ឥណ្ឌាបា.ញ់បង្ហោះសាកល្បងដំបូងដោយជោគជ័យយានអវកាសគ្មានមនុស្សជិះ
ប្រទេសឥណ្ឌា ៖ ឥណ្ឌាបានបា.ញ់បង្ហោះដោយជោគជ័យកាលពីថ្ងៃទី២១តុលា យានអវកាសគ្មាន
ប្រទេសឥណ្ឌា ៖ ឥណ្ឌាបានបាញ់បង្ហោះដោយជោគជ័យកាលពីថ្ងៃទី២១តុលា យានអវកាសគ្មានមនុស្សជិះសាកល្បងដំបូង សម្រាប់អនាគតបេសក កម្មទីអវកាស ជាមួយការបញ្ចូនមនុស្សទៅ ដែលគំណត់ពីដំណាក់កាលថ្មីដ៏សំខាន់មួយ ក្នុង មហិច្ឆិតាអវកាសរបស់ខ្លួន។
បេសកកម្មយានអវកាសGAGANYAAN របស់ឥណ្ឌា គឹសំដៅបញ្ជូនមនុស្ស៣នាក់ ទៅកាន់តារាវិថីក្នុងឆ្នាំ២០២៥ ដែលនឹងបង្ហាញពីសមត្ថភាពបច្ចេកទេសរបស់អង្គការស្រាវជ្រាវអវកាសឥណ្ឌា។ ការបាញ់បង្ហោះកាំជ្រួចអវកាសកាលពីថ្ងៃទី២១តុលា ជាការសាកល្បងប្រព័ន្ធជម្លៀសបន្ទាន់របស់យានអវកាសមានមនុស្សជិះ ដែលយាននោះបានបំបែកចេញពីកាំជ្រួចបញ្ជូនសន្សឹមៗ ប្រមាណជា១០នាទីក្រោយការបាញ់បង្ហោះ។
អង្គការស្រាវជ្រាវអវកាសឥណ្ឌា នឹងធ្វើការសាកល្បងសំខាន់២០លើក ក្នុងនោះមានការសាកល្បងយានដឹកញ្ជូនទៅក្នុងអវកាសមុនបេសកកម្មរបស់យានមានមនុស្សជិះមួយនាពេលខាងមុខ។ GAGANYAANជាយានអវកាសសាកល្បងទីមួយរបស់ឥណ្ឌា ដែលការផលិតចំណាយប្រាក់១,០៨ពាន់លានដុល្លារ។ ឥណ្ឌាគ្រោងបញ្ជូនអវកាសយានិកឲ្យទៅស្ថិតនៅហួសពីបរិយាកាសផែនដីក្នុងរយៈពេល៣ថ្ងៃ មុនពេលយាននោះអាចចុះដោយសុវតិ្តភាពក្នុងដែនទឹកខ្លួន។
នាយករដ្ឋមន្ត្រីឥណ្ឌាលោកណារេនដ្រាម៉ូឌីមានបំណង បញ្ជូនមនុស្សម្នាក់ទៅកាន់ភពព្រះចន្ទក្ុងឆ្នាំ២០៤០ បន្ទាប់ពីមួយឆ្នាំនៃជោគជ័យរបស់កម្មវិធីអវកាសឥណ្ឌា។ កាលពីខែសីហាឥណ្ឌាក្លាយជាប្រទេសទី៤ ដែលបញ្ជូនយានមួយទៅចុះចតលើផ្ទៃភពព្រះចន្ទបន្ទាប់ពីរុស្ស៊ីអាមេរិកនិងចិន។ នាខែបន្ទាប់ពីនេះឥណ្ឌាបានបញ្ជូនយានពិនិត្យស្រទាប់ខាងក្រៅរបស់ព្រះអាទិត្យនៅតារាវិថីព្រះអាទិត្យ៕
ចែករំលែកព័តមាននេះ