សម្តេចតេជោ អំពាវនាវឲ្យគណបក្សនយោបាយ ២៧ រួមគ្នាទប់ស្កាត់ក្រុមជ្រុលនិយម
រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអំពាវនាវដល់គណបក្សនយោបាយ ចំនួន២៧ ដែលចង់ស័ម្ពន្ធភាព រួមគ្នាទប់ស្កាត់…
រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអំពាវនាវដល់គណបក្សនយោបាយ ចំនួន២៧ ដែលចង់ស័ម្ពន្ធភាព រួមគ្នាទប់ស្កាត់…
រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអំពាវនាវដល់គណបក្សនយោបាយ ចំនួន២៧ ដែលចង់ស័ម្ពន្ធភាព រួមគ្នាទប់ស្កាត់ ចំពោះក្រុមនយោបាយជ្រុលនិយម នៅក្នុងប្រទេសកម្ពុជា ។
ថ្លែងក្នុងពិធីចុះហត្ថលេខា លើកិច្ចព្រមព្រៀងចងសម្ព័ន្ធភាព រវាងគណបក្សប្រជាជនកម្ពុជា ជាមួយបណ្ដាគណបក្សនយោបាយនៅកម្ពុជា ចំនួន២៧ផ្សេងទៀត នាព្រឹកថ្ងៃទី២៥ ខែតុលា ឆ្នាំ២០២៣ នៅវិមាន ៧មករា នៅទីស្នាក់ការកណ្ដាលរបស់គណបក្សប្រជាជនកម្ពុជា សម្តេចតេជោ បានលើកឡើងថា ចំណុចដែលយើងចង់បាន គឺរួមគ្នាទប់ស្កាត់ នយោបាយជ្រុលនិយម ។
សម្តេចតេជោ បានគូសបញ្ជាក់ថា ៖ «នយោបាយជ្រុលនិយម គឺវាគ្រោះថ្នាក់ណាស់ ហើយជាមូលហេតុ នៃការបង្កើតសង្គ្រាម។ នយោបាយជ្រុលនិយម មិនថា ឆ្វេង ឬស្តាំ ប៉ុន្តែវាសុទ្ធតែគ្រោះថ្នាក់ទាំងអស់ យើងពិនិត្យមើល មិនថាប្រទេសយើងទេ។ អ្នកដែលរស់នៅប្រទេសបារាំង ដឹងហើយថា ការបោះឆ្នោតនៅបារាំង រវាងបេក្ខជនពីនាក់ គឺម៉ាក្រុង និងម៉ារីឡឺប៉ែន តើនៅប្រទេសបារាំង គេចាត់យកវិធានការណាខ្លះ ? បារាំងគេចាត់វិធានការទប់ស្កាត់ ម៉ារីឡឺប៉ែន រហូតដល់ម៉ាក្រុង និយាយថា ខ្ញុំយល់សន្លឹកឆ្នោតមួយចំនួន មិនមែនសន្លឹកឆ្នោតម៉ាក្រុងនោះទេ តែជាសន្លឹកឆ្នោតទប់ស្កាត់ ក្រុមជ្រុលនិយម» ។
ជាមួយគ្នានោះដែរ សម្តេចតេជោ បានលើកឡើងថា នៅគ្នុងប្រទេសកម្ពុជា គឺត្រូវទប់ស្កាត់ក្រុមចលនាជ្រុលនិយម ហើយយើងអាចទប់ស្កាត់ចលនាជ្រុលនិយម អាចទៅបាន គឺទាមទារឲ្យធ្វើការអប់រំ សមាជិកសមាជិករបស់ខ្លួន ដើម្បីកុំឲ្យដើរតាមលំនាំនូវនយោបាយជ្រុលនិយម ។
សម្តេចតេជោ បន្ថែមថា នយោបាយជ្រុលនិយម គឺជាមូលហេតុ ដែលនាំឲ្យមានសង្គ្រាមពិតប្រាកដមួយចេញ។ យើងបានស្គាល់ នូវមុនអ្នកជ្រុលនិយម នៅកន្លែងខ្លះ។ ខ្ញុំគ្រាន់តែកត់សម្គាល់ តិចថា រឿងប្រាសាទកោះកេរ្តិ៍ ដែលទើបតែដាក់បញ្ចូលក្នុងសម្បត្តិ មនុស្សជាតិ នៅអង្កការយូណេហ្គូ មានគណបក្សនយោបាយ នៅទីនេះ ភាគីច្រើនសុទ្ធតែបានប្រកាសគាំទ្រ ប៉ុន្តែគណបក្សនយោបាយខ្លះ មិនបានអបអរសាទនោះទេ ព្រោះគេខ្លាចថា បើអបអរសាទ គឺជាគុណ សម្បត្តិរបស់គណបក្សប្រជាជន ដែលកំពុងដឹកនាំរាជរដ្ឋាភិបាល ។
ក្នុងឱកាសនោះដែរ សម្តេចតេជោ ប្រធានគណបក្សប្រជាជនកម្ពុជា បានលើកឡើងថា គណបក្សនយោបាយ ដែលបានចងសម្ព័ន្ធភាព ត្រូវតែរួមគ្នា ដើម្បីកម្ចាត់ចោលនូវនយោបាយជ្រុលនិយម ដូចអ្វី ដែលសម្តេចធ្លាប់បានដាក់ចេញទិសដៅថា ត្រូវកម្ចាត់ចោល នៃអង្កការចាត់តាំងនយោបាយ និងយោធារបស់ខ្មែរក្រហម ខ្ញុំធ្វើបាន ។
សម្តេចគូសបញ្ជាក់បន្ថែមថា ៖ «ឥឡូវ ខ្ញុំចង់ប្រមូលអ្នកទាំងអស់គ្នា ធ្វើកិច្ចការដ៏លំបាកនេះ កិច្ចការ ដែលត្រឹមត្រូវបំផុត កុំឲ្យជ្រុលនិយម មិនថា ជ្រុលនិយមឆ្វេង ឬស្តាំ គឺត្រូវ នៅផ្លូវកណ្តាល» ៕
ចែករំលែកព័តមាននេះ