រាជធានីភ្នំពេញ ៖ កន្លែងដាក់សំរាមមួយកន្លែងត្រូវបានភ្លើងឆាបឆេះសន្ធោសន្ធៅ ដោយពុំដឹងមូលហេតុ បង្កឲ្យមានការភ្ញាក់ផ្អើលទាំងព្រឹក ហើយក្រោយពេលទទួលបានព័ត៌មាននោះហើយ កម្លាំងអាជ្ញាធរនិងសមត្ថកិច្ចមូលដ្ឋាន ព្រមទាំងរថយន្តពន្លត់អគ្គិភ័យបានចេញអន្តរាគមន៍ពន្លត់រលត់ទៅវិញភ្លាមៗ មិនបានឆេះរាលដល់ផ្ទះនិងរោងកម្មករស្នាក់នៅក្បែរនោះឡើយ ។…
រាជធានីភ្នំពេញ ៖ កន្លែងដាក់សំរាមមួយកន្លែងត្រូវបានភ្លើងឆាបឆេះសន្ធោសន្ធៅ ដោយពុំដឹងមូលហេតុ បង្កឲ្យមានការភ្ញាក់ផ្អើលទាំងព្រឹក ហើយក្រោយពេលទទួលបានព័ត៌មាននោះហើយ កម្លាំងអាជ្ញាធរនិងសមត្ថកិច្ចមូលដ្ឋាន ព្រមទាំងរថយន្តពន្លត់អគ្គិភ័យបានចេញអន្តរាគមន៍ពន្លត់រលត់ទៅវិញភ្លាមៗ មិនបានឆេះរាលដល់ផ្ទះនិងរោងកម្មករស្នាក់នៅក្បែរនោះឡើយ ។
ហេតុការណ៍នោះបានកើតឡើងកាលពីវេលាម៉ោង ១០និង២៥នាទីព្រឹក ថ្ងៃទី០៥ ខែមករា ឆ្នាំ២០២៦ នៅជិតមជ្ឈមណ្ឌលប្រល័យពូជសាសន៍ជើងឯក ខាងក្រោយផ្សារអុីអន៣ សង្កាត់ជើងឯក ខណ្ឌដង្កោ រាជធានីភ្នំពេញ ។
សមត្ថកិច្ចបានប្រាប់ថា ទីតាំងដែលត្រូវភ្លើងឆេះនោះគឺជាកន្លែងទុកសំរាម និងស្ថិតនៅជិតឃ្លាំងទិញ លក់អេតចាយផងដែរ ហើយនៅវេលាម៉ោងខាងលើមានប្រជាពលរដ្ឋរាយការមកថា មានការឆាបឆេះផ្ទះនិងរោងកម្មករអេតចាយស្នាក់នៅ ដែលជាហេតុធ្វើឲ្យមានការព្រួយបារម្ភយ៉ាងខ្លាំង ។ ក្រោយពីទទួលបានដំណឹងបែបនេះ កម្លាំងអាជ្ញាធរនិងសមត្ថកិច្ចខណ្ឌដង្កោ បានចេញអន្តរាគមន៍ភ្លាមៗ ព្រមទាំងនាំយករថយន្តពន្ល់អគ្គិភ័យដែលប្រចាំការនៅសាលាខណ្ឌទៅកាន់កន្លែងកើតហេតុ ។
ប្រភពដដែលបានប្រាប់បន្ថែមទៀតថា លុុះពេលទៅដល់ឃើញភ្លើងកំពុងឆេះយ៉ាងសន្ធោរសន្ធៅពិតមែនប៉ុន្តែឆេះកន្លែងទុកសំរាមទេ ពុំមែនឆេះឆេះផ្ទះឬរោងកម្មករស្នាក់នៅដូចជាសេចក្ដីរាយការបឋមពីសំណាក់ប្រជាពលរដ្ឋនោះឡើយ ។ បន្ទាប់មកក្រុមអ្នកពន្លត់អគ្គិភ័យ បានប្រើប្រាស់រថយន្តពន្លត់អគ្គិភ័យ បាញ់ពន្លត់មួយសន្ទុះក៏រលត់ទៅវិញទាំងស្រុង គ្មានការឆេះរាលដល់ផ្ទះ ឬរោងកម្មករអេតចាយស្នាក់នៅដែលស្ថិតនៅជិតនោះទេ ៕
ចែករំលែកព័តមាននេះ