលិច(ភ្នំពេញ-ព្រះសីហនុ) លុះពេលធ្វើដំណើរមកដល់ចំណុចកើតហេតុខាងលើក្នុងភូមិសាស្ដ្រឃុំត្រែងត្រយឹង ស្រុកភ្នំស្រួច ស្រាប់តែឆ្លងចរន្តអគ្គីសនីបណ្ដាលឲ្យរថយន្ដឆេះអស់ទាំងស្រុងតែម្តង។ ចំពោះអ្នកបើកបរនិងអ្នករួមដំណើរក្នុងរថយន្ដខាងលើមិនមានរងរបួស និងគ្រោះថ្នាក់អីនោះទេ ៕
ចែករំលែកព័តមាននេះ