ខេត្តសៀមរាប ៖ បើតាមសេចក្តីរាយការណ៍បានប្រាប់ឲ្យដឹងថា កាលពីវេលាម៉ោងប្រមាណ១១ព្រឹក ថ្ងៃទី២២ ខែតុលា ឆ្នាំ២០២៣ មានបុរសម្នាក់ធ្លាប់ជាប់ពន្ធនាគាររយៈពេល៦ឆ្នាំ បានប្រើអំពើហិ.ង្សាដោយយកពូថៅកា.ប់ទៅលើម្តាយខ្លួនឯង បណ្តាលឲ្យផុងលលាដ៍ក្បាល រួចព្យាយាមរត់គេចខ្លួន ប៉ុន្តែត្រូវបានសមត្ថកិច្ចតាមក្របួចមកវិញ ដែលហេតុការណ៍នោះបានកើតឡើងនៅភូមិខ្នារជើង ឃុំក្រូចគរ ស្រុកក្រឡាញ់ ខេត្តសៀមរាប ។
សេចក្តីរាយការណ៍បន្តថា បុរសជាកូនខាងលើនោះមានឈ្មោះ ឈឿ ប្រើច អាយុ៤១ឆ្នាំ ជាមនុស្សប្រើប្រាស់គ្រឿ.ងញៀ.ន រស់នៅភូមិ-ឃុំកើតហេតុខាងលើ ។
សេចក្តីរាយការណ៍បន្តទៀតថា នៅវេលាម៉ោងកើតហេតុខាងលើ ជនសង្ស័យមានទំនាស់ពាក្យសម្ដីជាមួយម្តាយបង្កើត ដោយសារតែខឹងម្តាយបានយកកណ្តៀវលាក់ទុក ខណៈរូបគេចង់ចេញទៅច្រូតស្មៅ ក៏កើតជាអំពើហិ.ង្សាតែម្ដង ហើយកូនប្រុសរូបនោះស្ទុះទៅទាញពូថៅកា.ប់ម្តាយខ្លួនឯង បណ្តាលឲ្យផុងលលាដ៍ក្បាល។
បន្ទាប់ពីទទួលបានព័ត៌មានខាងលើនេះភ្លាម កម្លាំងនគរបាលព្រហ្មទណ្ឌស្រុកក្រឡាញ់ ក្រោមការចង្អុលបង្ហាញពីលោកឧត្តមសេនីយ៍ទោ ស្នងការនគរបាលខេត្ត បានចុះទៅដល់កន្លែងកើតហេតុ និងធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យតែម្តង។ ហើយនៅចំពោះមុខសមត្ថកិច្ច ជនសង្ស័យបានសារភាពថា «រូបគេពិតជាបានប្រើអំពើហិ.ង្សា ដោយយកពូថៅកា.ប់ទៅលើម្តាយបង្កើតឈ្មោះ សេក អង អាយុ៧០ឆ្នាំ ពិតប្រាកដមែន ព្រោះតែខឹងគាត់យកកណ្តៀវច្រូតស្មៅលាក់។ ហើយមិនតែប៉ុណ្ណោះ រូបគេក៏ជាជនប្រើប្រាស់គ្រឿ.ងញៀ.ន និងធ្លាប់ជាប់ពន្ធនាគារ៦ឆ្នាំទៀតផង»។
ដោយយោងទៅលើបទល្មើសជាក់ស្តែងខាងលើ សមត្ថកិច្ចបានកសាងសំណុំរឿង និងវត្ថុតាង ពូថៅ បញ្ជូនជនសង្ស័យទៅកាន់សាលាដំបូងខេត្ត ដើម្បីចាត់ការតាមផ្លូវច្បាប់៕
ចែករំលែកព័តមាននេះ