វា.យប្រហារដោយដ្រូនប្រឆាំងកងទ័ពអាមេរិកនៅស៊ីរី
ប្រទេសស៊ីរី ៖ តាមAFPថា កងទ័ពអាមេរិកកាលពីថ្ងៃទី២៣តុលាជាគោលដៅនៃការវាយប្រហារដោយ
ប្រទេសស៊ីរី ៖ តាមAFPថា កងទ័ពអាមេរិកកាលពីថ្ងៃទី២៣តុលាជាគោលដៅនៃការវាយប្រហារដោយដ្រូននៅស៊ីរី តែការវាយប្រហារនោះមិនបណ្ដាលឲ្យមានអ្នករងរបួសឡើយ។ ពេលទទួលដំណឹងនោះប្រធានាធិបតីអាមេរិកលោកចូបៃដិន បានផ្អាកការថ្លែងក្នុងសន្និសីទសារព័ត៌មានមួយ។
មន្ទីរប៉ង់តាហ្គោនគូសបញ្ជាក់ថា ជនប្រដាប់អាវុធមូលដ្ឋាន១ក្រុមនិយាយថា បានវាយប្រហារដោយដ្រូនលើកងទាហានអាមេរិកនៅស៊ីរី។ អ្នកនាំពាក្យមន្ទីរប៉ង់តាហ្គោនឧត្ដមសេនីយPAT RYDER ថ្លែងទៅកាន់សារព័ត៌មានថា មានការប៉ុនប៉ងវាយប្រហារដោយដ្រូនមួយ នៅAl TANF ប្រទេសស៊ីរី។ កន្លែងនោះជាមូលដ្ឋានយុទ្ធសាស្ត្រមួយ ស្ថិតនៅជិតព្រំដែនហ្ស៊កដានីនិងអ៊ីរ៉ាក់។ ដ្រូនវាយប្រហារ២គ្រឿងត្រូវបានបាញ់ទម្លាក់ ដោយប្រព័ន្ធការពារអាកាសអាមេរិក ដែលពុំបណ្ដាលឲ្យមានអ្នករបួសណាម្នាក់ឡើយក្នុងចំណោមកងទាហានអាមេរិក។
សេតវិមានកាលពីថ្ងៃទី២៣ តុលាបានចោទប្រកាន់អ៊ីរ៉ង់ថា ជួយសម្រួលដ៏សកម្មការវាយប្រហារនានាលើបណ្ដាមូលដ្ឋាន មានវត្តមានកងទាហានអាមេរិកនៅមជ្ឈឹមបូព៌ា។ ចាប់តាំងពីថ្ងៃទី១៨ តុលាមក មានការវាយប្រហារដោយដ្រូននិងគ្រាប់រ៉ុក្កែតយ៉ាងតិច៥លើក ប្រឆាំងមូលដ្ឋាន៣កន្លែងនៅអ៊ីរ៉ាក់ ដែលមានការដាក់ពង្រាយកងទ័ពអាមេរិក និងកងកម្លាំងចម្រុះអន្តរជាតិប្រឆាំងជីហាដ។ ក្នុងចំណោមការវាយប្រហារទាំងនេះ ការវាយប្រហារមួយ បណ្ដាលឲ្យមានអ្នករងរបួសស្រាលមួយចំនួន។ ភាគច្រើននៃការវាយប្រហារទាំងនេះ ប្រកាសទទួលខុសត្រូវ ដោយក្រុមមួយមានឈ្មោះថា ក្រុមតស៊ូអ៊ិស្លាមនៅអ៊ីរ៉ាក់ ជាសាខារបស់ពួកស៊ីអ៊ីតស្និទ្ធអ៊ីរ៉ង់៕
ចែករំលែកព័តមាននេះ