បើតាមលោក សេង លុច អធិការស្រុកថ្មគោល បានរាយការណ៍នៅមុននេះបន្តិចឱ្យដឹងថា សាកស.ពយុវជនរងគ្រោះដែលលង់ទឹកនៅប្រឡាយមួយកន្លែង ស្ថិតក្នុងស្រុកថ្មគោលនោះ ពេលនេះត្រូវបានរកឃើញហើយ
ខេត្តបាត់ដំបង ៖ បើតាមលោក សេង លុច អធិការស្រុកថ្មគោល បានរាយការណ៍នៅមុននេះបន្តិចឱ្យដឹងថា សាកស.ពយុវជនរងគ្រោះដែលលង់ទឹកនៅប្រឡាយមួយកន្លែង ស្ថិតក្នុងស្រុកថ្មគោលនោះ ពេលនេះត្រូវបានរកឃើញហើយ កាលពីវេលាម៉ោង១និង៤៥នាទីរសៀល ថ្ងៃទី២២ ខែតុលា ឆ្នាំ២០២៣នេះ។
លោក សេង លុច អធិការស្រុកថ្មគោល បានឱ្យដឹងបន្តថា សា.កស.ពយុវជនរងគ្រោះ គឺត្រូវបានគេស្វែងរកឃើញនៅក្នុងទឹកប្រឡាយខាងក្រោម ចំណុចកើតហេតុប្រហែល៣០០ម៉ែត្រ ពីកន្លែងកើតហេតុ។
គួររំលឹកថា ៖ ហេតុការណ៍ខាងលើនេះបានកើតឡើងកាលពីវេលាម៉ោងជាង៣រសៀលថ្ងៃទី២១ ខែតុលា ឆ្នាំ២០២៣ នៅចំណុចប្រឡាយលេខ០២ ស្ថិតក្នុងភូមិកៀនកែស១ ឃុំគោកឃ្មុំ ស្រុកថ្នគោល។ ជនរងគ្រោះមានឈ្មោះ យ៉ាន តារ៉ា ភេទប្រុស អាយុ២៣ឆ្នាំ រស់នៅភូមិប៉ោយយង់ ឃុំតាពូង ស្រុកថ្មគោល។
គួររំលឹកបន្តថា មុនពេលកើតហេតុ ជនរងគ្រោះបានជិះកង់ទៅលេងទឹកប្រឡាយខាងលើនេះ ជាមួយក្មេងៗប៉ុន្មាននាក់ទៀត។ ពេលនោះជនរងគ្រោះព្យាយាមចុះលេងទឹកប្រឡាយនោះ តែពេលព្យាយាមចុះទឹក ស្រាប់តែជនរងគ្រោះរអិលជើងធ្លាក់ទឹក ដោយពុំទាន់បានត្រៀមលក្ខណៈអ្វីទាំងអស់ ស្របពេលដែលទឹកកំពុងតែហូរខ្លាំងផង។ គ្រានោះ ជនរងគ្រោះបានស្រែកហៅឲ្យក្មេងប្រុសម្នាក់ដែលឈរនៅខាងលើ ឲ្យជួយទាញដៃឡើងគោកវិញ តែពេលក្មេងប្រុសរូបនោះស្ទុះទៅចាប់ដៃ គឺចាប់មិនជាប់ឡើយ ក៏របូតដៃលិចបាត់ជនរងគ្រោះភ្លាមៗតែម្ដង។
គួររំលឹកទៀតថា ៖ ជិត២ថ្ងៃមកហើយ! នៅមិនទាន់រកឃើញយុវជនរងគ្រោះឡើយ ក្រោយរអិលជើងធ្លាក់ចូលទឹក ៕
ចែករំលែកព័តមាននេះ