ចំណាប់ខ្មាំ.ងថៃ និងហ្វីលីពីន សង្ឃឹមដោះលែង
សង្គ្រាមអ៊ីស្រាអែលនិងហាម៉ាស់ ៖ រដ្ឋាភិបាលរបស់លោកសេដ្ឋាថាវីស៊ីន បានបង្កើនការខិតខំប្រឹង
សង្គ្រាមអ៊ីស្រាអែលនិងហាម៉ាស់ ៖ រដ្ឋាភិបាលរបស់លោកសេដ្ឋាថាវីស៊ីន បានបង្កើនការខិតខំប្រឹង
សង្គ្រាមអ៊ីស្រាអែលនិងហាម៉ាស់ ៖ រដ្ឋាភិបាលរបស់លោកសេដ្ឋាថាវីស៊ីន បានបង្កើនការខិតខំប្រឹងប្រែង ដើម្បីចរចាឲ្យទទួលបានការដោះលែងចំណាប់ខ្មាំងជនជាតិថៃ១៩នាក់ ដែលកំពុងចាប់ទុកនៅជ្រោយហ្គាហ្សា ។
នាយករដ្ឋមន្ត្រីថៃរូបនេះបានប្រកាសពីជំហរអព្យាក្រិតក្នុងជម្លោះរវាងអ៊ីស្រាអែល និងក្រុមហាម៉ាស់ប៉ាឡេស្ទីន និងងាកមករកភាពជិតដិតជាមួយរដ្ឋអារ៉ាប់មួយចំនួន ដែលមានឥទ្ធិពលក្នុងតំបន់ ។ តាមវិទ្យុបារាំងអន្តរជាតិ RFI ផ្សាយនាថ្ងៃទី២៣ តុលាថា ដើម្បីឲ្យមានការដោះលែងចំណាប់ខ្មាំងជនជាតិខ្លួន ថៃប្រកាន់យកការខិតជិតជាមួយបណ្ដាប្រទេសជាអាជ្ញាកណ្ដាល ពិសេសអ៊ីរ៉ង់ ។
ក្នុងសន្និសីទសារព័ត៌មានមួយនាថៃ្ងទី២០ តុលាឯកអគ្គរាជទូតថៃប្រចាំអ៊ីរ៉ង់អះអាងថា ចំណាប់ខ្មាំងថៃពេលនេះសុខសប្បាយទាំងអស់គ្នានៅហ្គាហ្សា ។ តាមឯកអគ្គរាជទូតរូបនោះថា ប្រធានាធិបតី
អ៊ីរ៉ង់លោកអ៊ីប្រាហ៊ីមរ៉ាអ៊ីស៊ី បានជួបកាលពីប៉ុន្មានថ្ងៃមុននេះនៅកាតា ជាមួយមេដឹកនាំហា
ម៉ាស់លោកអ៊ីស្មាអែលហានីយេហ៍ ។
មេដឹកនាំរូបនេះបានផ្ដល់ការព្រមព្រៀងលើការដោះលែងចំណាប់ខ្មាំងថៃ និងហ្វ៊ីលីពីន ។ ប៉ុន្តែបញ្ហាចោទចំណាប់ខ្មាំងមិនទាន់អាចចាកចេញពីហ្គាហ្សាបានដោយសារការទម្លាក់គ្រាប់បែក និងបាញ់ផ្លោងខ្លាំងក្លារបស់អ៊ីស្រាអែល ។ ឯកអគ្គ្ករាជទូតថៃរូបនោះបន្តថា ដល់ពេលដែលរដ្ឋាភិបាលថៃ និងប្រជាជនពិភពលោកទាំងមូល ទាមទារឲ្យរដ្ឋាភិបាលអ៊ីស្រាអែលបញ្ឈប់ការប្រល័យពូជសាសន៍នៅប៉ាឡេស្ទីន ដើម្បីឲ្យចំណាប់ខ្មាំងទាំងអស់អាចវិលត្រឡប់មកផ្ទះវិញដោយសុខសាន្ត ។
បណ្ដាអ្នកទទួលខុសត្រូវថៃចៀសវាងធ្វើសេចក្ដីថ្លែងការណ៍នយោបាយ ដែលថ្កោលទោសឬគាំទ្រទាំងចំពោះអ៊ីស្រាអែលទាំងចំពោះប៉ាឡេស្ទីន ។ លោកសេដ្ឋាក៏ពឹងដែរលើអារ៉ាប់ប៊ីសាអូឌីតឲ្យជួយក្នុងការដោះលែងចំណាប់ខ្មាំងថៃ ៕
ចែករំលែកព័តមាននេះ