ចិនរុះរើរដ្ឋាភិបាល និងដកតំណែងរដ្ឋមន្ត្រីការពារជាតិ
ប្រទេសចិន ៖ ចិនកាលពីថ្ងៃទី២៤ តុលា បានធ្វើការរុះរើរដ្ឋាភិបាល ដោយដកចេញជាពិសេស
ប្រទេសចិន ៖ ចិនកាលពីថ្ងៃទី២៤ តុលា បានធ្វើការរុះរើរដ្ឋាភិបាល ដោយដកចេញជាពិសេស
រដ្ឋមន្ត្រីការពារជាតិ និងអតីតរដ្ឋមន្ត្រីការបរទេសដែលនៅរក្សាឈ្មោះក្នុងរដ្ឋាភិបាល ។ ពុំទាន់មាន
ការពន្យល់ភ្លាមៗចំពោះការរុះរើនេះនៅឡើយ ។
លោក LI SHANGFU ដែលកាន់តំណែងរដ្ឋ មន្ត្រីការពារជាតិចិន ចាប់តាំងពីខែមីនាមកនោះ
ត្រូវបានដកហូតតំណែង ។ នេះបើតាមសេចក្ដីរាយការណ៍របស់ទូរទស្សន៍ចិន CCTV ដែលយោងតាមសេចក្ដីសម្រេចមួយរបស់គណៈកម្មាធិការអចិន្ត្រៃយ៍សភាប្រជាជនចិន ។ ទូរទស្សន៍នេះមិនបានផ្ដល់ហេតុផលពីការសម្រេចនោះ ដែលទទួលការយល់ស្របពីសំណាក់ប្រធានាធិបតីចិនលោកស៊ី ជីងពីង ហើយក៏មិនបានប្រាប់ឈ្មោះអ្នកដែលឡើងជំនួសលោក LI SHANGFU ដែលកាលពីប៉ុន្មានសប្ដាហ៍មុននេះបានទៅកាន់រុស្ស៊ី និងបេឡារុសដែរ ។
ចំពោះការដកតំណែងរដ្ឋមន្ត្រីការពារជាតិចិន នេះសហរដ្ឋអាមេរិកយល់ថា រដ្ឋមន្ត្រីរូបនេះជា
កម្មវត្ថុនៃការស៊ើបអង្កេតមួយរបស់អាជ្ញាធរ និងកើតមានបន្ទាប់ពីការផ្លាស់ប្ដូរប្រមុខកងឯកភាព
យោធាចិនទទួលបន្ទុកខាងមីស៊ីលយុទ្ធសាស្ត្រពិសេសមីស៊ីលនុយក្លេអ៊ែរ ។ កាលពីខែកក្កដាអាជ្ញា
ធរចិនប្រកាសពីការជ្រើសតាំងមេដឹកនាំថ្មីរបស់កងឯកភាពនោះ តែដោយមិនមានការពន្យល់ឡើយ ។ បណ្ដាសារព័ត៌មានលើកពីការស៊ើបអង្កេតមួយទាក់ទិនរឿងពុករលួយដែលមានការ
ចូលរួមរបស់អតីតប្រមុខកងឯកភាពយោធាពិសេសនោះ ដែលមិនឃើញមុខជាសាធារណៈ
ចាប់តាំងពីច្រើនសប្ដាហ៍មកហើយ ។
មានលេចពាក្យចចាមអារ៉ាមនានាដែលថាលោក LI SHANGFU មានរឿងពុករលួយ ពេល
លោកកាន់តំណែងជាប្រធានអគ្គនាយកដ្ឋានគ្រឿងសព្វាវុធ ។ នេះបើតាមការនិយាយប្រាប់AFP របស់់អ្នកវិភាគម្នាក់លោកស្រីស៊ុនយុននាយិកាកម្មវិធីចិននៅមជ្ឈមណ្ឌល CENTRE STIMSON ក្រុងវ៉ាស៊ីនតោន ។
រឿងដូចគ្នានោះធ្លាប់កើតមានកាលពីខែមិថុនា ចំពោះលោកគីនហ្គាងដែលពេលនោះជារដ្ឋ
មន្ត្រីការបរទេស ។ លោកត្រូវដកតំណែងនោះចេញវិញនាដំណាច់ខែកក្កដា ដោយគ្មានការ
ពន្យល់ណាមួយ ៕
ចែករំលែកព័តមាននេះ