អ៊ីស្រាអែលខឹងច្រឡោ.តខ្លាំងណាស់ចំពោះអគ្គលេខាធិការ អ.ស.ប
សង្គ្រាមអ៊ីស្រាអែល-ហាម៉ាស់ ៖ មានការបន្ដឹងសរសៃកដាក់គ្នាខ្លាំងណាស់នៅ អ.ស.ប កាលពីថ្ងៃទី២៤
សង្គ្រាមអ៊ីស្រាអែល-ហាម៉ាស់ ៖ មានការបន្ដឹងសរសៃកដាក់គ្នាខ្លាំងណាស់នៅ អ.ស.ប កាលពីថ្ងៃទី២៤តុលា ដោយអ៊ីស្រាអែលអំពាវនាវឲ្យអគ្គលេខាធិការលោកអានតូនីញ៉ូហ្គូទ័ររេសលាលែងចេញពីតំណែង។
ពាក្យពេចន៍របស់លោកអានតូនីញ៉ូហ្គូទ័ររេស នាំឲ្យអ៊ីស្រាអែលឆេះដុំខ្លាំង ដោយតំណាងប្រទេសនេះប្រចាំអ.ស.បវាយតមៃ្លថា យើងត្រូវពិនិត្យឡើងវិញទំនាក់ទំនងទាំងមូលរបស់ប្រទេសលោកជាមួយអ.ស.ប។ ពេលប្រមុខអ.ស.បថ្លែងថា ការវាយប្រហារភេរវកម្មរបស់ក្រុមហាម៉ាស់មិនមានឡើយ ប្រសិនបើ់គ្មាននយោបាយកាន់កាប់ដែនដីប៉ាឡេស្ទីនរបស់អ៊ីស្រាអែល៥៦ឆ្នាំមកហើយទេនោះ។
ពាក្យសម្ដីនោះនាំឲ្យរដ្ឋមន្ត្រីការបរទេសអ៊ីស្រាអែល លោកអ៊ីលីកូហេនវាយប្រហារតបតវិញយ៉ាងចាស់ដៃចំពោះលោកហ្គូទ័ររេស។ លោកថាលោកអគ្គលេខាធិការតើលោកកំពុងស្ថិតនៅក្នុងពិភពលោកណា? ពិតជាមិនមែនក្នុងពិភពលោកយើងនេះទេ។
ការអំពាវនាវឲ្យលោកហ្គូទ័ររេសលាលែង ដំបូងលើកឡើងតាមសារមួយលើបណ្ដាញសង្គមX ដោយឯកអគ្គរដ្ឋទូតអ៊ីស្រាអែលប្រចាំអ.ស.ប លោកហ្ស៊ីឡាតអ័រដាន។ ប៉ុន្តែពេលគេសួរលោកថា តើលោកអំពាវនាវឲ្យលោកហ្គូទ័ររេសលាលែងដែរឬ លោកអ៊ីលីកូហេនឆ្លើយថាមែនហើយ តែបន្ទាប់មកលោកបាននិយាយសម្រាល តូនាទីរបស់លោកហ្គូទ័ររេស ក្នុងនាមជាអគ្គលេខាធិការអ.ស.ប។ លោកថាលោកហ្គូទ័ររេសមិនតំណាងឲ្យបណ្ដាសមាជិកសំខាន់របស់អ.ស.បឡើយ ហើយពិតណាស់មានសហដ្ឋអាមេរិក អាល្លឺម៉ង់ បារាំងនិងអង់គ្លេសជាដើមដែលគាំទ្រអ៊ីស្រាអែល។
រដ្ឋមន្ត្រីការបរទេសអ៊ីស្រាអែលបន្ទាប់មក បានបដិសេធមិនជួបជាមួយអគ្គលេខាធិការអ.ស.ប រួមជាមួយសាច់ញាតិចំណាប់ខ្មាំង។ លោកចោទប្រកាន់លោកហ្គូទ័ររេសថា យោគយល់ចំពោះភេរវកម្មនិងពួកឃាតករ។
មុនពាក្យពេចន៍ចម្រូងចម្រាស់របស់លោក អគ្គលេខាធិការអ.ស.បក៏ថ្លែងផងដែរថា ខ្ញុំមានការព្រួយបារម្ភខ្លាំងបំផុត ចំពោះការរំលោ.ភបំពានសិទ្ធិមនុស្សអន្តរជាតិ ដែលយើងបានឃើញនៅហ្គាហ្សា។ ចូូរយើងប្រកាន់ខ្ជាប់ថា គ្មានភាគីណាមួយក្នុងជម្លោះប្រដាប់អាវុធ អង្គុយពីលើច្បាប់មនុស្សធម៌អន្តរជាតិឡើយ។ គ្មានហេតុផលអ្វីមកសម្អាងថា បណ្ដាជនស៊ីវិលត្រូវសម្លា.ប់ ត្រូវធ្វើឲ្យមានរបួសឬត្រូវចាប់ពង្រត់់ឬគ្រាប់រ៉ុក្កែតត្រូវបាញ់សំដៅគោលដៅស៊ីវិលនោះទេ៕
ចែករំលែកព័តមាននេះ