ខេត្តសៀមរាប ៖ លោក អាំង សុភា ចៅក្រមស៊ើបសួរ នៃសាលាដំបូងខេត្តសៀមរាប បានសម្រេចចេញដីកាឃុំខ្លួនឈ្មោះ ឈឿ ប្រើច ភេទប្រុស អាយុ៤១ឆ្នាំ មុខរបរធ្វើស្រែ មានទីលំនៅភូមិខ្នារជើង ឃុំក្រូចគរ ស្រុកក្រឡាញ់ ខេត្តសៀមរាប ដាក់ពន្ធនាគារជាបណ្តោះអាសន្នពីបទ «ប៉ុនប៉ងឃា.តក.ម្ម (កា.ប់នឹងពូថៅ)» ទៅលើម្តាយបង្កើតរបស់ខ្លួន។
ការចេញដីកាខាងលើនេះ ធ្វើឡើងនៅល្ងាចថ្ងៃច័ន្ទ ទី២៣ ខែតុលា ឆ្នាំ២០២៣ បន្ទាប់ពីសមត្ថកិច្ចនគរបាលខេត្តសៀមរាប បញ្ជូនខ្លួនជនសង្ស័យទៅកាន់សាលាដំបូង ដើម្បីអនុវត្តតាមនីតិវិធីច្បាប់។
សូមរំលឹកថា កាលពីថ្ងៃ២២ ខែតុលា ឆ្នាំ២០២៣ វេលាម៉ោង១១និង៤០នាទី មានករណីហិ.ង្សានៅត្រង់ចំណុចភូមិខ្នារជើង ស្ថិតក្នុងឃុំក្រូចគរ ស្រុកក្រឡាញ់ ខេត្តសៀមរាប ដែលកូនបង្កើតជនរងគ្រោះបានយកពូថៅកា.ប់ទៅលើជនរងគ្រោះជាម្តាយបង្កើត ខណៈកំពុងតែអង្គុយបោ.កខោអាវ ដោយមិនបានដឹងខ្លួន បណ្ដាលឱ្យជនរងគ្រោះរងរបួសក្បាលផ្នែកខាងលើ រហូតដល់ចេញខួរក្បាលមកខាងក្រៅ ហើយខណៈពេលនេះជនរងគ្រោះត្រូវជាម្តាយរស់ដូចស្លា.ប់។
បើតាមលោកវរសេនីយ៍ឯក នួន ស័ក្តិចំរើនរិទ្ធិ ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានប្រាប់នៅវេលាម៉ោង៩និង១០នាទីព្រឹក ថ្ងៃទី២៤ ខែតុលា ឆ្នាំ២០២៣ នេះថា ជនរងគ្រោះខាងលើមានឈ្មោះ សេក អង ភេទស្រី អាយុ៧០ឆ្នាំ ត្រូវជាម្ដាយបង្កើតជនល្មើស រស់នៅផ្ទះជាមួយគ្នា។
លោកបន្តថា ក្រោយពីធ្វើសកម្មភាពរួច ជនសង្ស័យបានរត់គេចខ្លួនបាត់។ ដោយឡែកជនរងគ្រោះត្រូវបានក្រុមគ្រួសារបញ្ជូនទៅកាន់មន្ទីរពេទ្យខេត្តសៀមរាប ដើម្បីព្យាបាល តែអកុសលជនរងគ្រោះបច្ចុប្បន្នរស់ដូចស្លា.ប់ ខណៈកំពុងតែសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប ។
លោកបញ្ជាក់ទៀតថា ក្រោយជនដៃដល់រត់គេចខ្លួនបាត់មិនបានមួយដង្ហើមចង្រិតផង កម្លាំងយើងចុះស្រាវជ្រាវ រហូតឈានដល់ការចាប់ខ្លួនជនសង្ស័យបាននៅល្ងាចថ្ងៃដដែល រួចបញ្ជូនទៅកាន់អធិការនគរបាលស្រុកក្រឡាញ់ ដើម្បីអនុវត្តតាមផ្លូវច្បាប់ ហើយនឹងរៀបចំកសាងសំណុំរឿងបញ្ជូនទៅកាន់ការិយាល័យនគរបាលព្រហ្មទណ្ឌកម្រិតធ្ងន់ បន្ទាប់មករៀបចំបញ្ជូនបន្តទៅតុលាការខេត្តសៀមរាប ដើម្បិចាត់ការតាមនីតិវិធីនៃច្បាប់។
លោកបន្ថែមថា ជនដៃដល់បានឆ្លើយសារភាពថា «ខ្លួនពិតជាបានយកពូថៅកា.ប់ទៅលើម្ដាយ បង្កើតរបស់ខ្លួនចំនួន១ពូថៅ ចំត្រង់ក្បាលពិតប្រាកដមែន ដោយសារមូលហេតុ ម្ដាយបានយកកណ្ដៀវលាក់ទុក មិនឱ្យខ្លួនយកទៅច្រូតស្មៅ»។
បច្ចុប្បន្ន នៅរសៀលថ្ងៃទី២៣ ខែតុលា ឆ្នាំ២០២៣នេះ លោក អាំង សុភា ចៅក្រមស៊ើបសួរនៃសាលាដំបូងខេត្តសៀមរាប បានសម្រេចចេញដីកាឱ្យកម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បញ្ជូនខ្លួនជនសង្ស័យឈ្មោះ ឈឿ ប្រើច ភេទប្រុស អាយុ៤១ឆ្នាំ យកទៅដាក់ពន្ធនាគារជាបណ្តោះអាសន្ន នៅសង្កាត់ជ្រាវ ក្រុងសៀមរាប។ បច្ចុប្បន្ន ជនរងគ្រោះត្រូវជាម្តាយរបស់ជនសង្ស័យ ពេលនេះរស់ដូចស្លា.ប់ កំពុងសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប។
គួររំលឹកថា ៖ មិនគួរឡើយ! ធ្លាប់ជាប់ពន្ធនាគារ៦ឆ្នាំ ចេញមកវិញបែរជាប្រើពូថៅកា.ប់ម្តាយខ្លួនឯង ៕
ចែករំលែកព័តមាននេះ